Glóðafeykir - 01.12.1969, Blaðsíða 75

GLÓÐAFEYKIR
75
Björgvin Skaftason, verkam. á Sauðárkróki, lézt þ. 8. jan. 1958, að-
eins 29 ára gamall, fæddur að Mælifellsá ytri 24. sept. 1929. Voru for-
eldrar hans Skafti bæjarfulltr. og verkam. á Sauðárkróki Magnússon,
bónda í Gilhaga á Fremribyggð, Jónssonar
bónda á Irafelli í Svartárdal, Asmundsson-
ar, og kona hans Anna Sveinsdóttir, Svein-
björnssonar. Hún dó 1952.
Björgvin fæddist upp með foreldrum sín-
um og fluttist með þeim til Sauðárkróks er
hann var á 3. ári. Átti hann þar heima
lengstum síðan. Upp kominn stundaði hann
ýmsa vinnu, er til féllst, bæði heima og
heiman.
Björgvin Skaftason féll í valinn á miðju
vori lífsins. Saga hans varð því hvorki löng
né heldur viðburðarík. Og þó verður hann
hverjum manni minnisstæður, þessi ungi maður. Hann var hár og
grannvaxinn, yfirbragðið brosmilt, hlýtt og drengilegt, ávallt ein-
hver tindrandi heiðríkja yfir svip hans og fasi öllu. Hann var ágæt-
lega gefinn, sem hann átti kyn til. Gáfur hans voru bæði'fjölþættar
og skarpar. Hann hafði yndi afi ljóðum og listum. Hann var allra
manna fyndnastur og beinskeytastur. F.n í skeytum hans var sjaldan
falinn broddur. Þeim var ekki skotið í þeim tilgangi að særa. Þau
flugu ósjálfrátt. Því var oft í þeim fólgin ósvikin list. Enda var Björg-
vin hverjum manni vinsælli og alls staðar aufúsugestur.
Svo gat virztsem þar væri Björgvin Skaftason allur, sem fjörið var
og gáskinn og glaðværðin. Þó var ekki svo. Hann hafði viðkvæma
lund, var dulur og fámáll um sínar dýpstu tilfinningar. Hitt mun
sannast mála, að ríkasti þátturinn í fari hans væri einlæg og fölskva-
laus samúð með öllum þeim, er á einhvern hátt fóru halloka á leik-
velli lífsins. í þeirri samúð var hann allur og heill.
Björgvin Skaftason dó ókvæntur og barnlaus.
Hannes Hannesson, bóndi á Daufá á Neðribyggð, lézt 14. janúar
1958. Fæddur var hann á Steinsstöðum í Tungusveit 13. jan. 1893
og var því rétt hálfsjötugur, er hann andaðist. Foreldrar hans voru
Hannes bóndi á Daufá Hannesson, bónda á Vindheimum, Jóhannes-
sonar, og kona hans Kristjana Kristjánsdóttir í Brekkuseli í Hróars-
tungu austur, Jónssonar, og Ólafar Steinmóðsdóttur á Torfastöðum
í Jökulsárhlíð.
Björgvin Skaftason.