Bændablaðið - 09.07.2015, Qupperneq 1

13. tölublað 2015 ▯ Fimmtudagur 9. júlí ▯ Blað nr. 446 ▯ 21. árg. ▯ Upplag 32.000
Æðarvarp hefur gengið bærilega í sumar á norðanverðu landinu:
Dúntekja yfir meðallagi
− staðan á varpinu mun betri við Djúp en í fyrra, segir Salvar Baldursson, bóndi í Vigur
„Æðarvarpið hefur gengið mjög
vel þrátt fyrir kalt vor og að
varpið hafi farið mun seinna
af stað en í fyrra,“ segir Salvar
Ólafur Baldursson, bóndi í Vigur.
„Þótt það hafi verið svona kalt
fyrst og varpið langt á eftir því
sem venja er, virðist ástandið á
kollunum vera mjög gott. Það er
mikill fjöldi af ungum og dúntekja
virðist víðast hvar vera mun meiri
en í fyrra.
Kollurnar settust upp um hálfum
mánuði seinna nú en í venjulegu ári.
Síðan hefur verið mikill kraftur í
varpinu. Þessi staða hentar okkur
reyndar mjög vel, þar sem gróður
var ekki kominn mikið af stað og
því ekki hætta á að hreiðrin færu á
kaf í gras.“
Þegar tíðindamaður Bænda-
blaðsins ræddi við Salvar í
byrjun síðustu viku voru enn þó
nokkuð margar kollur á hreiðrum.
Æðarbændur eru yfirleitt fáorðir
um umfang þess dúns sem fæst
í þeirra varpi og tala frekar um
dúntekjuna í víðum skilningi.
„Hjá mér var dúntekjan í fyrra
um 25% undir því sem gerist í
meðalári. Þá var mjög leiðinlegt
veður og í samanburði er það
eins og svart og hvítt miðað við
veðurfarið nú í sumar. Dúntekjan
nú verður örugglega eins og í góðu
meðalári.“
Samkvæmt tölum Hagstofu
Íslands var fluttur út dúnn fyrir
152,1 milljón (fob-verð) á
tímabilinu janúar til maí árið 2014,
en fyrir 210,1 milljón á sama tíma
2015. Fróðlegt verður því að sjá
tölur fyrir útflutning dúns sem
heimtist úr hreiðrum nú í júní.
Salvar segir að annað fuglavarp
í eyjunni virðist líka vera að
ganga vel. Krían hafi komið upp
miklum fjölda unga og sömu sögu
sé að segja af lundanum sem er
annar nytjastofn í Vigur ásamt
æðarfuglinum og hefur verið nýttur
í árhundruð.
„Ég hef skoðað ábúðina fyrir
Náttúrustofu Suðurlands sem
heldur utan um tölur um lundann
og það er yfir 90% ábúð hér í
lundaholum. Sömu sögu er að segja
á öðrum stöðum í Djúpinu, enda
virðist vera mikið af æti og staðan
góð fyrir allt fuglalíf.“ /HKr.
Baldur Björnsson er vinnumaður og ungahirðir í Vigur í sumar. Þarna er hann með munaðarlausa unga sem álpast hafa úr hreiðrum eða hafa farið ofan í lundaholur. Í stað þess að setja þá á
sjóinn og láta máfana éta þá eru þeir aldir heima þar til þeir geta bjargað sér sjálfir. Eru þeir heimafólki og ferðamönnum til gleði og gamans. Mynd / Björn Baldursson.
16
Mjólkursamingurinn frá
2005 hefur elst illa
Bjartsýn á framtíðarhorfur
í mjólkurframleiðslu
28–29
Hættir eftir 47 ára
starf fyrir íslenska
bændur
26–27