Iðjuþjálfinn - 01.11.2009, Page 15

IÐJUÞJÁLFINN 1 / 2009 • 15
Vefsíðan idjuthjalfun.is var upphaf­lega opnuð 24. október 2008 og
þá sem verkefni nemenda sem voru á
fjórða ári í iðjuþjálfun við Háskólann á
Akureyri. Markmiðið með síðunni var
að kynna iðjuþjálfun fyrir Íslendingum.
Vefsíðan var í senn ætluð almenningi
og fag mönnum, þar á meðal starfandi
iðju þjálfum, og því var frá fyrsta degi
ákveðið að safna saman sem mestu af
aðgengilegum upplýsingum um iðju­
þjálfun á einn stað.
Í fyrstu voru aðallega sett inn gömul
verkefni frá nemendum í iðjuþjálfun.
Þetta voru verkefni sem talið var að
gætu nýst almenningi og starfandi iðju­
þjálfum. Fljótlega vatt verkefnið upp á
sig og settar voru inn upplýsingar frá
iðjuþjálfum sem eru starfandi víðs vegar
um landið.
Áhersla var lögð á að hafa uppbygg­
ingu vefsíðunnar fagmannlega en í senn
einfalda. Mikill áhugi kom fljótlega
fram meðal nokkurra nemenda á að
viðhalda vefsíðunni eftir útskrift, enda
mikilvægt að kynna iðjuþjálfun frekar
hér á landi.
Á idjuthjalfun.is má nú finna fréttir
um iðjuþjálfun á Íslandi, greinar sem
tengjast faginu, tengla yfir á gagnlegar
vefsíður og fjöldann allan af útgefnu
efni. Má þar nefna blaðið Iðjuþjálfa­
nemann (útskriftarblað iðjuþjálfanema)
á tölvutæku formi, kynningu á starfsemi
iðjuþjálfa víðs vegar um landið, gömul
nemendaverkefni (sem aðrir geta von­
andi nýtt sér) og upplýsingar um hin
ýmsu matstæki sem iðjuþjálfar nýta sér
nú þegar.
Vefsíðan er enn í þróun og það er von
okkar að hún stækki og eflist með
tímanum. Vefurinn er kjörinn vett­
vangur fyrir markaðssetningu og upp­
lýsingamiðlun sem iðjuþjálfar verða að
nýta sér. Við hvetjum alla sem vilja
bæta við efni eða koma með hugmyndir
að þróun vefsins að senda okkur póst á
idjuthjalfun@idjuthjalfun.is.
Fyrir hönd ritstjórnar idjuthjalfun.is
Sigurður Hólm Gunnarsson
iðjuþjálfi
Að lokum viljum við þakka:
* Elínu Ebbu Ásmundsdóttur fyrir að
trúa á þann eldmóð sem í okkur býr
* Iðjuþjálfafélagi Íslands og iðju þjálf­
unarbraut Háskólans á Akureyri fyrir
stuðning og sveigjanleika
Um idjuthjalfun.is
– www.idjuthjalfun.is
Styrktarlínur:
Gigtarfélag Íslands
Ármúla 5
Reykjavík
Sjálfsbjörg
Endurhæfingarstöð
Akureyri