Iðjuþjálfinn - 01.05.2007, Side 15

IÐJUÞJÁLFINN 1 / 2007 • 15
að vasast í ýmsu hvað snertir heilsu
starfsmanna. Vann í því að útbúa
útboð fyrir heilsugæsluna sem verður
staðsett í álverinu, jafnframt að útbúa
útboð fyrir Velferðaþjónustu starfs­
manna, þetta er þjónusta sem Alcoa
bíður upp á fyrir starfsmenn og nán­
ustu fjölskyldumeðlimi þeirra. Þjónusta
sem allir starfsmenn geta nýtt og felur
meðal annars í sér lögfræðings, sálfræð­
ings­, fjármála­ eða hjúskaparaðstoðar.
Jafnframt hef ég unnið mikið að því
sem snýr að öryggi starfsmanna s.s.
öryggisfatnaði sem hefur verið heilmikil
vinna. Allur fatnaður sem notaður
verður í álverinu þarf að standast kröf­
ur Alcoa og það hefur gengið erfiðlega
að finna rétta fatnaðinn. Hluti af starfi
mínu hefur verið að kynna vinnuvist­
fræðina fyrir starfsmönnum sem eru að
byrja. Allir starfsmenn sem byrja að
vinna hjá Alcoa þurfa að ganga í gegn­
um þriggja vikna grunnnámskeið þar
sem farið er yfir ýmiss málefni er snerta
álframleiðsluna og öryggi starfsmanna.
Þetta er heill dagur sem fer í það að
kynna vinnuvistfræðina og allt sem
snertir heilsu og öryggi starfsmanna.
Hluti af starfi mínu er að mæla hávaða­
og loftmengun sem getur haft áhrif á
starfsmenn. Jafnframt mun ég sjá til
þess að fylgt sé lögum og reglugerðum
þegar vinna þarf í lokuðum rýmum.
Þar eru kröfur Alcoa strangar og þarf
tilskilin leyfi og þjálfun til að geta
unnið inni í lokuðum rýmum. Þessa
stundina er verið að undirbúa þjálfun
fyrir mig erlendis þar sem ég mun fá
þjálfun í notkun mælitækja og hvernig
eigi að skrá inn allar upplýsingar sem
fara svo inn í mismunandi kerfi hjá
Global Alcoa. Ég hef einnig tekið þátt
í að hanna vinnuumhvefið og sú vinna
er enn í gagni og verður öruggleg í
mótun næstu árin en það eru ákveðnir
staðlar sem ég þarf að fara eftir.
Hverjir eru þínir helstu samstarfs­
menn?
Ég er hluti af svo kölluðu Umhverfis­
öryggis­ og heilsuteymi. Við erum þrjú
sem tengjumst öryggis­ og heilsuteym­
inu. Með mér starfar sjúkraþjálfari sem
er tengdur við heilsuna, hans hlutverk
er meðal annars að sjá um heilsugæsl­
una, sjá til þess að fylgt verði eftir öll­
um stöðlum er tengjast heilsu, en störf
okkar koma til með að skarast mikið í
framtíðinni, lagt er mikið upp úr því
að við getum leyst hvort annað af.
Í teyminu starfar einnig svo kallaður
öryggisvörður, hans hlutskipti er að sjá
til þess að fylgt sé lögum og reglum í
vinnu, jafnframt mun hann koma til
með að sjá um slökkviliðið á staðunum.
Í umhverfisteyminu eru starfandi um­
hverfisfræðingur, umhverfistæknir, iðn­
aðarmenn s.s. vélstjórar, rafvirkjar og
aðrir tæknistarfsmenn. Þau sjá m.a. um
að er reka hreinsunarvirki og vatnsvirki
ásamt því að vera með eftirlit með lönd­
un og búnaði tengdum henni.
Vinna fleiri iðjuþjálfar hjá Alcoa
annarsstaðar í heiminum?
Ég er líklegast fyrsti iðjuþjálfinn sem
er fastráðinn hjá Alcoa. Það eru dæmi
um að það hafi komið inn sjúkra­ eða
iðjuþjálfar sem verktakar og séð um
það sem snýr að vinnuvistfræðinni. En
enginn sem hefur verið ráðinn í fasta
stöðu.
Ertu í samstarfi við aðra iðjuþjálfa
erlendis í svipuðum störfum?
Ég er ekki í neinu sambandi við
iðjuþjálfa erlendis, allavega ekki ennþá,
en það þarf að þjálfa mig upp í hluta af
því stöðugildi sem ég gegni sem
„Industrial hygienest”, sá þjálfari er
staðsettur Deschambault Kanada. Hún
sér um að skipuleggja alla þá þjálfun
sem ég þarf, jafnframt aðstoðar hún
við kaup á öllum tækjum og öðrum
búnaði sem þarf til þess að gegna þessu
starfi. Hluti af þjálfuninni fer fram
erlendis því mikilvægt er að þekkja og
geta unnið eftir stöðlum Alcoa. Árlega
er haldið IH (Industrial Hygiene) þing,
þar sem allir IH sem vinna hjá Alcoa
hittast og fara yfir það sem þarf að
vinna betur að, þar miðlar fólk af
reynslu sinni og leitar ráða. Á þessu
þingi eru stofnaðar alls konar nefndir
sem vinna á málum sem þarft er að
takast á við. Markmiðið með þessum
fundum er að fólk hittist, læri af
reynslu hvors annars og miðli reynslu
sinni áfram. Jafnframt eru einskonar
nefndir stofnaðar þar sem unnið er
sameiginlega að ákveðnum markmiðum
sem snerta öryggi og heilsu starfsfólks
hjá Alcoa. Þegar fram líða stundir er
mikilvægt að Fjarðaál Alcoa sendi
fulltrúa frá sér sem kemur til með að
taka þátt í slíkum verkefnum. Þannig
verður samstaða við aðra samstarfsaðila
sem eru einnig viðriðnir heilsu og
öryggi en hvort það verða einhverjir
iðjuþjálfar í náinni framtíð hef ég ekki
mikla trú á. En hver veit hvað framtíðin
ber í skauti sér, með okkar menntun
og þekkingu þá eigum við fullt erindi
inn í þennan heim.
Í júní árið 2006 hófst tilraunaverkefni Tryggingarstofnunar ríkisins TR og
Fjórðungssjúkrahússins á Akureyri FSAum aðstöðu fyrir hjálpartækjamiðstöð TR
á Kristnesspítala í Eyjafirði.
Markmið þessa tilraunaverkefnis er þríþætt, í fyrsta lagi að koma til móts við
þarfir fyrir sýningar­ og prófunaraðstöðu á hjálpartækjum, í öðru lagi að veita
ráðgjöf um hjálpartæki og í þriðja lagi að meta þörf á uppbyggingu þjónustu á
vegum hjálpartækjamiðstöðvar á Akureyri.
Álfheiður Karlsdóttir, iðjuþjálfi var ráðin í verkefnið. Starfsemin á Kristnesi er
opin þrjá hálfa daga í viku: Á þriðjudögum og föstudögum frá kl. 10.00­14.00 og
á fimmtudögum frá kl. 12.00­16.00. Þriðjudagar og föstudagar eru fyrir pantaða
tíma og heimilisathuganir hjá notendum hjálpartækja en á fimmtudögum er opið
fyrir alla viðskiptavini. Símanúmer TR á Kristnesspítala er 4630399.
Sýnishorn af ýmsum hjálpartækjum eru í aðstöðunni á Kristnesi og eru not­
endur hjálpartækja og fagfólk hvatt til að nýta þá þjónustu sem er í boði. Ákveðin
hjálpartæki eru til útláns og prófunar. Þeir sem búa á Akureyri geta fengið tækin
til prófunar í 2­3 daga en þeir sem búa utan Akureyrar geta fengið tækin lánuð í
4­5 daga. Önnur tæki eru þó einungis til prófunar á Hjálpartækjamiðstöð TR á
Kristnesi.
Í febrúar síðastliðnum gerði TR samning við verkstæðið Rafeyri ehf. Norður­
tanga 5 á Akureyri um viðgerðarþjónustu á hjálpartækjum fyrir notendur á
Akureyri og nágrenni. Verkstæðið er opið alla virka daga og síminn er 4611221.
Hjálpartækjamiðstöð TR á
Kristnesspítala í Eyjafirði