Morgunblaðið - Sunnudagur - 16.08.2015, Side 16

16 MORGUNBLAÐIÐ SUNNUDAGUR 16.8. 2015
Heilsa og hreyfing Appelsínur eru auðugar af C vítamíni sem er öflugt andox-unarefni. Þær innihalda líka kalíum sem getur hjálpað að
lækka of háan blóðþrýsting og kalk sem er líkamanum
nauðsynlegt. Svo eru þær líka sætar og góðar.
Appelsínur hollar og góðar
N
ýtt alþjóðlegt æði í líkamsrækt hefur
borist að ströndum Íslands. Fyrirbærið
er kallað „movement improvement“ eða
„movement culture“ eftir atvikum og
mætti kannski íslenska sem „hreyfiflæði“. Ýmsum
þáttum er blandað saman úr crossfit, fimleikum,
brasilísku danslistinni kapúera og parkúr. Æfing-
arnar snúast ekki eingöngu um styrk heldur stuðla
einnig að meiri almennri hreyfigetu og liðleika.
„Margir fara kannski í World Class og það eina
sem þeir spá í er útlitsþátturinn. Þeir líta í spegil og
hugsa: „Kannski þarf ég að æfa þennan eina vöðva
til að líta betur út“. Nett útlitsdýrkun í gangi og það
er hugarfar sem þarf að breytast,“ segir Margeir
Steinar Ingólfsson, einnig þekktur sem DJ Margeir,
í samtali við Sunnudagsblaðið, en hann er iðkandi og
áhugamaður um hreyfiflæði.
„Hérna er aðalmálið að geta hreyft sig á sem
bestan máta en ekki endilega útlitið eða styrkur.
Hreyfigetan er sett í fyrsta sæti.“
Vakning að eiga sér stað
„Ég er búinn að ganga ákveðna þrautagöngu með
líkamann á mér, út af ákveðnu stoðkerfisvandamáli
sem ég hef glímt við í langan tíma, og ég hef prófað
ýmislegt,“ segir Margeir. „Maður vill ekki vakna upp
við vondan draum þegar maður er orðinn sextugur
eða sjötugur og getur ekki labbað upp stiga eða
fjall.“
Spurður hvernig æfingarnar fara fram segir Mar-
geir:
„Við gerum ýmsar skrýtnar æfingar. Við skríðum
og við hoppum eins og apar. Við löbbum á höndum
og gerum allt í miklu flæði, þannig að þetta er líka
ótrúlega skemmtilegt. Þú getur farið úr handahlaupi
niður í kollhnís, þaðan í kósakka og upp í handstöðu,
svo ég taki svona einhver dæmi með þekktum æfing-
um. Markmiðið er að auka liðleika og hreyfigetu,
sem ég tel vera göfugt markmið með líkamsrækt.
Auðvitað er hægt að fara í þessar hefðbundnu
líkamsræktarstöðvar og ná þessum markmiðum með
réttri þjálfun en að æfa á þennan hátt í góðum hópi
finnst mér mun skemmtilegra. Ég held líka að
ákveðin vakning sé að eiga sér stað um líkamsrækt
þar sem við færumst fjær útlitsdýrkun og nær al-
mennu heilbrigði og andlegu og líkamlegu jafnvægi.
Mér finnst þessir hreyfiflæðistímar og jóga vera
mjög í takt við þá vakningu.“
Morgunblaðið/Styrmir Kári & Heiðdís
MOVEMENT IMPROVEMENT KOMIÐ TIL ÍSLANDS
Hreyfigetan í fyrsta sæti
MOVEMENT IMPROVEMENT EÐA HREYFIFLÆÐI ER NÝ AÐFERÐ TIL AÐ STUÐLA AÐ LÍK-
AMLEGU HEILBRIGÐI. ÝMSAR ÆFINGAR ERU NOTAÐAR TIL AÐ AUKA HREYFIGETU LÍKAMANS.
Matthías Tryggvi Haraldsson mth@mbl.is
Notast er við æfingar úr
bardagalistum, jóga, fim-
leikum og fleiru í bland.
Hreyfigeta er aðalmálið, ekki líkamleg ásjóna.Margeir hefur prófað margt og kann vel við sig í hreyfiflæði.
FYRSTI HÉRLENDI ÞJÁLFARINN
Fékk delluna beint í æð
„Þetta byrjaði þannig að Ido Portal, stórvinur minn, æfði kapúera þegar
hann var ungur. Hann fann að hann langaði að stækka það og fór að blanda
saman alls konar hreyfingum úr bardagalistum, fimleikum og fleiru og
blandar þessu saman í eina hreyfilist,“ segir Einar Carl Axelsson, sem
kennir fyrsta hérlenda námskeiðið í „movement improvement“.
Hann segist hafa sótt námskeið hjá Ido Portal, sem sé eins konar upp-
hafsmaður þessarar nýju hreyfilistar, og eftir það hafi ekki verið aftur snú-
ið. „Þá fær maður náttúrlega delluna beint í æð og þá er ekki aftur snúið.“
Einar starfar sem nuddari og reyndi að eigin sögn að blanda því sem
hann lærði hjá Ido Portal saman við nuddið. „Ég sá strax að árangurinn af
þessu tvennu saman var miklu meiri en af nuddinu einu sér. Þegar ég fékk
fólk til að styrkja sig, hreyfa sig og auka hreyfiferlana sína hurfu verkirnir.“
Einar byrjaði svo að kenna námskeið í tengslum við hina nýstárlegu
hreyfilist og segir aðsókn vera mikla. „Þarna færðu styrk, brennslu og lið-
leika allt á sama tíma. Maður er kófsveittur eftir hverja æfingu.“