Skólavarðan - 01.03.2005, Page 18

18
SKÓLAVARÐAN 2.TBL. 5. ÁRG. 2005
KENNARAMENNTUN
Allt nám í kennslufræði við Háskóla
Íslands verður nú skilgreint á meistara-
stigi. Frá og með hausti 2005 verður
boðið upp á 60 eininga MA-nám. Hið
hefðbundna kennsluréttindanám kall-
ast nú diplómanám í kennslufræði og
telst fyrri hluti meistaranáms og veitir
kennsluréttindi. Helsta breytingin er
sú að nú verður í raun til ný grein, þ.e.
rannsóknartengt nám í kennslufræði.
Næsta vetur er strax boðið upp á tvö
ný námskeið á meistarastiginu, annað
fjallar um nýjungar í kennsluháttum en
hitt um skólaþróun og sjálfsmat. Frestur
til að sækja um nám í kennslufræði er 1.
apríl nk.
Nauðsynlegt að efla rannsóknir
„Það vantar tilfinnanlega rannsóknir á
þessu sviði og þetta er hugsað sem ein
leið til að bæta úr því,“ sagði Hafdís
Ingvarsdóttir dósent við Háskóla Íslands.
„Það eru tvenns konar markmið með því
að gera þessar breytingar. Annars vegar
að efla rannsóknir í kennslufræði. Við
vitum mjög lítið hvað er að gerast í fram-
haldsskólunum, til dæmis hvað fer fram í
kennslustofunum. Ég hef hins vegar komist
að því gegnum nemendur mína, sem fara
í æfingakennslu í skólana, að þar er mikil
gróska en upplýsingum hefur ekki verið
kerfisbundið safnað né þær greindar.
Þetta veldur því að við stöndum illa þegar
við erum að fjalla um framhaldsskólann
því við höfum fáar rannsóknir til að vitna í
og styðjast við. Nú bíðum við spennt eftir
meistaraprófsritgerðunum sem byggjast á
rannsóknum á starfi framhaldsskólans.
Miklar breytingar á eðli
kennarastarfsins
Hins vegar erum við að mæta kalli tímans.
Háskóli Íslands er móðurskóli fagkenn-
aramenntunar, en miklar breytingar
urðu á störfum kennara með nýju aðal-
námskránni frá 1999. Nú eru þeir ekki
einungis að kenna fagið sitt heldur þurfa
þeir að tileinka sér nýjar kennsluaðferðir,
semja skólanámskrár og námsefni og eiga
líka að vera matsfræðingar. Það er ekki
óskastaða að kennarar séu háðir utanað-
komandi ráðgjöfum um mat.
En nú sjáum við fram á að þekkingin
komist inn í skólana og fólk fái tækifæri til
að dýpka þekkingu sína á þessum sviðum.
Endurmenntun er allra góðra gjalda verð
en í fæstum tilfellum nær hún þeirri dýpt
sem við erum að vonast til að ná með
þessu námi.“
Heimasmíðuð útfærsla í
takt við umheiminn
Hafdís var spurð að því hvort farið væri
að erlendum fyrirmyndum um þetta nám.
„Útfærsla er heimasmíðuð því við erum að
laga okkur að því sem er að gerast í skól-
unum hér. Það hefur verið mér kappsmál
að vera í miklum og góðum tengslum við
skólana. Áður fyrr fannst mér þessi tengsl
of lítil en það hefur breyst mikið til batn-
aðar. Ég held líka að kennarar telji sig
núorðið bera töluverða ábyrgð á menntun
stéttar sinnar. En við sækjum auðvitað
hugmyndir til nágrannaþjóðanna og fyrir
stuttu lauk starfi nefndar sem ég var í og
hafði það hlutverk að bera saman kenn-
aramenntun á Norðurlöndum og þá sá ég
að við vorum langt á eftir öllum öðrum
í þessum efnum. En stefna Evrópusam-
bandsins í málefnum kennaramenntunar
er í þessum anda svo það styður okkur til
að fara þessa leið.
Þeir nemendur sem lokið hafa 30 ein-
ingum geta tekið viðbótina og lokið
meistaranámi strax haustið 2006 en þeir
sem byrja frá grunni í haust geta útskrifast
vorið 2007.“
GG
Hafdís Ingvarsdóttir dósent í
kennslufræði við HÍ.
Meistaragráða í kennslufræði
við Háskóla Íslands
Viðtal við Hafdísi Ingvarsdóttur forstöðumann
kennslufræðináms við Háskóla Íslands