Ritröð Guðfræðistofnunar - 01.09.2006, Side 82

sálmur sem íslenski þjóðsöngurinn er ortur út af skuli eignaður hinni miklu
frelsishetju ísraelsmanna, Móse, þeim manni sem leiddi þá út úr ánauðinni
í Egyptalandi. Menn hafa séð skyldleika við Móse í Jóni Sigurðssyni (1811-
1879) forseta og þessi óbeinu tengsl Móse við íslenska þjóðsönginn eru
þeim mun skemmtilegri.
Móse og íslenskar frelsishetjur hér á landi og í Vesturheimi
Ekkert íslenskt nafn ber hærra í sjálfstæðisbaráttu íslendinga en nafn
Jóna Sigurðssonar forseta. Það þarf því ekki að koma á óvart að honum
skuli hafa verið líkt við Móse. Það gerir Guðjón Friðriksson sagnfræðingur
í nýjustu ævisögu Jóns Sigurðssonar.17 Jón Sigurðsson var frelsishetja þjóð-
ar sinnar eins og Móse.
Móse bjó meðal Egypta, Jón meðal Dana. Þeir háðu báðir baráttuna á
útivelli og hvorugur upplifði að sjá fullnaðarsigur í höfn eða að ná til fyr-
irheitna landsins fyrir andlát sitt.
Er íslendingar tóku að flytj ast til Vesturheims í leit að betra lífi í
nýju landi barst þeim hjálp frá enskum presti að nafni John Taylor sem
leiddi þá til Nýja-íslands. Hann var jafnan nefndur Móse af íslendingum
og í hinni sögulegu skáldsögu Böðvars Guðmundssonar Híbýli vindanna er
hann einfaldlega nefndur Móse Taylor.18 Vesturheimur var og fyrirheitna
landið í augum margra íslendinga á síðari hluta 19. aldar. 19
Rauða hafið og Haffjarðará
Ein af stórfenglegri frásögnum 2. Mósebókar er af því hvernig hinir hebr-
esku þrælar komust undan hermönnum Faraós er Rauða hafið klofnaði
og Móse og hans menn gengu þurrum fótum yfir en „þegar hestar Faraós
17 Guðjón Friðriksson, Jón Sigurðsson 2002.
18 Bövar Guðmundsson, Híbýli vindanna 1996 (2. útg.), s. 245 o. áfr.
19 Um þetta efni skrifaði sr. Óskar H. Óskarsson kjörsviðsrirgerð í guðfræðideild árið 1999.
80
A