Gerðir kirkjuþings - 1984, Side 78

70
1984
15. Kirkjuþing
25. mál
Tillaga
til þingsályktunar um raforkukaup kirkna.
Flm. Haildór Finnsson
sr. Einar Þ. Þorsteinsson
Kirkjuþing felur Kirkjuráði og biskupi að taka upp viðræður við orkumálaráðherra, um hagkvæmari gjaldskrá til kirkna —
hjá Rafmagnsveitum ríkisins og héraðsveitum.
Greinargerð
Tillaga þessi er flutt vegna beiðni héraðsfundar Snæfellsnes- og Dalaprófastsdæmis og héraðsfundar
Múlaprófastsdæmis. Þar var til umræðu sá mikli kostnaður sem kirkjur þurfa að greiða til upphitunar
og ljósa — og annað sem verra er að margar kirkjur skemmast vegna ónægrar upphitunar.
Ljósriti af bréfi Rafmagnsveitu Reykjavíkur til herra biskups Péturs Sigurgeirssonar dags. 29.10.84
var dreift til kirkjuþingsmanna og er svar um raforkukaup kirkna.
Mikið af bréfi þessu eru almennar bollaleggingar — svo sem — „Algengt er að kirkjur séu hitaðar upp
annað hvort með rafmagni eða jarðvarma” — ? og — „Raforka til ljósa og hitunar í kirkjum er seld
samkvæmt gjaldskrá rafveitna” — ? — hvað annað?
Tökum hér enn eina setningu úr þessu bréfi úr næst síðustu málsgrein. Þar segir: „Vonandi er unnt að
finna lausn á þessum vanda þótt ekki sé hægt að bjóða upp á önnur viðskiptakjör en gjaldskrár rafveitn-
anna segja til um.”
Þetta er einmitt það sem ætlunin er með tillöguflutningi þessum. Þ.e. að Kirkjuráð semji beint við
orkumálaráðherra að kirkjurnar njóti þeirra bestu kjara sem rafveitur bjóða — en því fer fjarri í dag.
Kirkjur eru á sama taxta hjá RARIK og t.d. samkomuhús og bankar. Margir taxtar hjá ýmsum veitum
eru lægri — og taxti mjög misjafn hjá rafmagnsveitum. — Þess má geta t.d. að ekki virðist vera vanda-
mál fyrir laxveiðimenn að fá viðunandi taxta á rafmagni í veiðihúsum sínum.
Við teljum að fyrst og fremst sé rétt að snúa sér beint til orkumálaráðherra og fá velvilja hans fram um
orkukaup til kirkna, og semja síðan við rafveitur hverja fyrir sig.
Vísað til fjárhagsnefndar, er lagði til, að tillagan væri samþykkt óbreytt. (Frsm. Kristján Þorgeirsson)
Samþykkt samhljóða.