Iðjuþjálfinn - 01.05.2007, Síða 21

IÐJUÞJÁLFINN 1 / 2007 • 21
Betra aðgengi – aukin úrræði
Upplýsingalögin, stefna stjórnvalda í
upplýsingatækni og aukin netvæðing
hefur bætt aðgang borgaranna að
upplýsingum síðustu ár. Þetta hefur í
för með sér að notandinn er betur upp­
lýstur um rétt sinn og möguleika tækn­
innar. Bætt aðgengi í samfélaginu, að
upplýsingum, mannvirkjum og sam­
göngum og áhersla á virka þátttöku
fatlaðra, kallar á aukin úrræði og lausn­
ir. Sömuleiðis auðveldar alþjóðavæðing
notendum að fylgjast með og gera kröf­
ur til að geta verið virkari. Norræn
samvinna og samanburður milli landa
hefur leitt til framþróunar.
Norræn samvinna stofnana á sviði
hjálpartækja á sér langa sögu og hefur
þar farið fram öflugt þróunarstarf sem
snýr að tækni og þjónustu. Hjálpar­
tækjamiðstöð Tryggingastofnunar hef­
ur frá upphafi miðstöðvarinnar tekið
þátt í þessari samvinnu. Aðrar stofnanir
og fyrirtæki á sviði hjálpartækja hér á
landi eru mörg í norrænu samstarfi, til
dæmis Heyrnar­ og talmeinastöð
Íslands og Tölvumiðstöð fatlaðra.
Norræn þróunarmiðstöð hjálpartækja
(s. Nordiska udvecklingscentret för
handikapphjälpmedel (NUH)) hefur
með styrkjastarfsemi sinni stuðlað að
þróun hjálpartækja. Íslendingar hafa
tekið þátt í fjölmörgum verkefnum á
vegum NUH og má þar nefna vitræn
hjálpartæki fyrir fólk með geðræn ein­
kenni, hjálpartæki fyrir fólk með elli­
glöp, sértækar lausnir fyrir lesblinda og
NAME­matstæki til að kanna notagildi
og áhrif hjálpartækja (e. Nordic Assist­
ed Mobility Evaluation).
iðjuþjálfar lykilhópur
Fjölmargir sérfræðingahópar koma
að hjálpartækjum og hér á landi fer
hópurinn stækkandi með auknum verk­
efnum. Iðjuþjálfar eru meðal þessara
sérfræðinga. Flestir iðjuþjálfar um allt
land koma að hjálpartækjamálum í ein­
hverju mæli í vinnu sinni. Þeir leið­
beina og aðstoða eldra fólk og ein­
staklinga með fötlun við að viðhalda
og efla sjálfsbjargargetu sína við daglega
iðju. Þeir aðstoða þá við að bæta um­
hverfi sitt og aðlaga svo það komi sem
best til móts við þarfir þeirra. Þeir meta
þörf fyrir hjálpartæki og aðstoða við
val á tækjum. Jafnframt þjálfa iðju­
þjálfar notendur í notkun tækis og
hjálpa þeim að tileinka sér tæknina.
Iðjuþjálfar er næst fjölmennasti faghóp­
urinn sem stendur að baki umsókna
um hjálpartæki sem berst til Hjálpar­
tækjamiðstöðvar TR, á eftir læknum.
Iðjuþjálfar eru lykilhópur þegar kemur
að aðstoð við eldri borgara og ein­
staklinga með fötlun við að tileinka sér
hjálpartæki og tæknibúnað og þannig
stuðla að því að þeir verði virkir í sam­
félaginu.
Heimildir:
Tryggingastofnun ríkisins (1986­2006).
Ýmis gögn um starfsemi og þróun hjál
partækjamálaflokksins og
hjálpartækjamiðstöðvar, m.a. ársskýrsl­
ur og staðtölur.
Heilbrigðis­ og tryggingamálaráðuneytið
(2001). Heilbrigðisáætlun til ársins
2010. http://www.heilbrigdisradu­
neyti.is (Sótt 28.jan.2007).
Félagsmálaráðuneytið (2004). Málefni
fatlaðra. http://www.felagsmalaradu­
neyti.is/malaflokkar/malefni­fatladra/
log/ (Sótt 28.jan.2007).
The Economist (2007). Pocket World in
Figures. The Economist in association
with Profile Books Ltd.
Umhverfisstjórnunarbúna ur
J. Eiríksson ehf.
Tangarhöf a 5 – 110 Reykjavík
Sími 564 28 20
Veffang je.is
Umhverfisstjórnunarbúna ur
J. Eiríksson ehf.
Tangarhöf a 5 – 110 Reykjavík
Sími 564 28 20
Veffang je.is
Umhverfisstjórnunarbúnaður
J. Eiríksson ehf.
Tangarhöfða 5 - 110 Reykjavík
Sími 564 28 20
Veffang je.is