Ritröð Guðfræðistofnunar - 01.09.2006, Page 57

fram hjá einstaka viðmælendum, að mikilvægi kirkjunnar felist í starfsemi
æskulýðsfélags kirkjunnar, því að hún safni peningum handa þeim sem eru
hjálparþurfi og í þeim trúarreglum sem kirkjan stendur fyrir. Lítill hluti
hópsins taldi hins vegar kirkjuna ekki skipta neinu máli.
Afstaða unglinganna til annarra trúarbragða en kristni og til gild-
is trúarbragða almennt endurspeglar umburðarlyndi í trúmálum. Stúlka
í Reykjavík gefur dæmigert svar fyrir þennan hóp: „Allt í lagi. Fólk á að
mega trúa á það sem það vill trúa á.“ Önnur stúlka í Reykjavík segir: „Mér
finnst það barafínt. Einhverjir útlendingar sem eru í bekknum mínum eru
annarrar trúar. “ í svörum unglinganna kemur einnig fram að trúarbrögð
og það sem þau fela í sér skipti máli í huga margra þeirra, bæði fyrir þá
sem trúa, en einnig tengt spurningum um tilvist og siði og venjur. Stúlka
í Reykjavík tjáir sig þannig: „Ég held að þau þurfi að trúa á eitthvað, þau
þurfi aðfá svör afhverju við erum til og svona. “ Hér er tilvistartúlkunin sem
sé í brennidepli. Um þriðjungur átti þó erfitt með að tjá sig um mikilvægi
trúarbragða en aðeins einn taldi þau ekki skipta neinu máli.
Vangaveltur unglinganna um tilurð heimsins endurspegla þrátt fyrir
þetta að tilveruskilningur þeirra virðist ekki mjög fastmótaður hvað það
atriði varðar og er einhvers konar blanda af vísindalegri eða trúarlegri túlk-
un ásamt vangaveltum um tilgang lífsins. Sum grípa til þess sem kalla má
vísindalegar skýringar. Til dæmis segir stúlka í Reykjavík: „Mér dettur í hug
eldgos og sprengingar. Mér dettur líka í huggeimurinn ogfullt af stjörnum."
Og drengur, líka úr Reykjavík, segir: „Varð einhver sprenging í geimnum
sem myndaði hnöttinn. Og ég hallast að vísindalegu hliðinni. “ Önnur gefa
guðfræðilegar eða trúarlegar skýringar, tala um að Guð hafi skapað heim-
inn eða vísa til sköpunarsagna Biblíunnar. Sum þeirra sem setja fram slík-
ar hugmyndir nefna jafnframt að þau reikni líka með þróun. Þannig segir
stúlka í Reykjavík t.d.: „Að Guð hafi skapað gras og alls konar tré ogþannig
dót en svo auðvitaðþróun á alls konar lífverum. “ Nokkrir viðmælenda vilja
55