Jökull - 01.12.1971, Side 34

(Nr. 276. Snjóflóð d Vesturlandi. Heimild:
Morgunblaðið 8. febriiar 1968, Tíminn 6. og 8.
febrúar 1968 og Vísir 5. febrúar 1968.)
í aftakaveðri, er gekk yfir Reykhólasveit o. v.
sunnudaginn 4. febrúar, féll snjóflóð á húsið
á bænum Grund i Reykhólasveit, bar stórgrýti
á húsið og tók af fjárrétt.
(Nr. 277.)
Sama dag féll snjóflóð á tvö fjárhús á Drangs-
nesi við Steingrímsfjörð og grandaði 60 kind-
um. Eigendur þeirra voru Haukur Torfason og
Höskuldur Björnsson. I fjárhúsi Hauks voru 40
kindur og fundust tvær með lífsmarki, en aðra
varð að aflífa þá þegai. I fjárhúsi Höskuldar
voru 20 kindur og fórust allar.
(Nr. 278.)
Snjóflóð féll á bæinn Ketilsstaði við Hvamms-
fjörð innanverðan sunnudaginn 4. febrúar. Tók
það geymsluskúr, sem var áfastur íbúðarhúsinu,
og var í honum jeppi nýlegur, dráttarvél, hey-
vinnslutæki, áburður, fóðurvörur og Ijósavél
heimilisins. Öllu þessu sópaði flóðið með sér
niður til sjávar. Fannst jeppinn í þremur hlut-
um niðri í flæðarmáli. Ibúðarhúsið sakaði ekki,
en að því sópuðust stórar snjódyngjur, svo
heimilisfólkið varð að skríða út og inn um
glugga.
(Nr. 279.)
Aðfaranótt mánudagsins 5. febrúar féll svo
önnur snjóskriða á Ketilsstöðum og laskaði hún
heyhlöðu nokkuð. Snjóflóð þessi komu úr hárri
hlíð upp af bænum. Ekki er vitað, að snjóflóð
liafi orðið þarna áður.
(Nr. 280.)
Þennan sama sunnudag, 4. febrúar, féllu snjó-
flóð á raflínuna milli Flateyrar og Breiðadals
og rauf hana, og á Sólbakkaengjar í Önundar-
firði hljóp einnig.
(Nr. 281.)
Ennfremur féll snjóflóð á veginn hjá Hvammi
í Norðurárdal.
(Nr. 282. Snjóflóðið í Kaldalóni. Heimildir:
Morgunblaðið 16. maí og 7. september 1968 og
Jökull 18. ár, bls. 404.)
Ekki er ólíklegt, að um þetta leyti hafi orðið
32 JÖKULL 21. ÁR
snjóflóð það, er tók af brúna á Mórillu í Kalda-
lóni. (Sjá Jökul 18. ár, bls. 404.)
Aðalsteinn Jóhannsson, Skjaldfönn, telur, að
snjóflóð þetta hafi fallið þ. 4.-5. febrúar.
Undirbúningur var þannig: Jörð var öll svell-
uð upp á fjallabrúnir og hjarnskaflar í giljum
og lægðum.
Þann 4. febrúar gerði fárviðri um vestanvert
landið af norðnorðaustri með snjóburði og
hlóðust þá geysilegar snjóhengjur í fjallabrún-
irnar norðan Kaldalónsins, svo sem upp af
brúnni, en fjallshlíðin þar er bæði há, þver-
brött og úrtakalaus. Loks brast svo snjóflóðið
fram og rann niður flughála hlíðina með feiki-
hraða og loftþrýstingi, skall skáhallt á brúna
yfir Mórillu, en það var járnbitabrú, 58 m löng,
á tveimur steyptum stöplum auk landstöpla.
Brúin var fjögurra ára gömul.
Loftþrýstingurinn svipti brúargólfinu af í
heilu lagi og skall það niður á árísinn 45 m
neðar, en járnbitana reif flóðið upp úr festing-
unum, vatt þá og beyglaði og voru þeir þó
30—40 cm þykkir.
Norðurjaðar hlaupsins mun hafa farið undir
nyrzta haf brúarinnar, en suðurjaðarinn verið
spölkorn sunnan brúar og tekið þar með sér um
22 metra af vegarendanum við brúna, en allir
stöplarnir stóðu eftir.
Breidd hlaupsins mun hafa verið um 60 m.
Á ánni var þykkt svell (70 cm), er þetta varð.
(Nr. 283. Snjóflóð i Óshlið og viðar. Heimild:
Morgunblaðið 28. febrúar 1968.)
Sagt er, að tíu snjóskriður hafi fallið í Ós-
hlíð milli Hnífsdals og Bolungarvíkur líklega
mánudaginn þann 26. febrúar eða þann 27.
Þetta mun hafa orðið í þíðviðri ofan á mik-
inn snjó.
(Nr. 284.)
Þriðjudaginn þ. 27. febrúar féll snjóskriða á
veginn í Tálknafirði. Um sama leyti urðu vega-
skemmdir á þessum slóðum af úrkomu og leys-
ingu.
(Nr. 285.)
Loks mun hafa fallið sama dag snjó- eða
klakaskriða á veginn í Búlandshöfða á Snæ-
fellsnesi.