Bændablaðið - 09.07.2015, Síða 41

41Bændablaðið | Fimmtudagur 9. júlí 2015
Stykkishólmsbær hefur frá
sumrinu 2010 látið slá lúpínu
í landi sínu. Slegið er um mitt
sumar, þegar lúpínan er í fullum
blóma eða fljótlega þar á eftir, áður
en lífvænleg fræ hafa myndast.
Verkefnið er unnið í samvinnu
við og með ráðgjöf Náttúrustofu
Vesturlands.
Árangur aðgerðanna er mikill og
er graslendi nú smám saman að taka
við af lúpínubreiðum. Vegna mikils
fræforða í jarðvegi er þó nauðsynlegt
að halda aðgerðum áfram, því
annars mun lúpínan fljótt ná sér á
strik að nýju, segir á heimasíðu
Náttúrufræðistofu Vesturlands.
Viðráðanlegt verkefni
Fram kemur í skýrslu sem gerð var
fyrir fáum árum að Stykkishólmur
eigi ekki mikið land og aðgerðir
gegn ágengum plöntutegundum því
enn viðráðanlegar. Komust höfundar
að því að útrýming allra ágengra
plöntutegunda í bænum væri æskileg
og vel framkvæmanleg.
„Það væri því vel við hæfi að
Stykkishólmsbær yrði fyrst íslenskra
sveitarfélaga til að útrýma ágengum
plöntutegundum og fylgja þeim
árangri eftir með því að verða fyrsta
sveitarfélagið í Evrópu til að setja
reglugerð um takmörkun þessara
tegunda. Slíkt verkefni yrði að
líkindum öðrum sveitarfélögum til
eftirbreytni eins og raunin hefur
orðið með önnur umhverfisverkefni
bæjarins,“ segir í umræddri skýrslu
um ágengar plöntur í Stykkishólmi.
/MÞÞ
Stykkishólmur:
Góður árangur af lúpínuslætti
Mikill árangur er af aðgerðum í Stykkishólmi sem miða að því að halda lúpínu
í bæjarlandinu í skefjum.
Á fundi sveitarstjórnar Hval-
fjarðar sveitar sem haldinn var
23. júní 2015 var tekið fyrir mál,
Áskorun til Matvælastofnunar
vegna varnagirðingar frá
Hvalfjarðarbotni að Þórsjökli. Var
gerð eftirfarandi bókun:
Oddviti lagði til að sveitarstjórn
samþykki eftirfarandi bókun og sendi
til MAST með afriti á ráðherra og
sveitarfélög sem málið varðar.
Sveitarstjórn Hvalfjarðarsveitar
lýsir yfir áhyggjum sínum á ástandi
varnagirðinga milli Vesturlandshólfs,
Landnámshólfs og Grímsness og
Laugardalshólfs. Þess ber að geta
að Landnámshólfið er skilgreint
sýkt svæði að hluta. Girðingin sem
um ræðir liggur frá Hvalfjarðarbotni
við Múlafjall um Hvalvatn að
Kvígindisfelli að Brunnum við
Uxarhryggi í Hrúðurkarla við
Þórisjökul. Ástand girðingarinnar
er með öllu óviðunandi, sökum
langvarandi skorts á viðhaldi.
Girðingar sem er illa haldið við skapa
mikla hættu fyrir menn og dýr og því
óforsvaranlegt að þessir hlutir séu í
ólagi árum saman.
Óskar sveitarstjórn skýrra svara
hvernig Matvælastofnun hyggst
sinna sínu lögbundna hlutverki á
viðhaldi áðurnefndrar girðingar.
Jafnframt hvort fram hafi farið mat á
viðhaldsþörf áðurnefndrar girðingar
innan MAST.
Sveitarstjórn Hvalfjarðarsveitar:
Ástand varnagirðinga
með öllu óviðunandi
Gestir nutu dagsins í einmuna veðurblíðu. Myndir / Esther Ösp Gunnarsdóttir.
Skógardagurinn mikli í Hallormsstaðaskógi:
Lárus Íslandsmeistari í
skógarhöggi í sjötta sinn
Fjölmenni lagði leið sína í
Hallormsstaðaskóg á dögunum í
tilefni af Skógardeginum mikla.
Veðrið lék við gesti sem nutu
dagsins í einmuna blíðu. Fjöldi
viðburða var á dagskrá.
Íslandsmeistaramótið í skógar-
höggi er einn aðalviðburður
Skógardagsins mikla á hverju
ári og hefur sannarlega fest sig
í sessi. Keppnin var spennandi
og skemmtileg í ár eins og
ávallt áður en skógarbóndinn og
skógræktarráðunauturinn Lárus
Heiðarsson á Droplaugarstöðum
bar sigur úr býtum að þessu sinni.
Þetta var í sjötta sinn sem Lárus
hampaði Íslandsmeistaratitlinum
og greinilegt að hann heldur sér
vel við í greininni. Í öðru sæti varð
Ólafur Áki Mikaelsson og Hörður
Guðmundsson í því þriðja.
Þá var einnig keppt í skógarhlaupi.
Í karlaflokki skógarhlaupsins komst
Hjalti Þórhallsson fyrstur í mark á
tímanum 1.05.10 en í kvennaflokki
sigraði Hjálmdís Zoëga á 1.10.50.
Í öðru sæti urðu Jón Jónsson og
Guðrún Helga Tryggvadóttir og í
því þriðja Magnús Guðmundsson
og Sigurlaug Helgadóttir. Þess
má geta að sigurvegarinn í
karlaflokki, Hjalti Þórhallsson, er
skógarhöggsmaður á Hallormsstað.
Skógarmenn stóðu því sannarlega
fyrir sínu á Skógardeginum mikla
2015 segir á vef Skógræktar
ríkisins. /MÞÞ Veitingar voru á boðstólum eins og vera bera á fallegum skógardegi.
Fjölmenni var í Hallormsstaðaskógi á vel heppnuðum skógardegi.