Feykir - 26.11.2009, Blaðsíða 12

i i irnmm
★*V*
J+'
Verslunarminjasafn Bardúsa
Opna verkstæöi
jólasveinanna á
aóventunni
Aðstandendur
Verslunarminjasafns
Bardúsa á Hvammstanga
munu nú á aðventunni
bjóða gestum og gangandi
að líta við á vinnustofu
jólasveinanna, en stofan at
arna er til húsa á eftir hæð
Verslunarminjasafnsins
í gamla pakkhúsinu
niður við höfnina á
Hvammstanga.
Gallerí Bardúsa er eitt af
glæsilegri handverksgalleríum
landsins en þar er að finna
alls kyns vörur unnar af
handverksfólki í Húnaþingi
vestra. Það er sérstök valnefnd
sem sér um að velja listamenn
inn í galleríið. Baka tO í húsinu
og á efri hæð þess er síðan
verslunarminjasafn þar sem
meðal annars má finna leifar úr
verslun Sigurðar Davíðssonar.
Vinnustofa jólasveinanna
var fyrst opnuð á aðventunni
í fyrra og tóku heimamenn,
ekki síst börnin, þessari
nýjung vel. Boðið verður upp
á heimagerðar piparkökur
að hætti jólasveinanna auk
þess sem hægt var að skoða
piparkökuhús sem þeir hafa
dundað sér við að útbúa.
-Þá munum við lesa gamlar
jólasögur fyrir börnin, við
höfúm byggt vinnustofú
sveinanna þannig upp að hún
minnir um margt á þá sjálfa og
hlutina sem þeir elska. Þar má
finna bjúgu frá Bjúgnakræki,
hangikjötið hans Kjötkróks,
Skyrgámur á þar mjólkurbrúsa
að ógleymdum öllum kert-
unum sem Kertasníknir hefúr
sníkt í gegnum aldirnar, segir
Sandra Granquist.
Vinnustofan verður opin
föstudaga og laugardaga í
desember frá kl. 13 - 18 auk
þess sem opið verður alla
dagana frá föstudeginum fyrir
jól og fram að jólum. Eins og
sjá má á myndunum er nóg
að skoða fyrir unga sem aldna
að ógleymdum listmununum
í galleríinu sem eru tilvaldir í
jólapakkann.
Þórhildur M Jónsdóttir
kokkur á Hótel Varmahlíö gefur góö ráö varöandi jólasósuna
Leyndarmálið á bak við
hina fullkomnu sósu
Sósan er alltaf best þegar
hægt er aó nota soð af
viðkomandi hráefni sem
hún á að fara út á. Hvort
sem það er svínakjöt,
nautakjöt, lambakjöt,
fuglakjöt o.s.frv.
Rjómalagaðar sósur eru
þykktar með hveiti en soð-
sósur eða glærar sósur með
maizena.
-Til að þykkja 1 ltr. af sósu þarf
ca. 1 1/2 -2 msk. af hveiti.
-Til að gera smjörbollu þá er
sett 2 msk. hveiti á móti 1 msk.
olíu og hrært saman.
-Til að þykkja 1 ltr. af soðsósu
þar ca. 1 1/2 af maizena,
maizenað er hrært út með
vatni.
Tvœr aðferðir við
að þykkja sósur
Aðferð 1 er að baka upp sósu
og aðferð 2 er að þykkja eftir á,
soðsósa er alltaf þykkt eftir á.
Fyrir 1 ltr.
Aðferð 1:
1. Bræða ca. 1 msk. smjör í
potti og setja 1-2. msk. af hveiti
saman við.
2. Hræra vel saman þar til úr
verður þykk hveitibolla.
3. Bæta ca. 1 ltr. afsoði saman
við í smá skömmtum og láta
alltaf þykkna til fulls á milli.
4. í lokin er smakkað til með
viðeigandi kryddi, salti og
pipar.
Aðferð 2:
1. Setja 1 ltr. af soði í pott.
2. Hita upp að suðu.
3. Setja smjörbolluna/maiz-
ena saman við í mjórri bunu
hægt og rólega.
4. Láta suðuna koma upp.
5. í lokin er smakkað til með
viðeigandi kryddi, salt og
pipar.
Ef sósan verður of þykk, setja
þá meira soð í hana.
Ef sósan verður of þunn, þá er
að þykkja hana meira.
Ef sósan verður of sölt, þá er
gott að setja rjóma í hana, ef
það er soðsósa. Þá meira soð
ef það er ekki salt annars bara
kalt vatn.
Ef sósan verður ekki nógu
bragðmikil er um að gera
setja viðeigandi kraft í hana og
kannski smá salt.
Hafa skal í huga að tilbúnir
kraftar innihalda oft mikið
salt.
Ef sósan fer í kekki þá er bara
að sigta hana og halda áfram.
Ef ykkur grunar að sósan sé
að brenna við þá skiptið strax
um pott og haldið áfram.
Ekki hugsa „held að hún sé að
brenna við“ og þegar þið eru
örugg á að hún sé að brenna
við þá er það of seint. Betra
að nota nokkra potta því það
er næstum ógerlegt að hylja
brunabragð.
Ef sósan hefur ekki fallega
áferð, þá er gott að nota
töfrasprota, til að fá fallega
áferð.
Ef nota á áfengi í sósuna þá er
nauðsynlegt að sjóða áfengið
niður um helming áður en
soðið er sett út í.
I villibráðarsósu er gott að setja
sætu, t.d. rifsberjahlaup.
Ef það er ekki fallegur litur
á sósunni þá er gott að nota
sósulit, á líka við um soðsósur.
Fyrir soðsósur er gott að setja
kalda smjörteninga (bara
nokkra) í sósuna í restina það
gerir hana mýkri og sósan fær
meiri fyllingu.
Gott er að hafa fýrir reglu
aldrei að setja salt í sósu fyrir
en alveg í restina.
Það borgar sig ekki að vera
ragur við að reyna að bjarga
sér og ekki hætta fyrr en þið
eru ánægð með útkomuna.
Læt fylgja eina þægilega upp-
skrift
Villisveppasósa
20 gr. smjör
3 stk. skalottlaukur
150 ml. Madeira
400 gr. villisveppir
500 ml. nautasoð
250 ml. rjómi
Aðferð:
Leggja sveppina í bleyti og saxa
þá svo. Laukurinn svissaður í
smjörinu þangað til hann er
glær. Þá er Madeira sett saman
við og soðið niður um ca.
helming.
Soðið sett út í ásamt
sveppunum. Að lokum er
rjóminn settur og síðan er
sósan þykkt með smjörbollu.
Smakkað til með salt og pipar
Gleðilega hátíð
oggcmgi ykkur vel með
jólasósuna.