Ritröð Guðfræðistofnunar - 01.09.2006, Qupperneq 29

gegn Kristi og ekki er annað að sjá en að Kaífas og menn hans láti sér vel
líka þá hrottalegu meðferð sem Kristur fær hjá rómversku hermönnunum.
í þessu samhengi má samt sem áður ekki líta framhjá þeim Gyðingum sem
eru vilhallir Kristi og Gibson teflir fram til að milda ásýnd Gyðinga. Þá
hefur Gibson haldið því fram að það séu í raun ekki Gyðingarnir sem séu
sekir, heldur allt mannkynið og til að árétta þann skilning vildi hann sjálfur
reka naglana í gegnum lófa Krists.
Vissulega eru ekki allir á sama máli um túlkun Gibsons á Gyðingum og
til eru þau sem ekki sjá and-semisma í myndinni, þar sem þau líta á dauða
Krists fyrst og síðast sem verk Guðs.65 En hvert svo sem sjónarhornið er, þá
er aldrei of oft minnt á að túlkun píslarsögunnar fer aldrei fram í sögulegu
tómarúmi. Það er því sérstaklega mikilvægt að hugað sé að túlkun og hugs-
anlegum áhrifum hennar og ekki er ásættanlegt að skýla sér á bak við það
að „svona sé þetta í guðspjöllunum1.66 Hér hlýtur ábyrgð túlkandans að vera
mikil, sérstaklega í ljósi reynslunnar og langrar hefðar fyrir and-gyðingleg-
um viðhorfum og ofsóknum sem þrifist hafa, og þrífast enn, í skjóli krist-
innar trúar. Vart er trúverðugt að skella skuldinni á höfunda guðspjallanna,
sem höfðu engar forsendur til að geta sér til um þau áhrif sem píslarsögur
þeirra áttu eftir að hafa.67
Píslarsaga Emmerich
Þó að ýmislegt í guðspjöllunum styðji þá neikvæðu mynd sem Gibson
dregur upp af Gyðingum, þá þurfti hann að fara annað til að finna nákvæma
lýsingu á hegðun þeirra, sem og mörgu öðru sem er að finna í mynd hans
og á sér ekki stoð í guðspjöllunum. Þegar hefur verið bent á efni sem hann
sótti í hina aldagömlu hefð um áfangastaði á krossferlinum, en þeir mynda
65 Levine 2004, s. 199.
66 Reinhartz 2004a, s. 168.
67 Reinhartz 2004a, s. 167.
27