Skagfirðingabók - 01.01.1991, Page 65

KONRÁÐ GÍSLASON MÁLFRÆÐINGUR
Mikið sé ég eftir því, að þér yfirgáfuð Cleasby meðan
hann þurfti yðar við, því fyrir það sama er hætt við, að
talsvert fleiri misfellur verði á verki hans en annars hefði
orðið (Finnbogi Guðmundsson 1969:184).
Af öðru bréfi frá Hallgrími, sem skrifað var árið 1847, sést að
Konráð er aftur kominn til starfa fyrir Cleasby (Finnbogi
Guðmundsson 1969:186).
I bréfi frá Guðbrandi Vigfússyni til Konrads Maurers, sem
Svavar Sigmundsson birti í grein um Guðbrand, kemur fram að
það ár hafi Cleasby sent prentaða prufu til Jakobs Grimms.
Guðbrandur hyggur að Cleasby hafi þá talið safnið tilbúið og
ætlað að byrja prentun smám saman (Svavar Sigmundsson
1989:293). Ur því varð þó ekki þar sem Cleasby lézt sama ár.
Verkinu var haldið áfram og greiddu erfingjar Cleasbys kostn-
aðinn.
Arið 1850 segir Konráð í bréfi til föður síns að sér þyki meira
varið í að vinna að orðabók Cleasbys en dönsku orðabókinni
(Bréf 1984:150) og 1851 segist hann vona að sér takist að ljúka
orðabók íslenzkrar tungu í fornöld með enskum þýðingum um
nýár (Bréf 1984:153). Eftir þetta er lítið af verkinu að frétta ef
frá er talið bréf er Konráð skrifaði til Jakobs Grimms í marz
1854. Um leið og hann þakkar fyrir boð um aðild að Akademí-
unni í Berlín, segist hann senda sýnishorn af fornnorrænni-
enskri orðabók sem sér hafi verið falin ritstjórn á eftir lát
Cleasbys (Briefwechsel 1885:309-311). Konráð hefur talið
Grimm manna bezt til þess fallinn að meta verkið þar sem
Grimm hafði sjálfur um allnokkurt skeið unnið að orðabók
þýzkrar tungu og kom fyrsta bindi hennar einmitt út 1854.
Grimm svarar Konráði 5. maí sama ár og lýsir ánægju sinni yfir
því að Konráði skuli hafa verið falið að fylgja verkinu eftir. Seg-
ist hann ekkert hafa út á sýnishornið að setja en spyr hvort
Konráð telji að eitt bindi nægi virkilega fyrir svo umfangsmikið
63