Ritröð Guðfræðistofnunar - 01.09.2006, Side 89

Elskan til Guðs og náungans
Tvöfalda kærleiksboðorðið um elskuna til Guðs og náungans er gjarnan
talinn grundvöllur kristinnar siðfræði. En það vill oft gleymast að bæði eru
þessi boðorð til staðar i Gamla testamentinu og raunar bæði í Mósebókum.
í 3. Mósebók 19.18 segir: „Þú skalt elska náungann eins og sjálfan þig“ og
5. Mósebók 6.4: „Þú skalt elska Drottin, Guð þinn af öllu hjarta þínu og
af allri sálu sinni og af öllum mætti þínum.“ Oft er sagt að hin nýja vídd í
kristinni siðfræði sé að þessi tvö boðorð, elskan til Guðs og náungans séu
tengd saman. Hvað sem því líður er ljóst að grunninn að hinu tvöfalda kær-
leiksboðorði er að finna í Mósebókum.
Mikilvægi áhrifasögu Mósebóka
Dæmin sem hér hafa verið rakin ættu að nægja til að sýna að áhrif
Mósebóka eru enn mjög veruleg í samfélagi okkar og mætti að sjálfsögðu
sína fram á það á mun rækilegri hátt með ítarlegri skrifum og með því að
margfalda dæmin.
Hvort sem við tölum um áhrifasögurannsóknir eða viðtökurannsóknir í
biblíufræðum þá eru þær til þess fallnar að andæfa þeirri útbreiddu skoðun
að biblíutextarnir séu aðeins dauð fornfræði. Dæmin sem hér hafa verið
rakin ættu að sýna að textarnir kvikna stöðugt til lífs og eru með marg-
víslegum hætti nýttir og heimfærðir upp á atburði á líðandi stundu.
Lengst af hafa ritskýrendur að heita má alveg vanrækt þennan þátt sem
ég hef stundum kallað framhaldslíf Biblíutextanna. Nú er þar að verða
ánægjuleg breyting á eins útgáfa nýju áhrifasöguritraðarinnar hjá Black-
well-útgáfufyrirtækinu, sem áður var getið, er gleggsta dæmið um. Þetta er
spennandi þróun og var ekki seinna vænna að biblíufræðingar létu af því
furðulega tómlæti sem þeir hafa sýnt áhrifasögu biblíutextanna.
í því tómlæti felst undarleg mótsögn. Það er ljóst að biblíufræði eru
stunduð í háskólum um allan hinn vestræna heim og raunar mun víðar
87