Skagfirðingabók - 01.01.1991, Side 184

SKAGFIRÐINGABÓK
Kistubotninn var gerður úr tveimur borðum, um 3 sm að
þykkt. Þau voru nokkurn veginn jafnbreið, eða um 28 sm (11
tommur) þar sem þau voru breiðust. Kistubotninn var látinn
liggja eftir og ekki fjarlægður. Þegar þarna verður grafið aftur
ættu að sjást merki um hann. Ekki var grafið dýpra á þessum
stað, en vel getur verið að fleiri grafir séu undir þessari.
Kistan var um tveggja metra löng, 196 sm þegar mælt var við
botn (utanmál), hefur verið ívið breiðari til höfða en til fóta, en
þó munar ekki mjög miklu. Breidd á höfðagafli var 56 sm en á
fótagafli 43 sm. Dýpt kistunnar var um 40 sm, og virtust hlið-
arnar úr einu borði fremur en tveimur, eftir því sem séð varð.
Timbrið var það fúið að ekki var með vissu hægt að sjá hvort
gaflar voru úr einu borði eða hvort þau voru fleiri. Ekki verður
fullyrt mikið um lok kistunnar, enda var ofan á henni fjöldi af
fjölum, þar af tvær með leifum af tinskildi (ANNO 1710). Ekk-
ert sérstakt bendir þó til þess að lok kistunnar hafi verið öðru-
vísi en flatt. Svo virðist af Skálholtsgrefti að flestar þær kistur
sem þá voru skoðaðar hafi mjókkað nokkuð til fóta.15
Ljóst er að það sem gerst hafði var u.þ.b. þetta: Gömul gröf
hafði verið opnuð, lokið tekið af kistunni og fleygt niður í hana
samtíningi af beinum og kistuskrauti úr gröfum sem raskað
hafði verið. Helst leit úr fyrir að þetta hefði verið gert í tölu-
182