Glóðafeykir - 01.04.1969, Blaðsíða 50

50
GLÓÐAFEYKIR
framfarir. Sá þótti mörgum mestur ljóður á ráði Ingimars, að hann
var hlédrægur stórum meir en hófi gegndi. Hann vildi helga heim-
ili sínu og óðali krafta sína alla og óskipta. Þess vegna reyndi hann,
svo sem framast mátti, að hliðra sér hjá að gegna opinberum störf-
um — og tókst það furðanlega. í skattanefnd Akrahrepps sat hann
þó síðustu árin allmörg.
Ingimar á Flugumýri naut óskiptia vinsælda sveitunga sinna og
annarra. Öllum þótti vænt um þennan drengilega mann, þeim sem
kynntust honum til nokkurrar hlítar. Og öllum þótti gott með
honum að vera. Við fráfall hans á miðjum aldri varð héraðsbrestur.
Sigurjón Benjamínsson, bóndi á Ingveldarstöðum í Hjaltadal, lézt
þ. 9. janúar 1956. Fæddur var hann að Ingveldarstöðum 15. apríl
1878, sonur Benjamíns bónda þar Friðfinnssonar, bónda á Fjalli
í Kolbeinsdal, Friðfinnssonar, og konu
hans Elínar Guðmundsdóttur bónda á
Ingveldarstöðum, Sigurðssonar, og þriðju
konu hans Önnu Björnsdóttur.
Sigurjón óx upp í foreldragarði til full-
orðinsára. Stundaði hann nám í Hóla-
skóla og lauk prófi þaðan 1905. Keypti
jörðina Nautabú í Hjaltadal og reisti þar
bú 1908, bjó þar (og einnig á Kjarvals-
stöðum 1909—1911) miklu myndar- og
rausnarbúi allt til 1943, er þau hjón
brugðu búi og seldu jörðina. Fluttu þá
að Ingveldarstöðum til föðurtúna Sigur-
jóns, og bjuggu þar með börnum sínum
meðan honum entist aldur. Sigurjón var
hinn mesti búhöldur, framkvæmdamaður og fjárgæzlumaður ágætur.
Árið 1909 kvæntist Sigur]ón Elínborgu Pálsdóttur bónda á Kjar-
valsstöðum Péturssonar, bónda á Bjarnastöðum í Blönduhlíð, Pét-
urssonar bónda á Marbæli í Óslandshlíð, Guðmundssonar, og sam-
býliskonu hans Guðrúnar Jónsdóttur bónda í Hálfdánartungum í
Norðurárdal, Sigurðssonar, og Þóru Tómasdóttur.
Börn þeirra hjóna voru 4: Elínborg, húsfr. í Reykjavík, Sigrún,
húsfr. og kennari í Reykjavík, Páll, áður bóndi að Ingveldarstöðum,
nú verkam. á Sauðárkróki og Anna, húsfr. og kennari í Hróarsdal
í Hegranesi, d. 1958.
Sigairjón Benjamínsson var mikill maður vexti, breiður um bol
Sigurjón Benjaminsson.