Iðjuþjálfinn - 01.08.2011, Síða 25

IðjuþjálfInn 1/2011 • 25
Um leið og fjöldinn jókst svo mikið
þurfti að endurskoða allt skipulag og
betrumbæta nokkrum sinnum í takt við það
svo hér hefur hverjum steini verið velt við
þó nokkrum sinnum. Á meðan við höfum
verið uppteknar af því að koma deildinni
á laggirnar og láta hana ganga upp dags
daglega hafa íbúar og starfsmenn Hrafnistu
þurft að venjast þessum nýja og síbreytilega
hópi sem er orðinn þátttakandi í öllu því
sem um er að vera í húsinu. Það voru að
sjálfsögðu mikil viðbrigði fyrir þá og kannski
sérstaklega eftir því sem fjölgaði í hópnum.
En núna erum við að meðaltali með 30
manns á dag og kominn ákveðin stöðugleiki
í kringum það. Við eigum íbúunum og
starfsfólki Hrafnistu mikið að þakka fyrir
góðar móttökur og velvilja í okkar garð og
eru þau ávallt tilbúin að styðja við bakið á
okkur og aðstoða eftir bestu getu.
Að stofna dagendurhæfingu er ekki nóg
eitt og sér, það þarf líka að sýna sig og sanna
út á við því annars eru engir umsækjendur.
Við þurftum bæði að sanna okkur fyrir
eldri borgurunum og starfsmönnum innan
öldrunargeirans. Þeir þurfa að trúa því og
sjá, að við erum góður kostur fyrir þau, að
hér fái fólk bót á sinni líðan og eflist í sínu
daglega lífi. Til að geta uppfyllt slíkar kröfur
þarf metnaðarfullt starfsfólk sem er tilbúið
að leggja ýmislegt á sig. Starfsfólk sem hefur
óbilandi trú á getu okkar allra og er samtaka
í að stefna að sameiginlegum markmiðum.
Við erum stolt af árangrinum og eru gestir
okkar almennt á sama máli. Gestir okkar
og aðstandendur þeirra tjá sig óspart um
betri líkamlega, andlega og félagslega
líðan. Árangurinn lætur heldur ekki á sér
standa í þeim samanburðarprófum sem
sjúkraþjálfararnir gera á hverjum og einum.
Þjónustukönnun Hrafnistu sýnir sams konar
niðurstöður en það eru nafnlausar kannanir.
Þessi fyrstu tvö ár hafa verið einstaklega
skemmtilegur og gefandi tími.
Heimildarskrá
Kielhofner, G. (2002). Model of Human Occupation.
Philadelphia, Pennsylvania: Lippincott Williams
og Wilkins.
Gerhardsson, C. (1997). Flow Theory – en
betydningsfull teori for ergoterapi. Ergoterapeuten,
40 (13), 56­61.
Í byrjun nóvember 2010 voru veittir fjórir styrkir úr Rannsóknarsjóði Öldrunarráðs
Íslands. Sjóðurinn hefur það hlutverk að
styðja við bakið á rannsóknum í öldrunar­
málum á Íslandi auk sérstakra verkefna
ann arra í málaflokknum, sem stjórn sjóðsins
metur til þess fallin hverju sinnni. Að þessu
sinni voru veittir styrkir að upphæð 950
þús und krónur til fjögurra aðila. Þar af voru
tveir iðjuþjálfar sem hlutu styrkveitingar úr
sjóðnum.
Annars vegar Hrefna Brynja Gísla­
dóttir, iðjuþjálfi á Akureyri, en hún hlaut
100 þúsund króna styrk til að sækja
nám skeið til kennsluréttinda í aðferðinni
„Spark of life“ eða Lífsneistanum eins og
hún hefur verið kölluð hér á landi. Um
nýlega aðferðafræði er að ræða, sem er
sérstaklega ætluð til að virkja fólk með
heilabilun til þátttöku í lífinu. Lífs neist­
inn er ekki afþreyingarprógram heldur
vandlega þróuð meðferð til að auka félags­
lega, tilfinningalega og sálræna vellíðan
fólks með heilabilun (Jane Verity, 2008).
Hins vegar Guðrún Hallgrímsdóttir,
deildarstjóri iðjuþjálfunar og félagsstarfs
Hrafnistu í Hafnarfirði, en hún hlaut 250
þúsund króna styrk vegna rannsóknar
sinnar á karlmönnum og karlmennsku á
dvalar­ og hjúkrunarheimilum sem hún
er að framkvæma í samnorrænu meistara­
námi í öldrunarfræðum við Háskóla
Íslands.
Einnig hlutu Brynhildur Jónsdóttir,
meistaranemi í sálfræði við Háskóla
Íslands, styrk en hún er að rannsaka
mynstur heilarita í vægri vitrænni skerð­
ingu og Helga Atladóttir, hjúkrunar­
forstjóri á Höfða á Akranesi meistaranemi
í hjúkrunarstjórnun við Háskóla Íslands.
Helga rannsakar heilsufar og færni
aldraðra með einkenni heilabilunar á
hjúkrunardeildum á Íslandi og gæðum
þeirrar hjúkrunar sem þeir njóta.
Tveir iðjuþjálfar hlutu styrk úr rann-
sóknarsjóði Öldrunarráðs Íslands
Hrefna Brynja Gísla dóttir Guðrún Hallgrímsdóttir