Skólavarðan - 01.03.2005, Blaðsíða 10

10
SKÓLAVARÐAN 2.TBL. 5. ÁRG. 2005
Þing Kennarasambands Íslands 2005
verður haldið 14. og 15. mars nk. á
Grand hóteli í Reykjavík. Yfirskrift
þingsins verður: Er skólinn á ábyrgð
okkar allra? Að lokinni þingsetningu,
ávörpum gesta og tónlistarflutningi
mun Þorsteinn Gunnarsson, rektor
Háskólans á Akureyri, flytja erindi um
efni yfirskriftarinnar. Því næst taka við
hefðbundin þingstörf. Þingið sitja tæp-
lega 200 fulltrúar frá félögunum sjö
sem mynda Kennarasambandið.
Síðari daginn verður m.a. málstofa um
fimm afmörkuð efni þar sem jafnmargir
gestir halda stutt erindi. Umræðuefnin
eru: Skóli fyrir alla - alla ævi, Barnið í
brennidepli - einstaklingsmiðað skólastarf
og jafnrétti til náms - klisjur eða raunveru-
leiki? Kennaramenntun á 21. öld, Hvernig
á að breyta kennaramenntuninni? Hvernig
eiga kennarasamningar að vera? Stytting
eða skerðing - boðar menntamálaráðherra
lélegra nám til stúdentsprófs?
Meðal þinggagna sem send hafa verið
út eru skýrsla stjórnar KÍ 2002 - 2005, til-
laga frá stjórn um stefnu Kennarasam-
bands Íslands í kjaramálum, tillaga frá
skólamálaráði, tillaga frá stjórn um stuðn-
ing við stofnun kennarasambands í Palest-
ínu og síðast en ekki síst löng og ítarlega
skýrsla og tillögur þemanefndar, en hún
hefur á undanförnu kjörtímabili unnið
umfangsmikið starf um þema 2. þings KÍ
2002, Kennsla - aðlaðandi ævistarf.
Þá eru í gögnunum tillögur sem fram
hafa komið um breytingar á lögum Kenn-
arasambandsins og drög að fjárhagsá-
ætlun þess næsta kjörtímabil.
Þinggögn eru aðgengileg öllum sem
vilja kynna sér þau á heimasíðu Kennara-
sambandsins.
Samkvæmt lögum Kennarasambands
Íslands eru formaður og varaformaður
þess kjörnir í allsherjaratkvæðagreiðslu
eigi síðar en fjórum vikum fyrir þingið.
Ekki fór fram sérstök kosning að þessu
sinni þar sem aðeins bárust tilnefningar
um núverandi formann og varaformann.
Því er sjálfkjörið í þessi embætti. Kjörstjórn
KÍ hefur tilkynnt að Eiríkur Jónsson sé
rétt kjörinn formaður Kennarasambands
Íslands og Elna Katrín Jónsdóttir rétt kjör-
inn varaformaður þess kjörtímabilið 2005
- 2008.
GG
Í aprílblaði Skólavörðunnar 2004 var
fjallað um SAFT en það er rannsóknar-
og fræðsluverkefni um örugga
netnotkun barna sem sjö aðilar frá
fimm Evrópulöndum standa að.
Landssamtökin, Heimili og skóli, stýra
verkefninu hér á landi. Út er komið nýtt
námsefni sem kallast SAFT (Samfélag,
fjölskylda og tækni) og tók Þorgerður
K. Gunnarsdóttir menntamálaráðherra
við því við hátíðlega athöfn í Hlíðaskóla
á alþjóðlega netöryggisdeginum 8.
febrúar sl., en haldið var upp á hann í
27 löndum. Kennsluefnið SAFT er unnið
á vegum Heimilis og skóla og er hannað
til að aðstoða og styðja kennara við að
fræða nemendur um örugga og ábyrga
notkun á Netinu.
Samkvæmt upplýsingum Heimilis og
skóla er búist við að SAFT verði notað
í upplýsingatæknikennslu og að það
nýtist við almenna kennslu, þar sem
farið er yfir þætti á borð við leitartækni,
heimildagagnrýni og fleira.
Kennsluefnið SAFT var útbúið í
samstarfi sjö aðila í fimm löndum.
Starfsfólk Námsgagnastofnunar fór yfir
íslensku útgáfuna og verður henni dreift
í möppu sem inniheldur geisladisk með
efninu ásamt kennsluleiðbeiningum.
Heimili og skóli hafa einnig tekið
að sér að vinna verkefni um örugga
netnotkun barna og unglinga á Íslandi.
Það er unnið innan ramma Safer
internet Action-áætlunar ESB og hefur
menntamálaráðuneytið falið Heimili og
skóla að annast útfærslu verkefnisins sem
á að ljúka 1. október 2006.
Einnig hefur verið hleypt af stokkunum
sögusamkeppni í þátttökulöndunum 27
hjá 9-16 ára grunnskólanemum. Tilgangur
keppninnar er að fá fullorðna og börn til
að ferðast saman um Netið og gera þar
uppbyggilega hluti jafnhliða því að örva
sköpunargleði og ímyndunarafl.
SAFT stendur fyrir Safety Awareness Facts
and Tools á ensku en á íslensku Samfélag,
fjölskylda og tækni. Sjá nánar www.saft.is
SAFT nýtt kennsluefni um örugga netnotkun barna
Þriðja þing Kennarasambands Íslands
Er skólinn á ábyrgð okkar allra?
Ljósmynd: Jón Svavarsson