Ritröð Guðfræðistofnunar - 01.09.2006, Page 20

10. Jesús afklæddur.
11. Jesús negldur á krossinn
12. Jesús deyr á krossi.
13. Jesús tekinn niður af krossinum.
14. Jesús lagður til hvíldar.35
Flesta atburðina er að fínna í píslarfrásögum allra guðspjalla Nýja testa-
mentisins, en með nokkrum undantekningum þó. Þannig tilheyrir frásag-
an af Símoni frá Kýrene samstofnaguðspjöllunum (Mt 27.32; Mk 15.21; Lk
23.26), en hjá Jóhannesi ber Kristur sjálfur krossinn (19.17) og Lúkas einn
segir frá samtali Krists við konurnar frá Jerúsalem (23.28).
Alls eru fimm af fjórtán áfangastöðum helgaðir atvikum sem ekki er
sagt frá í Nýja testamentinu. Um er að ræða þrjá staði þar sem minnst er
falls Jesú á leiðinni upp á Golgata, auk fundar Jesú og móður hans annars
vegar og hins vegar Veróníku, sem báðar verða á vegi hans. Sennilega hafa
pílagrímarnir ályktað sem svo að Jesús hafi verið það aðframkominn eftir
illa meðferð í varðhaldinu að hann hafi ítrekað hnigið til jarðar á leiðinni
á krossinn. Sömuleiðis má hugsa sér að frásaga Jóhannesarguðspjalls af
Maríu við krossinn hafi gefið tilefni til að ætla að María hafi fylgt syni sín-
um frá höll Pílatusar til krossins. Til eru heimildir frá annarri öld sem segja
frá Veróníku sem kom til Pílatusar til að vitna um sakleysi Jesú.36 Heimildir
frá fjórðu og fimmtu öld e.Kr. segja frá klútnum sem Veróníka notaði til að
þerra andlit Jesú og geymdi eftir það andlitsmynd hans. Klútur Veróníku
er þekktur helgigripur sem varðveittur hefur verið í Péturskirkjunni í Róm
frá 8. öld e.Kr. og er talinn hafa lækningamátt.37
35 Evans 2004, s. 128-129.
36 1 sumum heimildum er Verónika talin vera sama konan og Jesús læknaði af blóðláti, sbr. Mt 9.20-22 (Hoag-
land 2002b).
37 Hoagland 2002b.