Dagblaðið Vísir - DV - 23.12.2014, Side 14

Jólablað 23. desember 201414 Fréttir
Fljúgandi nautabani
og stórslösuð börn
Jólasveinn lætur sig síga niður brú til að koma jólagjöfum til fátækra barna. Skip eru sprengd í loft upp eftir veiðar utan lögsögu. Í Kína
er fullklæddur hundur á röltinu með eiganda sínum og í Kína hjólar barn yfir heila breiðu af loðfeldum. Svona var helgin í heiminum.
 Jólasveinninn hengdur upp á þráð Slökkviliðsmaðurinn Hector
Chacona bregður sér árlega í gervi jólasveinsins og færir fátækum börnum, sem búa undir
Belize-brúnni í Gvatemala. Undir brúnni búa börn með fjölskyldum sínum í mikilli fátækt.
Chacona byrjaði að færa börnunum gjafir fyrir um sautján árum og fara slökkviliðsmennirnir
þangað nokkrum dögum fyrir jól, gleðja börnin og huga að aðstæðum þeirra.
 Nautabani Spænskur nautabani sýnir listir sínar í Cali.
 Reis upp á afturfæturna Hundurinn Xiaoniu
er hér klæddur upp í sitt fínasta púss. Hann gengur daglega með
eiganda sínum að markaði í Shanghaí þar sem eigandinn sækir vistir.
Xiaoniu ku geta gengið á afturlöppunum í klukkustund og er iðulega
klæddur í mannaföt þegar þeir félagarnir eru á bæjarrölti.
 Sprenging Tvö skip, skráð í Papúa Nýju-Gíneu, voru
sprengd í loft upp við Amon Maluku í Indónesíu. Skipverjar voru
staðnir að verki er þeir voru við veiðar utan sinnar lögsögu. Bátarnir
voru gerðir upptækir og skipin eyðilögð af flughernum í Indónesíu.
 Biðin Palestínskur
maður stendur við girðingu milli
suðurhluta Gaza og Egyptalands.
Egyptaland opnaði landamæri sín
við Rafah á sunnudag. Þau höfðu
þá verið lokuð frá 25. október sl.
 Beðið eftir aðstoð Slösuð
börn bíða eftir aðhlynningu á sjúkrahúsi
í Sýrlandi. Börnin slösuðust í loftárásum
stjórnarliða í Duma rétt við Damaskus.
Loftárásir herja forsetans, Bashar al-Assad,
héldu áfram um helgina.
 1.469 Lítill drengur hjólar yfir hundafeldi í
Chongfu í Zhejiang héraði í Kína. Á 100 ferkílómetra
svæði í Zhejiang má finna stórtæka feldskera og
hönnuði en þar starfa 1.469 fyrirtæki sem tengjast
vinnslu á feldi.