Iðjuþjálfinn - 01.08.2011, Side 5

IðjuþjálfInn 1/2011 • 5
Pistill formanns
Júlíana Hansdóttir Aspelund
formaður
Í ár er Iðjuþjálfafélag Íslands (IÞÍ) 35 ára og 10 ár eru liðin frá útskrift fyrstu
iðjuþjálfanna frá Iðjuþjálfunarbraut Há skól­
ans á Akureyri. Sú braut markaði tímamót
í sögu fagsins hér á landi og hefur fjöldi
iðju þjálfa tvöfaldast með tilkomu hennar
og fjölgar ört á næstu árum. Iðjuþjálfar hafa
látið til sín taka í samfélaginu og hafa með
hug viti sínu, áræðni og þekkingu skapað
eftir sóknarverð meðferðarúrræði og byggt
upp öflug starfstækifæri fyrir iðjuþjálfa. Ég
vil óska aðstandendum námsbrautarinnar og
iðju þjálfum öllum til hamingju með þessa
áfanga.
Allir félagsmenn IÞÍ hafa fengið afhenta
nýja barmnælu félagsins. Það er tilvalið
að iðjuþjálfar beri næluna við alla helstu
viðburði félagsins, í starfi og við sérstök
tækifæri. Jafnframt má minna á að dagur
iðjuþjálfunar er 27. október og þá ættu allir
félagsmenn að bera næluna.
Fjárveitingar til heilbrigðisstofnana
hafa verið skornar niður á síðustu árum
en til að vinna gegn áhrifum þess á að efla
heilsugæsluna. Eitt mikilvægasta verkefni
hennar er að samþætta læknisþjónustu,
heilsuverndarstarf og forvarnir og leggja þar
með grunn að samfellu í meðferð sjúklinga
án þess að til innlagnar þurfi að koma á
heilbrigðisstofnanir. Til þess að þetta megi
nást er mikilvægt að efla þau úrræði sem eru
í boði innan heilsugæslunnar, ráða þangað
fleiri iðjuþjálfa og greiða þar með leið
almennings að fjölbreyttri þjónustu þeirra.
Með sérþekkingu sinni setja iðjuþjálfar
fram góðar og ódýrar lausnir sem geta skipt
sköpum við að auka sjálfsbjargagetu fólks.
Hjálpartæki og ráðgjöf gera það að verkum
að einstaklingur verður lengur sjálfbjarga
án þjónustu frá öðrum aðilum. Til að auka
virkni, færni og sjálfsbjargargetu einstaklinga
sem eiga við andleg, félagsleg eða líkamleg
vandamál að etja skiptir ráðgjöf, stuðningur
og þjálfun iðjuþjálfa miklu. Með því að
styðja einstaklinginn til að búa heima
má draga úr kostnaði í velferðarkerfinu
og getur það orðið til að seinka þörf á
annarri þjónustu eða vistunarúrræði. Öflug
heilsugæsla gerir það að verkum að hægt
er að útskrifa fólk fyrr af sjúkrahúsi, veita
eftirfylgd og draga þar með úr líkum á
endurinnlögnum.
Mikilvægt er að skólar sem ekki hafa tök
á að ráða til sín iðjuþjálfa hafi aðgang að
þjónustu iðjuþjálfa hjá heilsugæslunni sem
kæmi að fræðslu barna og kennara, mati á
færni, úttekt á umhverfi og jafnvel þjálfun
barnanna í einhverjum tilvikum.
Framtíðarsýn Iðjuþjálfafélags Íslands er
að á hverri heilsugæslustöð verði starfandi
iðjuþjálfar, sem munu í samstarfi við aðrar
fagstéttir byggja upp öfluga heilsuvernd
aldraðra, veita fötluðum og langveikum
einstaklingum á öllum aldri stuðning og
eftirfylgd og sinna ráðgjöf og þjálfun handa
börnum og ungmennum. Sérþekking iðju­
þjálfa á hlutverkum og iðju fólks á brýnt
erindi inn í verkefni heilsugæslunnar um allt
land. Höldum áfram að vinna nýjar lendur.
Fræðileg ritstjórn ritrýndra greina í Iðjuþjálfanum var sett á fót á aðalfundi
iðjuþjálfafélagsins 2010 og staðfest með
lögum sem föst nefnd á aðalfundi 2011.
Ritstjórninni er ætlað að starfa með ritnefnd
Iðjuþjálfans og sjá um og stýra ferli við
ritrýni greina fyrir blaðið.
Verkefni fræðilegrar ritstjórnar fyrsta
árið fólst í að móta reglur og verklag
við ritrýni. Nefndin kynnti sér vinnulag
og ferli ýmissa fagtímarita, íslenskra og
erlendra og hafði til hliðsjónar við gerð
leiðbeininga fyrir greinahöfunda, ritrýna
og ritstjórnina sjálfa. Áhersla var lögð á
að skapa möguleika fyrir hinn fjölbreytta
hóp iðjuþjálfa til að koma þekkingu sinni
á framfæri og um leið að mæta kröfum
fræðasamfélagsins fyrir fagleg vinnubrögð
og framsetningu. Eftirfarandi skjöl hafa
nú verið birt á heimasíðu Iðjuþjálfafélags
Íslands undir tenglinum Iðjuþjálfinn
tímarit => Ritrýndar greinar
• Leiðbeiningar fyrir höfunda ritrýndra
greina
• Ritrýni - lýsing
• Leiðarvísir við ritrýni
• Tímaáætlun og ferli við ritrýni
• Upplýsingar um höfunda – eyðublað
• Gátlisti fyrir fræðilega ritstjórn
Félagsmenn eru eindregið hvattir til að
kynna sér innihald skjalanna og huga
að greinaskrifum með góðum fyrirvara,
en ritrýningarferli getur tekið allt að sex
mánuðum.
Guðrún, Hrefna og Valerie
Frá fræðilegri ritstjórn