Tímarit um menntarannsóknir - 01.01.2008, Qupperneq 84

82
Tímarit um menntarannsóknir, 5. árgangur 2008
Reykjavíkurborgar og var þriðji hver
leikskóli á listanum valinn. Haustið 2006
var spurningalistinn sendur til úrtaks 84
leikskólakennara af landsbyggðinni. Valdir
voru af handahófi 1–3 leikskólar í hverjum
landsfjórðungi. Var farin sú leið að velja einn
leikskóla úr 1–3 þéttbýliskjörnum í hverjum
fjórðungi og var hending látin ráða hvaða
leikskóli varð fyrir valinu ef um var að ræða
fleiri en einn leikskóla í þéttbýliskjarna.
Niðurstöður
Umfang og tegund ráðgjafar
Byrjað var á því að kanna hvort þátttakendur
teldu ráðgjöf við foreldra vera hluta af starfi
leikskólakennara. Alls sögðu 93,1% ráðgjöf vera
hluta af starfinu. Í framhaldi af því var kannað
hversu oft leikskólakennarar töldu foreldra leita
eftir stuðningi og ráðgjöf. Samkvæmt greiningu
á viðtölum skiptist ráðgjöf til foreldra í þrjár
eftirfarandi megintegundir: 1) ráðgjöf sem felst
í almennum ráðleggingum viðvíkjandi uppeldi/
umönnun, svo sem um mataræði og svefn, 2)
ráðgjöf um aga og 3) ráðgjöf varðandi þroska.
Leikskólakennararnir voru spurðir hversu oft
þeir teldu foreldrana leita eftir ráðgjöf á hverju
þessara þriggja sviða. Helstu niðurstöður má
sjá á 1. mynd.
Eins og sjá má er lítill munur á hversu oft
foreldrar leita ráða á þessum þremur sviðum.
Nálægt þátttakenda sögðu foreldrana leita
oft eftir öllum þremur tegundum ráðgjafar en
um þriðjungur sagði það gerast sjaldan eða
aldrei. Leikskólakennararnir voru því næst
spurðir hvort þeir teldu ráðgjöf hafa aukist á
síðustu árum. Þessu svöruðu 58,5% játandi og
29,6% neitandi en 10,8% sögðust ekki hafa
samanburð.
Þeir sem töldu ráðgjöf hafa aukist voru svo
beðnir að taka afstöðu til hugsanlegra ástæðna
fyrir þeirri aukningu. Það vekur athygli að 83%
þeirra sem höfðu svarað spurningunni játandi
töldu ástæðuna vera aukið traust foreldra til
fagþekkingar leikskólakennara og 46,6% völdu
möguleikann „aukið sjálfstraust og öryggi
leikskólakennara í starfi“. Mun færri merktu
við svarmöguleikana „meira óöryggi foreldra
varðandi uppeldi“ (32%) og „minni ráðgjöf
frá stórfjölskyldu“ (23,9%). Þátttakendur gátu
merkt við fleiri en einn svarmöguleika.
Að lokum var spurt hvort þeir teldu einhvern
hóp foreldra leita ráðgjafar umfram aðra. Þessu
svöruðu 34 (26,2%) játandi og voru þeir beðnir
að merkja við nokkra valmöguleika um hver
þessi hópur foreldra væri og var oftast merkt
við unga foreldra með fyrsta barn. Í öðru sæti
voru foreldrar sem bjuggu við erfiðar aðstæður
og í þriðja lagi foreldrar af erlendum uppruna.
Það verður þó að fara varlega í að draga miklar
ályktanir af svörum svo lítils hluta úrtaksins.
1. mynd. Ráðgjöf sem foreldrar leita eftir.
Jónína Sæmundsdóttir og Sólveig Karvelsdóttir
Aldrei Sjaldan Nokku oft Mjög oft Tegund rá gjafa sem foreldrar sækjast eftir
Uppeldi 3.1 33.6 51.6 11.7
roski 0.8 33.1 57.5 8.7
Agi 1.6 33.9 52 12.6
N uppeldi =128
N roski 127
N= Agi 127
Uppeldi N= roski N=12Agi N=127
Aldrei 3.1 0.8 1.6
Sjaldan 33.6 33 1 33.9
Nokku oft 51.6 57.5 52
11.7 8.7 12.6
3.1
33.6
51.6
11.7
0.8
33.1
57.5
8.7
1.6
33.9
52
12.6
0
10
20
30
40
50
60
70
Aldrei Sjaldan Nokku oft
Hlutfall (%)
Uppeldi N=128
roski N=127
Agi N=127
Mjög oft