Jökull - 01.12.1971, Page 28

þ. 27. janúar, rigndi og hefur hlaupið senni-
lega orðið þá.
(Nr. 247. Snjóflóð á Egilsstöðum, Fljótsdal.
Heimild: Morgunblaðið 21. febrúar (J. P.).)
I þorrabyrjun (24.) setti niður talsverðan snjó
í Fljótsdal á Héraði, en undir lok janúar gerði
hláku. Var mikil rigning aðfaranótt jt. 28. jan.
og urðu þá víða snjó- og krapahlaup, bæði í
Suður- og Norðurdal í Fljótsdal. Féll þá meðal
annars allmikið krapahlaup hjá bænum Egils-
stöðum í Norðurdal. Klofnaði það um hól upp
af bænum og féll meginhluti þess utan bæjar-
ins, tók túngirðinguna á nokkrum kafla og
reif upp jarðfasta steina, er urðu á vegi þess.
Fjallshlíðin var ákaflega svelluð undir snjónum
og því mjög hál.
Ekki er vitað, að þarna hafi orðið snjóflóð
áður.
(Nr. 248. Snjóflóð hjá bœnum Litlanesi, A,-
fíarð. 9. marz 1958.)
Vísur Júlíusar Sigurðssonar, Litlanesi, frá
vetrinum 1958:
Hálf var Góa gráleikin,
grettin þróar harðindin,
henti snjó á húskarl minn.
Hann var nógu þaulsætinn.
Heyrði að brast í klettakrá,
kom í hasti snjóflóð þá,
en kofinn fastur fyrir lá,
fóru rastir niður í sjá.
Greinilega er hér um snjóflóð að ræða.
I bréfi, sem Júlíus skrifaði mér 20. júní 1958,
segir hann nánar frá þessu:
Litlanes stóð undir hamrabelti allháu og nið-
ur frá hömrunum brekka brött. Upp í gegnum
hamrana eru skörð á einum þrem stöðum.
Bæjar- og gripahús stóðu niður undan þessum
hömrum, en framan í þá safnast í fannavetr-
um hengjur, er stundum springa fram skyndi-
lega. Húskarl Júlíusar, Jón Thorberg, 85 ára
gamall, hafði misst annan fótinn fyrir 55 árum
og síðan gengið við gervifót, hafði kindur sín-
ar um 20 talsins í kofa þarna á túninu. A önd-
verðri góu hlóð niður snjó og setti hengjur í
hamrana. Bar það þá við einn dag, er Jón
gamli hafði gefið kindunum og var að yfirgefa
26 JÖKULL 21. ÁR
kofann, að snjóflóð hljóp úr hömrunum, klofn-
aði um húsið og hljóp síðan í sjó fram, en
karl mun hafa orðið á milli rastanna og því
sloppið nokkurn veginn við flóðið.
(Nr. 249. Snjóflóð á Patreksfirði. Aðalheimild:
Morgunblaðið 18. marz.)
Þann 14. marz féll 700 m breitt snjóflóð úr
fjallinu ofan við Urðir á Patreksfirði við út-
jaðar byggðarinnar. Mikla hengju hafði gert
þarna í fjallsbrúninni, sem er 300—400 m hæð,
og sprakk hengjan fram. Flóðið sópaði með sér
þremur bílskúrum, er stóðu þarna utanvert við
kauptúnið, og voru eigendur þeirra: Þráinn
Hjartarson, útgerðarmaður, Sigurður Guð-
mundsson, bílstjóri, og Kristján Ólafsson,
birgðavörður. Bílskúr Þráins var úr timbri. I
lionum var nýr fjögurra manna fólksbíll og
mikið af varningi. Skúrinn sópaðist alveg burtu
og bifreiðin gereyðilagðist. Skúr Sigurðar var 20
m löng steinbygging með járnþaki. Tók flóðið
12 m af honum. Þar eyðilagðist nýuppgerð,
þriggja tonna vörubifreið og kassar með raf-
magnsvörum, sem Rafmagnsveitur ríkisins áttu.
Skúr Kristjáns var járnvarin timburbygging.
Flóðið hreif hana af grunni, og skemmdist þar
4 manna fólksbifreið. Þá reif það upp og braut
alla rafleiðslustaura, sem urðu á vegi þess, þar
á meðal leiðsluna til innsiglingarljósa hafnar-
innar.
Ennfremur skemmdist áhaldahús rikisins í
Mikladal mikið og allar vörur, er í því voru.
Þakið rifnaði af og húsið skekktist. Girðingar
slitnuðu sundur, en lóðir og garðar stórskemmd-
ust, þar sem flóðið náði til.
Flóðið náði alveg að yzta húsinu í þorpinu,
tveggja hæða byggingu, eign Kristins Jónsson-
ar, útgerðarmanns, og Guðjóns Jóhannessonar,
byggingameistara. Þar sprengdi það upp hurð
að miðstöðvarklefa og fyllti liann af snjó.
Einnig brauzt það inn i gang í íbúðinni á
neðri hæð hússins, en þar sem þetta var i jaðri
flóðsins urðu ekki teljandi skemmdir á húsinu,
en olíugeymir utan húss rifnaði upp.
Tveir menn sluppu þarna naumlega undan
hlaupinu, annar inn í fyrr nefnt hús.
Þetta er talið í þriðja sinn í tíð núlifandi
manna, sem snjóflóð hafa orðið á þessurn stað.
(Nr. 250. Snjóflóð i Önundarfirði. Heimild: Al-
þýðublaðið. — Frétt frá Flateyri þ. 18. marz.)