Bændablaðið - 09.07.2015, Blaðsíða 48
48 Bændablaðið | Fimmtudagur 9. júlí 2015
Magnús Sigurðsson, Halldóra
Sveinsdóttir og Ína Gunnlaugs-
dóttir komu inn í búskapinn á
Víkingsstöðum árið 2003 en þar
reka þau félagsbú ásamt móður
Magnúsar og Ingibjörgu, systur
hans, sem býr á Auðólfsstöðum.
Ingibjörg kemur í sauðburð og
á haustin til að hafa stjórn á því
hvað er sett á. Magnús er uppalinn
á Víkingsstöðum en foreldrar hans
fluttu þangað 1974.
Býli: Víkingsstaðir.
Staðsett í sveit:
Völlum á Fljótsdalshéraði.
Ábúendur:
Magnús Sigurðsson,
Halldóra Sveinsdóttir og Ína
Gunnlaugsdóttir.
Fjölskyldustærð (og gæludýra):
Við eigum þrjá drengi, Sigurð
Orra (1999), Jóhann Inga (2001)
og Gunnþór Svein (2010). Fjórir
hundar og tveir kettir.
Stærð jarðar:
Um 400 hektarar.
Gerð bús:
Sauðfjárbú og verktaka við
heyskap.
Fjöldi búfjár og tegundir:
Um 430 fjár.
Hvernig gengur hefðbundinn
vinnudagur fyrir sig á bænum?
Fer eftir árstíðum, hefðbundin
störf á sauðfjárbúi.
Skemmtilegustu/leiðinlegustu
bústörfin?
Flest eru bústörfin
skemmtileg en þó er alltaf
gaman að heyja í góðu verði,
eins getur það verið leiðinlegt í
óþurrkatíð.
Hvernig sjáið þið búskapinn fyrir
ykkur á jörðinni eftir fimm ár?
Svipaðan og hann er í dag.
Hvaða skoðun hafið þið á
félagsmálum bænda?
Teljum þau vera í góðum málum
í dag. Þurfum að hafa þar öfluga
forsvarsmenn á næstu árum.
Hvernig mun íslenskum
landbúnaði vegna í framtíðinni?
Við verðum að vona að framtíð
hans sé björt.
Hvar teljið þið að helstu
tækifærin séu í útflutningi
íslenskra búvara? Teljum að
helstu tækifærin séu í útflutningi
á mjólkurafurðum og lambakjöti.
Þurfum að halda á lofti
hreinleika afurðanna.
Hvað er alltaf til í ísskápnum?
Léttmjólk, ostur, skinka og egg.
Hver er vinsælasti maturinn á
heimilinu?
Það gætu verið nokkur
svör við þessari spurningu ef
allir eru spurðir. Þó klikkar
grillað ærfile aldrei.
Eftirminnilegasta atvikið við
bústörfin?
Ætli það sé ekki bara
að hafa flutt austur aftur eftir
ellefu ára búsetu í Reykjavík.
Líf og lyst
BÆRINN OKKAR
Safaríkar nautasteikur svíkja engan
Grillvertíðin er í hámarki þessar
vikurnar og tilvalið að leyfa sér
smá munað. Allir elska steik,
toppaða með smjörsteiktum
sveppum og nýjum kartöflum.
Íslensku jurtirnar sem hægt er
að tína úti í náttúrunni geta gefið
grillsteikinni alveg nýtt bragð
– sem þó er kunnuglegt. Prófið
blóðberg, kerfil og birkilauf næst
þegar þið eldið safaríkar steikur.
Gamla góða bernaise-sósan fær smá
upplyftingu með kerfli. Í lokin er
kókoskúluuppskrift sem er gott að
eiga í handraðanum þegar íslensku
hindberin eru fáanleg.
T-bein steik
Hráefni
• 4 stk. t-bein nautasteikur
• 475 ml nautakjötskraftur (vatn og kraftur)
• 225 g sveppir, sneiddir eða skornir í tvo hluta
• 100 ml rjómi
• 2 matskeiðar smjör
• salt og pipar eftir smekk
Aðferð
Hitið grillið á háan hita. Bræðið
smjörið á pönnu yfir miðlungshita.
Bætið í sveppum og eldið þar til mesti
vökvinn er farinn úr pönnunni. Bætið
nautakjötsseyði og hrærið. Sjóðið þar
til vökvinn fer að þykkna. Bætið í
rjóma og lækkið hitann.
Kryddið t-bone steikur með salti
og pipar eftir þörfum. Setjið á grillið
og eldið í um 2 mínútur á hlið. Færið
síðan á kaldari stað á grillinu.
Haldið áfram að grilla í 5 til 7
mínútur eða þar til steikurnar ná
tilætluðum hita, setjið undir álpappír
til að kjötið nái að hvíla fyrir skurð
um (55–58°C í kjarna).
Þegar steikurnar eru tilbúnar,
toppið hverja steik með sveppum
og framreiðið með kartöflum. Ef
einhver er að rækta vatnakarsa þá
væri hann fullkominn með eða
bragðmikið klettasalat.
Nauta ribeye
með íslenskum jurtum
Hugmyndin er að láta kjötið
„hvíla“ í hrúgu af íslenskum jurtum
og kryddi til að gefa kjötinu ferskt
bragð. Safinn af elduðu kjötinu
blandast saman við bragðið af
ferskum jurtunum. Þetta gæti verið
langbesta steik sem þú átt eftir að
gera og það með íslenskum jurtum
út náttúrunni.
Hráefni
• 1 stykki þykkur ribeye
• Salt og ferskur malaður pipar
• Ferskur kerfill
• Nokkur birkilauf
• Ólífuolía
• 1 búnt ferskt blóðberg
• Nokkrir sprotar af brumi af barrtré
• Ferskt rautt chili
• 3 hvítlauksgeirar
• 1/2 sítróna
Hitið pönnu eða grill á háan hita.
Kryddið steikina rækilega með salti
og pipar á öllum hliðum.
Dragið blóðbergið af stilkunum
og nuddið inn laufin inn í kjötið.
Leyfið kjötinu að hvíla. Fínskerið
kerfil, chili og hvítlauk. Setjið á
trébretti eða fat.
Kreistið sítrónusafa og smá
ólífuolíu yfir jurtirnar. Blandið
saman.
Setjið steikina á pönnu eða grill
og ekki snúa of oft. Snúið við eftir
um 2–3 mínútur og brúnið hina
hliðina í aðrar 2–3 mínútur. Látið
svo á kaldan stað á grillinu eða
lækkið hitann í 80°C á ofninum (þar
til hiti nær 57°C ).
Flytjið kjöt á fatið með öllum
jurtunum og kryddinu. Látið kjöt
hvíla í um 5 mínútur.
Nuddið kryddið inn í kjötið áður
en það er skorið og framreitt með
meðlæti að eigin vali, til dæmis
heimalagaðri bearnaise-sósu
sem búið er að setja kerfil í stað
extragons.
Kerfill bearnaise
Hráefni
• 3 stk. eggjarauður
• 300 ml brætt smjör
• 1 msk. dijon-sinnep
• 2 msk. bearnaise kryddlögur (bearnaise
essens) eftir smekk
• 1/2 búnt ferskur kerfill
• Eftir smekk salt og pipar
• Eftir smekk kjötkraftur
Bræðið smjörið, þeytið eggja-
rauðurnar og bætið smjöri varlega
út í eggjarauðurnar og þeytið vel
á meðan. Kryddið með bernaise-
essens (kryddlegi), dijon-sinnepi,
sítrónusafa, kerfli og salti og pipar
eftir smekk.
Fersk íslensk hindber og
kókoskúlur
Ef fólk vill hollari kókoskúlur er
hægt að vinna saman döðlur og
hnetur í stað sykursins. Það gæti
þurft að róa vandláta gesti sem eru
vanir þessum gömlu góðu, líka er
hægt að vera með grófari kókos til
að fá skemmtilegt útlit á kúlurnar.
Hráefni
• 2 öskjur fersk hindber
• 100 g smjör
• 1 dl sykur
• 3 dl haframjöl
• 2 msk. kakó
• 1 tsk. vanilludropar
• 1/2 tsk. salt
• (döðlur og hnetur) má sleppa
• kókosmjöl
Öllu hráefninu er blandað saman og
hnoðað í skál. Síðan eru mótaðar
litlar kúlur, sem að lokum er velt upp
úr kókosmjöli. Hver kúla skreytt með
fersku hindberi.
MATARKRÓKURINN – BJARNI GUNNAR KRISTINSSON MATREIÐSLUMEISTARI
Víkingsstaðir
Magnús, Halldóra og Jóhann Ingi.
Frá vinstri Sigurður Orri, Jóhann Ingi, Magnús og Gunnþór Sveinn fyrir framan.Gunnþór Sveinn.