Ritröð Guðfræðistofnunar - 01.09.2006, Qupperneq 86

Ekki er svigrúm til að rekja það efni hér í smáatriðum en það var þannig
til komið að sænskur trúboði Aðventista David Östlund að nafni kom hingað
til lands skömmu fyrir aldamótin og fór að stunda trúboð og kynna sérstöðu
trúarhreyfingar sinnar. Það trúboð upplifði Jón Helgason prestaskólakennari
(1866-1942) sem árás á sunnudagshelgi þjóðkirkjunnar og snerist kröftuglega
til varnar, ekki síst í tímariti sínu Verði Ijós. Deilurnar urðu mjög snarpar og
mörkuðu upphaf sögulegra biblíurannsókna og biblíugagnrýni hér á landi.
Mismunandi túlkun á hvíldardagsboðinu átti stóran þátt í einhverjum
mestu kaflaskiptum sem orðið hafa í sögu íslenskra biblíurannsókna.25
íslenskt dansleikverk um boðorðin tíu
Skemmtilegt dæmi um áhrif Gamla testamentisins á menningu okkar
íslendinga var að finna í frétt Fréttablaðsins á mánudaginn 12. Júní 2006.26
Þar greindi frá því að dansleikverk Mörtu Nordal um boðorðin tíu hefði
sigrað í Dansleikhússamkeppninni 25 tímar sem haldin var í Borgarleik-
húsinu fimmtudagskvöldið 8. júní.
Um verkið segir Marta í viðtali við Fréttablaðið: „Mig langaði að sýna
hvernig við erum alltaf að brjóta boðorðin í okkar daglega lífi. Hluti af
óhamingju okkar stafar af því að við brjótum boðorðin, höldum framhjá,
stelum, tölum illa um manneskjuna og gerum grín að trúnni.“
Frétt þessi er dæmi um á hve ólíkum sviðum og ólíkum listgreinum má
vænta þess að finna fyrir notkun á biblíulegu efni.
Móse í Passíusálmunum
Móse kemur ekki mjög við sögu í Passíusálmum Hallgríms enda fjalla
þeir fyrst og síðast um píslir Krists. í 48. sálmi er Móse þó getið í beinu
framhaldi af einu fallegasta versi allra sálmanna, þ.e. versinu
25 Um þetta efni hefur Jóhanna Magnúsdóttir, cand., theol., fjallað í kjörsviðsritgerð sinni í guðfræðideild 2002.
26 „Samdi dansleikverk um boðorðin tíu.“ Fréttablaðið 12. Júní 2006, s. 38.
84