Skírnir - 01.09.1996, Blaðsíða 229

SKÍRNIR
STÓRT ORÐ HÁKOT
475
með aðild fulltrúa Menntamálaráðuneytisins. I þessari nefnd hafa
Islendingar þegar skapað sér stofnun sem nær til allrar þessarar
starfsemi í landinu. Með þetta í huga veltur ekki allt á því hvort
háskólarnir eru fleiri eða færri í sjálfu sér. Það sem úrslitum ræð-
ur er hvernig þessari sameiginlegu stofnun er beitt til þess að
tryggja nægilega fjölbreytni og nægilega rannsóknar- og sköpun-
argleði í mikilvægum undirstöðustofnunum.21 Að þessu sama
marki stefna þær hugmyndir sem fram hafa komið um að leysa
Háskóla íslands úr þeirri fjárhagslegu spennitreyju sem þjakar
hann nú, og úr þeim þversagnakenndu hindrunum og takmörk-
unum sem reglur ríkisvaldsins setja honum. Það er þversögn í
frjálsu aðgengi og fjölgun námsmanna annars vegar og fast skorð-
aðri tekjuöflun hins vegar, og það er einnig þversögn í því að kjör
sérfræðinga, háskólakennara og rannsóknamanna lúti þjóðarsátt
þegar vitað er að þeir hafa margir hverjir óhindraðan aðgang að
alþjóðlegum vinnumarkaði upplýsinga- og vísindasamfélagsins.
Það kann að vera óþægilegt á sviði stjórnmálanna að viðurkenna
að hér er um þversagnir að ræða, en þessar þversagnir eru hættu-
legar og geta valdið þjóðinni miklum skaða.
í öllum þessum efnum er mjög mikilvægt að menn hverfi frá
úreltum sjónarmiðum og fordómum en temji sér að líta á
fræðslustarfsemina, ekki síst háskólastigið, sem undirstöðuat-
vinnuveg sem verður að njóta fjölbreytni, frjálsræðis og sköpun-
argleði til að skila þjóðinni sem allra mestu.
Jón Sigurðsson
21 Samstarfsnefnd um háskólastigið hefur nú um árabil skilað drjúgu og prýði-
Iegu verki undir forystu þeirra rektora Háskóla íslands sem starfað hafa á
starfsskeiði nefndarinnar. Sjá Á að breyta Háskóla íslands í sjálfseignarstofn-
un? (Nefnd um skoðun á kostum og göllum þess ...).