Ritröð Guðfræðistofnunar - 01.09.2006, Qupperneq 80

löggjafinn mikli áður orðið að flýja úr landi vegna þess að hann hafði gerst
brotlegur við lög.
Ekki eru andlit Móse færri í síðari tíma menningu, eins og sýnt er með
nokkrum dæmum í þessari grein,
Móse og kvikmyndirnar - Nútíma midrash?
Efniviður margra fyrstu kvikmyndanna sem gerðar voru var sótt-
ur í Biblíuna. Þannig voru gerðar kvikmyndir um ævi Móse strax upp
úr aldamótunum 1900. Þekktasta kvikmyndin um Móse er tvímælalaust
kvikmynd Bandaríkjamannsins Cecil De Mille frá 1956, The Ten Comm-
andments (Boðorðin tíu).
Þar sem kvikmyndir hafa haft mikil áhrif á íslenska menningu er full
ástæða til að geta þeirra hér þó að ætlunin hafi verið að taka einkum dæmi
úr íslenskri menningarsögu.
Hér má og nefna sem dæmi myndröð Pólverjans Krystof Kieslowskis
(1941-1996) um boðorðin tíu. Þar var um að ræða eina mynd um hvert
boðorð og túlkað á mjög frumlegan hátt.
Frá síðustu árum má nefna teiknimyndina Egypska prinsinn (The Prince
ofEgypt, 1998) sem dæmi um að kvikmyndaframleiðendum hefur tekist að
gera söguna af Móse og flóttanum frá Egyptalandi spennandi fyrir „videó-
kynslóðina“ en sú kynslóð heyrir raunar brátt sögunni til, svo hratt fleygir
tækninni fram.
Á ráðstefnu biblíufræðinga í Bandaríkjunum fyrir nokkrum árum12 heyrði
ég talað um þessa mynd sem nútíma „midrash" og finnst mér það mjög at-
hyglisverð nálgun gagnvart nútíma kvikmyndum út frá biblíulegu efni. Raun-
ar finnst mér sjálfum mun áhugaverðari kvikmyndir sem vinna með biblíuleg
stef án þess að það komi skýrt fram í heiti þeirra eða sé öllum augljóst.
12 Það mun hafa verið á þingi Society of Biblical Literature (SBL) í Boston í nóvember árið 1999.