Skólavarðan - 01.08.2003, Qupperneq 26

KONUR Í FRÆÐSLUSTÖRFUM ÞINGA
Evrópuráðstefna Félags
kvenna í fræðslustörfum
Félag kvenna í fræðslustörfum á
Íslandi, the Delta Kappa Gamma
Society International, hélt
Evrópuráðstefnu á Grand hótel
dagana 6.-9. ágúst sl. Ráðstefnuna
sótti fjöldi kvenna beggja vegna
Atlantshafsins og vakti athygli
hve hún var vel skipulögð og
forvitnileg.
Delta Kappa Gamma eru alþjóðleg
samtök sem hafa m.a. að markmiði
að efla tengsl kvenna sem vinna
að fræðslustörfum víðsvegar að úr
heiminum. Rúmlega 200 íslenskar
konur eru í samtökunum. Íslensku
samtökin hafa verið mjög virk í
starfi Evrópudeildar samtakanna og
svæðisstjóri Evrópu er nú Dr. Sigrún
Klara Hannesdóttir, landsbókavörður.
Hefur hún ásamt þeim Sigríði
Jónsdóttur fv. námstjóra, Sigrúnu
Jóhannesdóttur menntunarráðgjafa,
Kristínu Bjarnadóttur lektor KHÍ
og Áslaugu Brynjólfsdóttur fv.
fræðslustjóra annast undirbúning
ráðstefnunnar en einnig hefur fjöldi
annarra kvenna úr samtökunum veitt
liðsinni sitt.
Yfirskrift ráðstefnunnar var Gróska –
hæfni – forysta og voru aðalfyrirlesarar
fjórir; Vigdís Finnbogadóttir fv.
forseti, dr. Lynne Scholefield frá
Bretlandi, dr. Sigrún Aðalbjarnardóttir
prófessor í uppeldisfræði og
loks dr. Gerður G. Óskarsdóttir
fræðslustjóri. Fyrirlestrarnir fjölluðu
um menntamál, rannsóknir og þróun
á sviði menntamála og forystuhlutverk
kvenna í fræðslumálum.
Opnunarhátið var á miðvikudegi 6.
ágúst en á fimmtudag og föstudag var
mikill fjöldi vinnufunda „workshops“
með fyrirlesurum frá átta löndum.
Þar gafst tækifæri til að kynna sér
það nýjasta á sviði menntamála og
tækifæri gefst til að efla persónulegan
og faglegan þroska. Skemmtun og
menningarviðburðir ýmis konar voru
líka á dagskrá. Þar má nefna kvöldverð
með skemmtidagskrá í Perlunni og
„Íslenskt kvöld” með heimsókn í
Orkuveitu Reykjavíkur og þaðan var
farið í Bláa lónið. Lokahófið var á Grand
hótel og þar var aðalræðumaður forseti
alþjóðasamtakanna, Jean Gray frá
Bandaríkjunum. Á laugardagsmorgni
voru svo menntamál í Evrópu rædd
með fyrirlestri um framtíð menntunar
í Evrópu sem fylgt var eftir með
pallborðsumræðum.
Enneagram – tæki til persónulegs
þroska
Vegna sumarleyfa og anna gafst
okkur Skólavörðuliðum ekki færi á
að fylgjast jafnvel með þinginu og
við hefðum kosið, en ekki er að efa
að hægt verður að leita til fólks með
frásagnir úr vinnuhópum síðar meir,
slíkur var fjöldinn sem sótti þingið og
fjölbreytnin í dagskránni að úr nógu er
að moða.
Við náðum þó að hlusta á fyrirlestur
Dr. Lynne Scholefield, Learning from
the Enneagram, en Enneagram er
nokkurs konar persónuleikaflokkuna
rtæki. Áheyrendur fengu að spreyta
sig á stuttu prófi til að skera úr um
hvaða flokki að níu flokkum alls þeir
tilheyrðu. Þegar Lynne lýsti svo í stuttu
máli megineinkennum hvers flokks
fyrir sig heyrðust hlátrasköll og fliss
víða um salinn, enda skemmtilegt með
eindæmum að heyra sjálfan sig krufinn
til mergjar með þvílíkum hætti, það
er að segja ef maður samþykkir gildi
flokkunarinnar og krufningarinnar!
Áhugasamir lesendur geta sjálfir
tekið prófið og lesið niðurstöðurnar
á vefnum, undirrituð fann það á
www.kjalways.com og prófið heitir
QUEST.
Það forvitnilega við þetta
persónuleikapróf er að það er þróað
sem munnlegt kerfi og til þess ætlast
að fólk spjalli saman um kerfið og
nýti sér það til persónulegs þroska.
Flokkunin er sem sagt ekki aðalatriðið,
en þó útgangspunktur til að feta
sig áfram og fá leiðbeiningar um
hvar mann eigi næst að bera niður á
þroskaferlinum. ENNEAGRAMið sjálft
er teikning sem sýnir staðsetningu og
skörun flokkanna, auk þess sem gert er
ráð fyrir þremur miðjum eða kjörnum;
hjarta, höfði og innviðum eða
innyflum. Einnig eru sýndar hreyfingar,
ENNEAGRAM
26