Skólavarðan - 01.03.2005, Blaðsíða 17
gera. Við veltum því fyrir okkur hvort við
ættum að undirbúa einhverja líffræði-
kennslu og grasafræði en það er ekki
nákvæmlega það sem verkefnið snýst um.
Leikurinn er hér í algeru aðalhlutverki
og börnin fræðast/læra gegnum hann.
Þau sjá hér lauftré og barrtré, lyng og
margvíslegan annan gróður. Umhverfið
er auk þess síbreytilegt, stundum er allt
blautt, ísilagt og á kafi í snjó eða allt er í
blóma. Birtan er svona í dag en öðru vísi á
morgun. Sama er að segja um lyktina. Hún
er líka fjölbreytileg,“ sagði Ingibjörg.
Á leiðinni í skóginn eru ákveðnar
stoppistöðvar. Þau byrja á því að fara
upp á hól rétt við skjógarjaðarinn. Þar
er flaggstöng og þar taka þau veðrið.
Frá hólnum sjá þau Ingólfsfjall og þau
hafa séð til Norðurpólsins og meira að
segja Jesús og margt fleira áhugavert. Af
hólnum er síðan farið inn í skóginn að
leika sér. Önnur hefð felst í því að fara
með brauðbita handa öndunum á tjörn-
inni og matarafganga handa krumma.
Ingibjörg sagði að börnin lifðu sig inn í
hefðbundna leiki og létu ímyndunaraflið
leiða sig. „Þau eru sjóræningjar, dýrin í
Hálsaskógi eða hvað þeim nú dettur í
hug. Stundum heitir skógurinn Skruggu-
skógur, Hálsaskógur eða Úlfaskógur. Það
fer bara eftir því hvernig landið liggur.
Hér upplifa börnin algert frelsi, hér er
engin girðing, bara náttúran og hin ósýni-
lega girðing sem markast af samheldni
hópsins. Héðan vilja börnin helst ekki fara
heim. Þau fá aldrei nóg af útiverunni. Og
á sumrin þegar vel viðrar eru þau hér
meira og minna allan daginn.“
Ingibjörg sagði að börnin færu í sér-
staka vettlinga þegar þau færu í skóg-
inn. Þetta eru fallegir lopavettlingar sem
eru prjónaðir sérstaklega fyrir Álfheima.
Börnin hafa sannreynt að þetta eru bestu
vettlingar sem hægt er að hugsa sér og
vilja helst enga aðra.
Ingibjörg og samstarfskonur hennar
hafa verið boðberar skógarskóla á Íslandi.
Þær héldu kynningarfund fyrir fjögur
sveitarfélög á Seltjarnarnesi um efnið fyrir
stuttu og námskeið fyrir leikskólakennara
á Akureyri nú í vetur, einnig hefur starfið
verið kynnt á málþingum RKHÍ 2003 og
2004 auk kynningar í heimabyggð. Skýrsla
um efnið er komin út á vegum KHÍ og er
Kristín Norðdahl verkefnisstjóri hennar.
GG
Ljósmyndir: Skólavarðan
Leikskólinn Álfheimar á Selfossi.