Ritröð Guðfræðistofnunar - 01.09.2006, Side 58

engu slá föstu og spyrja fyrst og fremst tilvistarspurninga og um ástæður og
tilgang. Þannig skrifar stúlka í sjávarþorpi: „Mérfinnst skrýtið að hugsa til
þess hvernigþaðgat allt í einu orðið til heimur og alltþað sem þvífylgir. Bara
hvernig og hver og hvað gerðist eiginlega þannig að allt varð til. Ég get eig-
inlega ekki ímyndað mér þetta en er búin að spá mikið íþessu.“ Og drengur
í sama bæjarfélagi segir: „Afhverju hann er til? Til hvers og hver er tilgang-
urinn? Afhverju er ekki bara allt tómt ‘svart’?“ Hér eru tilvistarspurningar
og tilvistartúlkun sett í brennidepil. Svörin sýna reyndar öll að unglingarnir
pæla töluvert í tilurð heimsins. Þau eru fæst tilbúin til að slá einhverju föstu
í þessu efni og ef til vill er þetta í takt við vaxandi fjölhyggju og margbreyti-
leika samfélagsins eða jafnvel umrót og uppgjör unglingsáranna.
Gildifjölskyldu og vina
í samræðum um gildi og gildismat var komið inn á margt. Gengið var út frá
spurningu um hvað unglingunum þætti eftirsóknarverðast í lífinu. Greinilegt
er að nánasta félgaslegt net er efst í huga mjög margra. Meirihlutinn nefn-
ir í þessu sambandi góða vini og góða fjölskyldu. Allmörg töluðu um góða
menntun og vinnu og að ná árangri í lífinu og nokkur um góða heilsu, íþróttir
og heilbrigt líferni. Þá töldu nokkur eftirsóknarverðast að hafa ánægju af líf-
inu, vera jákvæður og hamingjusamur. Allt bendir þetta til þess að hefðbund-
in og jákvæð gildi skipti unglingana máli og þótt fáein þeirra nefni frama og
peninga eru það önnur gildi sem skipta flest þeirra meira máli.
Þar sem góð fjölskylda og góðir vinir voru svo mikilvægur þáttur í huga
unglinganna var spurt nánar út í hvers vegna. Þegar rætt var um fjölskyld-
una komu fram þrenn meginsjónarmið. f fyrsta lagi eru það þau sem töldu
að fjölskyldan skipti máli sem félagslegt öryggisnet. Það er mikilvægt að
eiga góða fjölskyldu þegar eitthvað bjátar á eða veitir stuðning í því sem
takast þarf á við. Þannig segir stúlka í Reykjavík: „Hún getur hjálpað manni
efmaður lendir í erfiðleikum. “ Og drengur í Reykjavík er sama sinnis: „Það
56
J