Iðjuþjálfinn - 01.08.2011, Blaðsíða 17
IðjuþjálfInn 1/2011 • 17
Menntunarstig þessara kvenna er lágt
og félagslegt net þeirra slakt. Íhlutunin
beindist að því að kenna mæðrunum
grunnatriði daglegs lífs til að bæta lífskjör
þeirra og barna þeirra. Nokkrar mæðranna
hafa misst eða eiga á hættu að missa
forræði yfir börnum sínum. Tuttugu
og sex mæðrum var boðin þátttaka í
verkefninu, og endaði með að eingöngu
10 konur á aldrinum 1836 ára tóku
fullan þátt. Brottfall var mikið, sumar
byrjuðu en mættu illa, aðrar höfðu ekki
áhuga á að taka þátt. Flestar mæðranna
komu frá brotnum heimilum og sumar
höfðu sjálfar komið til kasta barna
verndar yfirvalda. Í viðtölunum kom í
ljós að mæðurnar glíma við mikla streitu,
þung lyndi og kvíða ásamt líkamlegum
kvillum.
Til að byrja með voru viðtöl tekin
við allar konurnar og matstæki eins og
Achenbach System of Empirically Based
Assessment (ASEBA) lagt fyrir. Heilsu
fars ástand kvennanna og hegðun var
mæld með sjálfsmatslistanum Adult
SelfReport (ASR) fyrir 1859 ára. ASR er
hluti ASEBA® mælitækjanna en þau setja
alþjóð legan staðal fyrir upplýsingaöflun
frá mörgum ólíkum aðilum við mat á
börnum og fullorðnum (Achenbach,
2009).
Það sem kom á óvart var að mæðurnar
virtust verr staddar en ég gerði ráð fyrir
í upphafi. Þær áttu mjög erfitt með að
treysta, og andleg og líkamleg heilsa þeirra
virtist bágborin. Einföld atriði eins og
að fara úr náttfötunum áður en farið var
út úr húsi, bursta tennur og snyrta sig
virtist vefjast fyrir þeim mörgum. Eins að
halda tímasetningar eða yfirhöfuð mæta
í viðtölin. Fjármál og forgangsröðun var
einnig stór þáttur sem þurfti að vinna í.
Ég sá að sú íhlutun sem ég hafði upp
haflega gert ráð fyrir að fara af stað með
þurfti að endurmeta og einfalda.
Námskeiðin voru sett upp þannig
að unnið var alla virka daga frá klukkan
1012 og í sumum tilvikum einnig
eftir hádegi. Við byrjuðum íhlutunina
fyrstu vikurnar á því að mæðurnar fóru
í gegnum sjálfstyrkingarnámskeið með
það að markmiði að kynna þær hverja
fyrir annarri, kynnast mér og skapa
traust innan hópsins. Námskeið þetta
var í samvinnu við Púlsinn í Sandgerði.
Sjálf styrkingarnámskeiðið innihélt allt frá
dansi, spuna og jóga yfir í dýpri vinnu í
gegnum myndlist og einstaklingsviðtöl.
Þegar sjálfstyrkingunni var við það að
ljúka tók við fjármálanámskeið í umsjón
Gunnars sem er viðskiptafræðingur
og forstöðumaður Virkjunar. Virkjun
er samstarfsverkefni sveitarfélaganna á
Reykjanesi, verkalýðsfélaga, Miðstöðvar
símenntunar og fleiri aðila. Í Virkjun er
verið að byggja upp starfsemi fyrir íbúa
á Reykjanesi sem leita nýrra tækifæra í
atvinnu eða námi. Þá er Virkjun ekki
síður samkomustaður fólks sem vill nýta
Í sumar er opið virka daga frá kl. 9 -18 • Eirberg ehf. • Stórhöfða 25 • Sími 569 3100 • eirberg.is
Hágæða vinnustólar
frá Mercado Medic
Vandaðir sænskir vinnustólar REAL® 9000 PLUS með fjöl-
breyttum stillimöguleikum. Úrval aukahluta og lita á áklæði.
Ergomedic Plus setkerfi veitir þægilega og góða setstöðu.
Fyrir börn og fullorðna með mismunandi þarfir.
Fagleg ráðgjöf.
Í samningi við Sjúkratryggingar Íslands.