Skólavarðan - 01.10.2007, Blaðsíða 14

14
LAUNAÞRÓUN
SKÓLAVARÐAN 7.TBL. 7. ÁRG. 2007
Oddur S. Jakobsson hjá KÍ hefur tekið saman og unnið úr upplýsingum
um laun leik-, grunn- og framhaldsskólakennara undanfarin ár. Tölur eru
fengnar frá Kjararannsóknarnefnd opinberra starfsmanna (KOS). Margt
athyglisvert kemur í ljós þegar þessar upplýsingar eru bornar saman og
settar upp í töflur eins og sjá má á meðfylgjandi skýringarmyndum. Í
greininni sem vitnað er til í ramma bendir Oddur á að sjö ár eru liðin frá því
að framhaldsskólakennarar fóru í verkfall. Þá segir: „Meðaldagvinnulaun
innan BHM og KÍ-framhaldsskóla (framhaldsskólakennarar og stjórnendur í
framhaldsskólum) voru u.þ.b. þau sömu á árinu 2002 en í desember 2006 var
munurinn á meðaldagvinnulaunum hópanna rúm 6%, framhaldsskólunum
í óhag.“ Oddur bendir á í greininni að hér er ekki um skammtímasveiflu
heldur langtímaþróun að ræða. Mynd 2 sýnir þetta glöggt.
Í samtali við undirritaða sagði Oddur úrvinnslu gagna draga skýrt fram nokkur
atriði um launaþróun hjá hinum ýmsu kennarahópum, svo sem að kjarabarátta
leikskólakennara hefur borið mikinn árangur þrátt fyrir að stéttin hafi ekki
farið í verkfall á þeim tíma sem er til skoðunar. Einnig að stöðugt dregur í
sundur með framhaldsskólakennurum og helstu viðmiðunarhópum, eins og
áður er vikið að (sjá myndir 1-3). Loks gefa myndirnar sláandi upplýsingar um
þróun kaupmáttar grunnskólakennara og stjórnenda í grunnskólum (sjá mynd
6) og um launaþróun hjá þessum hópum almennt (sjá myndir 5 og 7).
Þegar mynd 5 er skoðuð má hafa í huga að hlutfall dagvinnulauna í heildar-
launum er mismunandi á milli kennarahópa. Eins og sést á mynd 4 er hlutfallið
hjá framhaldsskólakennurum (FF) og stjórnendum í framhaldsskólum (FS) á
fyrri hluta þessa árs 73,8%, hjá grunnskólakennurum (FG) og stjórnendum í
grunnskólum (SÍ) 82,7% og hjá leikskólakennurum (FL) 91,8% á tímabilinu.
Þetta skýrir hluta af muninum á hópum á mynd 5 þar sem hún sýnir meðal-
dagvinnulaun á tilteknu tímabili.
keg
Launaþróun kennara í leik-,
grunn- og framhaldsskólum
„Flestir hópar launamanna njóta launaskriðs umfram kjarasamninga þegar
þensla er í þjóðfélaginu. Það á ekki við um kennara. Afleiðingin er... sívaxandi
launabil á milli sambærilegra hópa sem áður stóðu jafnir. Allir hljóta að skilja
að þetta er óþolandi fyrir kennara. Leiðrétting er nauðsynleg.“
Oddur S. Jakobsson í grein um kjör framhaldsskólakennara
(Frekjur í framhaldsskólum? Morgunblaðið 18. júní sl.
1
2
3
4
5
6
7