Ritröð Guðfræðistofnunar - 01.09.2006, Page 30

einnig ramma utan um mystískar sýnir Anne Catherine Emmerich. í bók-
inni The Dolorous Passion ofOur Lord Jesus Christ66 eru lýsingar á sýnum
Emmerich sem gegna í raun mun stærra hlutverki í mynd Gibsons held-
ur en píslarsögur guðspjallanna. Samanburður á mynd Gibsons og sýnum
Emmerich leiðir einnig í ljós hversu lítið af efni er komið frá Gibson sjálf-
um. Það hefur með öðrum orðum lítið reynt á hugmyndaauðgi Gibsons
við túlkun píslarsögunnar, þó hugsanlegt sé að honum hafi ekki fundist við
hæfi að bæta of miklu við frá eigin hjarta. Út frá sterkri stöðu hefðarinn-
ar innan rómversk-kaþólsku kirkjunnar má aftur á móti gera ráð fyrir að
Gibson telji kennivald þess ítarefnis sem hann styðst við og tilheyrir hefð-
arsögu hinnar rómversk-kaþólsku kirkju óumdeilanlegt.69 Þá er eðlilegt að
spurt sé hvort það hafi haft einhver áhrif á afstöðu Gibsons til Emmerich að
á þeim tíma sem myndin var í vinnslu var komið að því að Emmerich yrði
lýst sæl (e. beatified), en það gerðist í október 2004, eða rúmu hálfu ári eftir
að mynd Gibsons var frumsýnd.70
Anne Catherine Emmerich (1774-1824) var fædd í Westfalíu, landsvæði
sem nú tilheyrir Þýskalandi.71 Frá barnæsku vakti hún athygli vegna sterkr-
ar trúarvitundar og trúarlegrar reynslu. Ung laðaðist hún að meinlætalifn-
aði og segir sagan að hún hafi meðal annars sofið á plönkum í krossstöðu
á snæviþakinni jörð.72 Emmerich gekk í klaustur þegar hún var tæplega
þrítug, en klaustursystur hennar auðsýndu henni öfund og óvild vegna þess
hversu mjög hún skar sig úr hópnum. Hún var að upplagi veikburða og
síðustu tíu ár ævi sinnar var hún rúmföst vegna veikinda. Fljótlega eftir
68 Bókin er aðgengileg á vefnum á slóðinni: jesus-passion.com
69 Kirkjuþingið í Trent (1545-1563) áréttaði sterka stöðu hefðarinnar við hlið ritningarinnar (McGrath 2001, s.
187-188).
70 Sjá vefsíðuna jesus-passion.com (æviágrip).
71 Sjá vefsíðurnar New’ Advent 2005 ogjesus-passion.com (æviágrip).
72 Emmerich 1983, s. 6.
28