Morgunblaðið - 29.08.2015, Qupperneq 26

26 UMRÆÐAN
MORGUNBLAÐIÐ LAUGARDAGUR 29. ÁGÚST 2015
Jörðin Efranes
í Borgarbyggð
Sala fasteigna frá
Til sölu jörðin Efranes, 134858, í hjarta Borgarbyggðar með
glæsilegri fjallasýn til allra átta. Stærð jarðarinnar er talin vera
tæplega 200 hektarar, þar af er ræktað land talið vera um 40
hektarar. Landið er hólfað niður í beitarhólf fyrir hross með
nýlegum girðingum. Landið liggur að hluta til meðfram Þverá.
Veiðiréttur jarðarinnar í þeirri á, sem og í Kjarrá, gefur af sér
árlega tekjur, á aðra milljón króna, í útborguðum arði. Jörðin er
skammt frá þjóðavegi (um 3-4 km), og í góðu vega sambandi.
Gefur þessi staðsetning jörðinni ákveðna kyrrð frá umferð, sem
að margra mati er kostur. Heitt vatn frá félagsveitu er á jörðinni
og öll hús kynt með heitu vatni. Kalt vatn er tekið úr sérstæðum
og fallegum hlöðnum brunni skammt frá íbúðarhúsinu. Íbúðar-
hús og fleiri byggingar eru á jörðinni.
Upplýsingar gefur Sverrir Kristinsson, lögg. fasteignasali.
Sími 588 9090.
Guðmundur Kjartanssonsigraði á skákmótinu í Panevezys í Litháen semlauk um síðustu helgi.
Með sigrinum sló Guðmundur
tvær flugur í einu höggi: vann
mótið og náði lokaáfanga að stór-
meistaratitli. Nú þarf hann aðeins
að bæta við stigatölu sína til að
hljóta útnefningu hjá FIDE; stiga-
tala hans stendur nú í 2.474 Elo-
stigum en markið er 2.500 Elo-
stig. Guðmundur, sem varð Ís-
landsmeistari í fyrra, hefur átt
misjöfnu gengi að fagna undan-
farið en hrökk í gang í Litháen.
Árangur hans mælist upp á 2.661
Elo-stig, en hann hlaut ½ vinningi
meira en til þurfti. Margir þekktir
meistarar voru með í mótinu en
lokastaðan varð þessi: 1. Guð-
mundur Kjartansson 7 v.(af 9) 2.
Maxim Lugovskí (Rússland) 6½ v.
3. Titas Stremavcius (Litháen) 6 v.
4. Normund Miezes (Lettland) 5 v.
5.-6. Tapani Sammalvuo ( Finn-
land) og Lukasz Jarmula (Pólland)
4 v. 7.-8. Andrei Maksimenko (
Úkraína ) og Ottomar Ladva (
Eistaland) 3½ v. 9. Ilmars Staro-
tits (Lettland) 3 v. 10. Roland
Lötcher (Sviss) 2½ v. Meðal næstu
verkefna Guðmundar er „Milljón
dollara mótið“ í Las Vegas.
Aftur tapar Magnús Carlsen
fyrir Topalov
Helsti skákklúbbur Bandaríkj-
anna um þessar mundir er í St.
Louis í Missouri-ríki en þar stend-
ur nú yfir stórmót sem ber nafnið
Sinquefield-bikarinn. Kostn-
aðarmaður mótsins og klúbbsins
er bandaríski auðjöfurinn Rex Sin-
quefield, sem jafnframt rekur þar
frægðarhöll skákarinnar. Þetta er
í þriðja sinn sem þetta mót fer
fram. Árið 2013 sigraði Magnús
Carlsen en á mótinu í fyrra vann
Fabiano Caruana fyrstu sjö skákir
sínar og sigraði með yfirburðum.
Sem fyrr beinist athyglin að
Magnúsi Carlsen, sem aftur hóf
stórmót með því að tapa fyrir Ve-
selin Topalov. Hann vann svo
heppnissigur yfir Caruana í 2. um-
ferð og skákir sínar í þriðju um-
ferð og fimmtu umferð og er
greinilega staðráðinn í að berjast
um efsta sætið. Staðan eftir fimm
umferðir: 1. -2. Aronjan og Carl-
sen 3 ½ v. 3. - 4. Topalov og Giri 3
v. 5. - 6. Nakamura og Vachier
Lagrave 2 ½ v. 7. - 8. Caruana og
Grischuk 2 v. 9. - 10. So og Anand
1 ½ v.
Armenar hafa lengi bundið mikl-
ar vonir við sinn fremsta mann,
Levon Aronjan, en hann hefur fall-
ið í skuggann af yngri mönnum og
á erfitt uppdráttar þegar hann
teflir við Magnús Carlsen. En
hann hefur teflt manna best í St.
Louis, sbr. glæsilega sigurskák
hans í 4. umferð:
Wesley So – Levon Aronjan
Nimzo-indversk vörn
1. d4 Rf6 2. c4 e6 3. Rc3 Bb4 4.
f3 c5 5. d5 O-O 6. e4 d6 7. Rge2
a6
Í þessu vinsæla afbrigði hefur
áður verið reynt að leika 7. … b5.
Aronjan lætur sér nægja að hóta
þeim leik.
8. a4 Ba5 9. Bd2 exd5 10. cxd5
Rh5 11. g3 Rd7 12. Bg2 b5 13.
g4?!
Vafasamur leikur sem Aronjan
er fljótur að refsa.
13. … b4! 14. Rb1 Dh4+ 15. Kf1
Re5!
Aldrei að víkja! 16. gxh5 er nú
svarað með 16. … f5! með sterkri
sókn eftir f-línunni.
16. Be1 Df6 17. gxh5 Rxf3 18.
Bf2 Bg4 19. Dc1 Rd4 20. Rxd4
cxd4 21. e5?! dxe5 22. Rd2 Hac8
23. Db1 b3! 24. Rxb3
Eða 24. Re4 Df4 o.s.frv.
24. … Bb6 25. a5 Ba7 26. Kg1
Bf5 27. Be4 Dg5+ 28. Kf1 Df4!
Laglegur lokahnykkur. Eftir 29.
Bxf5 kemur 29. … d3! og eftir 30.
De1 Hc2 er hvítur varnarlaus. So
lagði því niður vopn.
Hægt er að fylgjast með beinum
útsendingum á vefnum Chess24.
Útsendingar hefjast kl. 18.
Skák
Helgi Ólafsson
helol@simnet.is
Guðmundur
náði lokaáfang-
anum í Litháen Ást til þjóðar sinnarvirðist öllum gefin ívöggugjöf. Líkt og mat-
arhvöt og kynhvöt eru
sterkar tilfinningar til
að viðhalda lífi má
kannski kalla það þjóð-
ernishvöt að elska land
sitt. Gagnstætt hvötum
sem reka menn áfram
til að viðhalda lífi þarf
að rækta þjóðholl við-
horf. Móðurást og föðurást eru af
sömu rót og ættjarðarást.
Þjóðhollusta er undirstaða margra
annarra viðhorfa mannsins varðandi
þjóðtengd verk, líkt og B- 12 vítamín
er undirstaða annarra B- vítamína.
Ef grunnurinn er ekki réttur verður
byggingin skökk og þannig er það
með hugtakið „þjóðhollur“, inntak
merkingar þess er hugarfar sem
hægt er að byggja á, hugsjón.
Í gegnum árin hafa stjórnvöld lagt
mikinn metnað í háskólanám og þjóð-
inni verið talin trú um að það sé allra
meina bót. Tímarnir breytast og
mennirnir með og spurningar vakna.
Af hverju er þjóðin að kosta háskóla-
menntun fólks sem ætlar sér ekki að
vinna á Íslandi og greiða skatta til
samfélagsins eftir að hafa þegið af al-
mannafé margra ára menntun og
notið á meðan allra þeirra lífsgæða
sem þjóðfélagið hefur upp á að bjóða?
Þegar litið er til gamla tímans þegar
menn sóttu sitt nám út fyrir land-
steinana og komu svo heim til Íslands
að námi loknu með þá hugsjón að
geta hjálpað landi og þjóð og miðlað
af sinni þekkingu má glöggt sjá við-
horfsbreytinguna. Hinn þjóðholli
flytur þekkinguna með sér inn í land-
ið þó að viðkomandi fái
lægri laun og meira erf-
iði. Hann lítur til þeirra
sem ekki fara í lang-
skólanám en vinna og
borga beina skatta til
samfélagsins frá unga
aldri. Viðkomandi gefur
hugsjónabaráttu og
þjóðrækni menntun
sína.
Menntun hefur alltaf
verið metin til launa en
ef stéttarfélög háskóla-
menntaðra vilja gera menntun að
hagfræðistærð þarf að reikna út
eignarhluta ríkisins í hverju háskóla-
prófi sem gefið er út og þau „próf“
sem flutt eru úr landi til frambúðar
þarf að verðleggja og skuldfæra í rík-
isbókhaldinu. Ef um afskriftir er að
ræða á „útfluttum háskólamannauði“
þarf það að koma fram sem tjón til að
ríkishagstjórnin sjái hver raunveru-
legur ávinningur er í mannauðs-
framleiðslunni. Þegar þjóðholl við-
horf verða undir í samkeppninni við
mammon gengur varla að þeir sem
heima sitja og borga sín gjöld trú-
fastlega til ríkisins blæði endalaust
fyrir þá sem þiggja og segja svo bless
þegar kemur að því að borga. Heim-
ur knattspyrnunnar hefur fundið sín
svör og viðurkennir rétt uppeldis-
félags leikmanns að fá greiðslur þeg-
ar atvinnumaður, uppalinn hjá félag-
inu, er seldur á milli annarra félaga.
Svona lausnir koma að gagni en þó
aldrei í staðinn fyrir þjóðholl viðhorf í
samfélagslegri ábyrgð.
Unglingur með þau viðhorf að
hann hafi engar skyldur við þjóð sína
og að honum sé alveg sama hvar í
heiminum hann elur aldur sinn er
varla sá kálfurinn sem launar ofeldið.
Orsökin er auðvitað sú að „því læra
börnin málið að það er fyrir þeim
haft“. Viðhorf unglinga eru reyndar í
mótun og geta auðveldlega breyst, en
til þess þarf almenna umræðan að
taka jákvæða afstöðu til þjóðhollra
viðhorfa en ekki að tala niður til
þeirra.
Veik og brengluð fjölskylduímynd
er að mínu mati æskufólki afleitt
veganesti. Hefðbundinn hjúskapur
karls og konu er sú ímynd sem Bibl-
ían styður. Við þær aðstæður tileinka
börnin sér þá móður- og föðurímynd
sem lögmál náttúrunnar setur.
Breytt fjölskyldumynstur þar sem
ímynd karlmennskunnar er afbökuð
og niðurlægð kemur sérstaklega illa
við unga drengi og líka stúlkur. Kyn-
in eru ekki eins og því þarf að halda
til haga í uppeldinu. Þjóðholl viðhorf
eiga rætur í móður- og föðurhlut-
verkum. Hver fjölskylda er lítil þjóð,
undirstaða þjóðfélags.
Þau ósköp sem áttu sér stað á
Austurvelli þann 17. júní síðastliðinn
ættu að vera þjóðinni víti til varn-
aðar. Ekki má líðast að heilög virðing
almennings í árlegum hátíðahöldum,
þar sem sjálfstæðisbaráttu þjóðar-
innar er minnst, sé fótum troðin.
Slíkt er smán við lýðveldið og vísar til
óþjóðhollra viðhorfa. Ég man enn
hvað hátíðahöldin á 17. júní, í minni
sveit, voru hátíðleg og mér sem
dreng mikill skóli að finna mig sem
hluta samfélags íslenskrar þjóðar.
Sjá fánana, fjallkonuna og meira að
segja hlustaði maður sem barn með
athygli á hátíðarræðuna. Börnin á
Austurvelli 17. júní nú í sumar voru
svipt þessari tilfinningu og það af
fólki sem naut sjálft friðhelgi á 17.
júní hátíðahöldum sem börn.
Borgarstjórn sem ekki getur
tryggt forsætisráðherra og fjallkonu
hljóð til að flytja mál sitt er ekki hæf
til að stýra þessum hátíðahöldum.
Borgarstjórinn var tekinn tali af
sjónvarpsfréttamanni út af uppá-
komunni. Hann baðst ekki afsökunar
á vangetu sinni til að halda uppi virð-
ingu hátíðahaldanna og skipaði sér
með því í raðir þeirra sem í skjóli
trjáa sungu þjóðinni sinn sérkenni-
legan þakkaróð.
Á næsta ári þarf forsætisráðherra
að halda hátíðaræðu sína í sveitar-
félagi sem treystir sér til að halda
uppi röð og reglu og tryggja hátíða-
ræðu hans gott hljóð á 17. júní hátíða-
höldum. Það er ekki hægt að bjóða
þjóðinni aftur upp á svona nokkuð.
Ég bið Íslendingum Guðs friðar.
Óþjóðhollur?
Eftir Ársæl
Þórðarson
» Viðhorf unglinga eru
reyndar í mótun og
geta auðveldlega
breyst
Ársæll Þórðarson
Höfundur er húsasmiður.
Samkvæmt fréttum í
útvarpi mánudaginn
24.8. hafa Píratar sam-
einast um að stefnt
skuli að því að allur
fiskur fari á uppboð á
markaði sama hvað.
Ekki var skýrt frá til-
ganginum, en ef hann
snýst um fiskverð er
einnig hægt að semja
um það. Það fyrir-
komulag sem er hefur
gefið góða raun og því má spyrja
hvort þurfi að gera við það sem er í
lagi? Ef af þessu verður gætu afleið-
ingarnar hins vegar orðið þær að út-
gerðir misstu eignarhald á afla sínum
t.d. til útlendinga og
gætu ekki verkað og selt
eigin fisk, sem er veidd-
ur á skipum sem þær
hafa fjárfest í og reka,
hvort heldur um stór-
útgerð eða minni fyr-
irtæki er að ræða. Telja
menn að það yrði þjóð-
hagslega hagkvæmt?
Sjóræningjar
Þá vilja Píratar einnig
að öll veiðileyfi fari í op-
inbert uppboð. Það væri
göfugt markmið í sjálfu
sér að minnka pólitíska afskiptasemi
af greininni en hugsanlega er til-
gangurinn sá að ná sem mestu af öllu
til ríkisins. Aukin gjaldheimta mun
veikja rekstrargrundvöll og framtíð-
armöguleika útvegsins annars vegar
og hins vegar mun uppboð á veiði-
heimildum leiða til þess að aðeins þeir
sem að eru best fjármagnaðir muni fá
og veiðileyfin þá færast á enn færri
hendur. Væri það farsælt fyrir sjáv-
arplássin?
Eftir Kjartan Örn
Kjartansson
Kjartan Örn
Kjartansson
»Uppboð á veiðiheim-
ildum mun leiða til
þess að aðeins þeir sem
eru best fjármagnaðir
munu fá og veiðileyfin
þá færast á enn færri
hendur
Höfundur er fv. forstjóri og
Hægri grænn.
Er þetta hugsað til hlítar?