Dagblaðið Vísir - DV - 13.02.2008, Qupperneq 48

48 MIÐVIKUDAGUR 13. FEBRÚAR 2008
Suðurland DV
Sögusetrið á Hvolsvelli var sett á laggirnar árið 1997 og varð því tíu ára á síðasta ári. Það var stofnað til þess
að vekja athygli á Brennu-Njálssögu og hlutverki hennar í menningarsögu þjóðarinnar en starfsemi setursins
hefur nú verið aukin til muna. ^
„Sögusetrið hefur tekið nokkrum
breytingum. Við gerðum upp Njálu-
sýninguna í fyrra og nú er komið
að seinni hluta enduruppbygging-
ar með breytingum á kaupfélags-
sýningunni og að sjálfsögðu ber að
minnast á það að þetta er fýrsta og
eina kaupfélagssafnið á landinu.
Mesta breytingin er hins vegar að
það er komið meira líf í setrið, það
er orðið eins konar menningarmið-
stöð. í hverjum mánuði opnum við
til að mynda nýja sýningu í gallerí-
inu og svo eru reglulega hinar ýmsu
tónlistaruppákomur," segir Þuríður
Halldóra Aradóttir, umsjónarkona
Sögusetursins á Hvolsvelli, sem hef-
ur unnið sér fastan sess í menningar-
lífi Hvolsvallar og nærsveita og þótt
víðar væri leitað.
Tíu ára afmæli í fyrra
Sögusetrið var sett á laggirnar
árið 1997 og varð því tíu ára á síð-
asta ári. Það var stofnað til þess að
vekja athygli á Brennu-Njálssögu og
hlutverki hennar í menningarsögu
þjóðarinnar en það voru sveitarfé-
lögin sex í austanverðri Rangárvalla-
sýslu sem stóðu að stofnun seturs-
ins. Njálssaga er nú tengd ferðum
um héraðið og í Sögusetrinu er hægt
að fá þaulvana leiðsögumenn sem
tilbúnir eru að veita leiðsögn ferða-
mönnum á íslensku, ensku og nor-
rænum tungumálum um helstu staði
sem tengjast Njálu.
Sprenging með Njálu
Kaupfélagssafnið var opnað í hús-
inu í byrjun árs 1999 og sama ár var
tekinn í notkun Söguskálinn sem er
stílfærður forn langskáli sem hefur
notið mikilla vinsælda og verið not-
aður til margvíslegra athafna. Gall-
eríið kom svo til sögunnar árið 2001
auk þess sem upplýsingamiðstöð
ferðamanna er í húsinu. Að sögn
Þuríðar hefur setrið því nú um átta
hundruð fermetra til umráða. Og að-
sóknin er góð. „Þetta hefur gengið
mjög vel. Það varð náttúrlega mikil
sprenging með Njálu og alltaf stöðug
umferð. Svo tók þetta smá dýfu þeg-
ar breytingar voru í gangi, en það má
segja að nú sé búið að breyta þessu
úr því að vera eingöngu Njálusýning
Tekið á því Sögusetrið er
þungamiðja Hausthátíðarinnará
Hvolsvelli þar sem meðal annars er
tekist á í hreystikeppni á milli
hreppanna.
yfir í fjölbreytta menningarmiðstöð
fyrir svæðið."
Fimmtungs aukning í aðsókn
Eins og vænta mátti eru gestirn-
ir bæði íslenskir og erlendir og seg-
ir Þuríður að gestum hafi fjölgað um
tuttugu prósent á milli áranna 2006
og 2007. Gestafjöldinn á ári er nú
um 4.000 til 5.000 manns og þar af
er töluverður fjöldi skólakrakka sem
kemur í skipulögðum ferðum til að
skoða söguslóðir Njálu samfara lestri
þessa sígilda verks. Langstærsti hluti
gestanna heimsækir setrið á sumrin
en þá er það opið alla daga vikunn-
ar. Á veturna er það opið um helgar
en hægt er að gera undantekningu á
því að sögn Þuríðar, enda sé hún yf-
irleitt til taks á skrifstofunni í næsta
húsi en Þuríður starfar aukinheldur
sem markaðs- og kynningarfulltrúi
sveitarfélagsins Hvolsvallar.
Ný heimasíða Sögusetursins fer
að komast í gagnið þar sem gestir
og íbúar svæðisins geta fylgst náið
með því sem um er að vera í þessu
merkilega setri á Suðurlandi. Slóðin
er njala.is.
kristjanh@dv.is
Sögusetrið á Hvolsvelli Var opnað
sumarið 1997 og varð því tíu ára á
síðasta ári.
Guðni les pistilinn Guðni Ágústsson,
formaður Framsóknarflokksins, flytur
Njáluerindi í Söguskálanum. Þuriður
segir salinn alltaf fyllast þegar Guðni er
með erindi.
H li| pfl
1 11ITM J 1".'—IwWll
:KW ”1 I ‘ j (| j

Þetta vilja börnin sjá Galleríið á
Sögusetrinu var opnað fyrir sjö árum og
nýtur mikilla vinsælda. Nú stendur þar
yfir sýningin Þetta vilja börnin sjá sem
samanstendurafteikningum úr
íslenskum barnabókum.
Meirihluti bæjarstjórnar í Hveragerði hafnaði beiðni Ólafíu Eyrúnar Sigurðardóttur um launað leyfi í
þrjá mánuði vegna náms í fótaaðgerðafræði. Ellen Ýr Aðalsteinsdóttir bæjarfulltrúi minnihlutans, segir
málið snúast um hærra þjónustustig i bænum og furðar sig á afstöðu meirihlutans.
FÓTAAÐGERÐANÁMIÐ
KLAUF BÆJARSTJÓRN
Bæjarstjórnin í Hveragerði klofnaði í af-
stöðu sinni til beiðni Ólafíu Eyrúnar Sig-
urðardóttur um þriggja mánaða launað
námsleyfi. Hún sótti um styrk til að læra
fótaaðgerðafræði.
„Þetta nám er þungur baggi fjárhagslega
en ég ætla ekki að láta það koma í veg fyr-
ir að ég geti lært þessa grein," segir Eyrún
sem er menntuð sjúkraliði og jógakenn-
ari. Bæjarstjórn Hveragerðisbæjar synjaði
beiðni hennar vegna fyrirhugaðs náms.
Þrír bæjarfulltrúar vildu samþykkja beiðn-
ina en fjórir höfnuðu henni.
Ólík sjónarmið
Ellen Ýr Aðalsteinsdóttir, bæjarfulltrúi
minnihlutans í Hveragerði, segir niður-
stöðuna ekki samræmast fyrri ákvörðunum
meirihlutans. „Við í minnihlutanum teljum
að meirihlutinn hafi skapað fordæmi fyrir
þessu með því að samþykkja beiðnir ann-
arra aðila um námsleyfi fyrr á kjörtíma-
bilnu, jafnvel þó þetta nám sé nokkuð frá-
brugðið því sem samþykkt var áður," segir
hún.
„Við höfðum vonast til að
meirihlutinn kynni fótum
sínum forráð í þessu máli"
Ellen segir að þótt bæjarstjórn hafi ver-
ið klofin í málinu hafi eldd orðið uppi fót-
ur og fit í bæjarstjórn. „Nei, sem betur fer
ekki, en við höfðum vonast til að meirihlut-
inn kynni fótum sínum forráð í þessu máli,"
segir hún að lokum.
Hærra þjónustustig
Sjálfstæðismenn eru í meirihluta í bæj-
arstjórn Hveragerðisbæjar en sjónarmið
þeirra voru þau að kjarasamningar leyfðu
ekki þriggja mánaða námsleyfi á launum
auk þess sem þessi grein félli ekki undir
lögbundna þjónustu sveitarfélagins. Ellen
Ýr segir þau rök ekki sterk. „Hér, eins og
annars staðar, er margt gert sem ekki fell-
ur undir lögbundna þjónustu. f Hveragerði
býr mikið af eldra fólki og það er ekki útlit
fyrir annað en að því muni fjölga á næstu
árum. Við teljum að þessi menntun leiði af
sér hærra þjónustustig og að námið muni
koma íbúum bæjarins til góða þegar fram í
sækir," segir hún.
Fjárhagslega erfitt
Eyrún ætlar ekki að láta niðurstöðuna á
sig fá. „Ég er nú þegar byrjuð í náminu en ég
verð að viðurkenna að ég hafði vonast eftir
styrk til að læra þetta fag. Þetta verður erfitt
fjárhagslega en égtel að þessi þjónusta geti
nýst bæjarfélaginu vel," segir Eyrún sem er
forstöðumaður dagdvalar aldraðra. „Við
leituðum eftir því að fá fótaaðgerðafræðing
til starfa vegna þess að þörfin er brýn þrátt
fyrir að slíkur fræðingur komi frá Selfossi
tvo daga í viku og sinni aðallega sjúkling-
um á Dvalar- og hjúkrunarheimilinu Ás-
byrgi. Sú eftirleitan bar ekki árangur," segir
Eyrún sem lýkur náminu í desember. Sam-
kvæmt upplýsingum frá menntamálaráðu-
neytinu veita bæjarfélög á Norðurlöndum
almennt þjónustu af þessu tagi.
baldur@dv.is