Skólavarðan - 01.08.2003, Síða 28
KJARAMÁL, TILKYNNINGAR
Auglýsing starfa
KJARAMÁL LEIKSKÓLI
Í júní s.l. sendi skrifstofa FL út bréf
til allra rekstraraðila leikskóla þar
sem bent er á þá skyldu sem lög um
leikskóla hafa í för með sér varðandi
að auglýsa stöður sem ófaglærðir/
rétttindalausir gegna við uppeldi og
menntun í leikskólum. Hvorki í lögum
um leikskóla né öðrum lögum er að
finna ákvæði um auglýsingaskyldu
eins og gildir um kennara í grunn-
og framhaldsskólum.
FL telur að lög um leikskóla setji þá
kvöð á þá sem reka leikskóla að þeir
auglýsi þessar stöður með reglulegu
millibili og eigi sjaldnar en einu sinni
á ári. FL vill í þessu sambandi vekja
athygli á því að leikskólakennari geti
hvenær sem er sóst eftir stöðu sem
réttindalaus aðili gegnir þó hún sé
ekki auglýst og eigi rétt á stöðunni. Öll
störf við uppeldi og menntun barna í
leikskólum eru leikskólakennarastörf.
Það er einunigs í þeim tilfellum að
ekki fæst leikskólakennari sem heimilt
er að ráða aðila án leikskólakennaram
enntunar.
Ráðningarsamningar
Bent er á þá skyldu atvinnurekenda
að gera ráðningarsamning ef ráðning
skal standa lengur en einn mánuð.
Slíkur samningur skal gerður við
upphaf ráðningar (áður en starf hefst)
og skulu koma fram samningsskilmálar
og ráðningarfyrirkomulag í
samningnum. Þar má nefna deili á
aðilum, vinnustað/vinnustaði séu
þeir fleiri en einn, starfsheiti/eðli
starfs, upphafsdag, tímalengd,
vinnutímaskipulag, starfshlutfall,
daglega/mánaðarlega vinnuskyldu,
mánaðarlaun, aðrar greiðslur
eða hlunnindi, greiðslutímabil,
orlofsrétt, uppsagnarfrest, rétt
til launa í barnsburðarleyfi og
veikindum, lífeyrissjóð og stéttarfélag.
Leikskólakennarar og leikskólastjórar
eru hvattir til að ganga alltaf frá
ráðningarsamningi áður en þeir hefja
störf.
Björg Bjarnadóttir, formaður FL
SJÚKRASJÓÐUR
Breytingar á 6. og 7. grein
Stjórn Sjúkrasjóðs samþykkti á
fundi sínum í júní sl. að breyta 6. og 7.
grein í úthlutunarreglum Sjúkrasjóðs.
Breytingarnar taka gildi 1. september
2003.
6. gr. verður svohljóðandi eftir að
breytingar taka gildi 01.09. 2003:
Sjóðsstjórn er heimilt að veita
styrki vegna kostnaðarsamra aðgerða
eða meðferða sem sjóðsfélagi fer í
samkvæmt læknisráði. Ekki er veittur
styrkur nema kostnaður fari yfir
30.000 kr.
7. gr., 2. mgr. verður svohljóðandi
eftir að breytingar taka gildi frá
01.09. 2003:
Sjóðfélagar fá styrk vegna kaupa á
sjónglerjum einu sinni á hverjum 48
mánuðum. Styrkur nemur þriðjungi
af heildarkostnaði sjónglerja. Framvísa
ber augnvottorði frá augnlækni ásamt
frumriti kvittana. Ekki er veittur
styrkur nema kostnaður sjónglerja fari
yfir 30.000 kr.
Athugið að úthlutunarreglur
Sjúkrasjóðs í heild sinni eru birtar
á heimasíðu Kennarasambandsins,
www.ki.is
STYRKIR
Auglýsing um úthlutun styrkja úr C deild Vísindasjóðs FL
Hér með eru auglýstir styrkir sem
veittir eru félagsmönnum FL annars
vegar til þróunar- og rannsóknastarfa
og til námsefnisgerðar og hins
vegar einstökum félagsmönnum
eða hópum félagsmanna, faghópum
og nefndum innan FL til að halda
námskeið og ráðstefnur ætlaðar
félagsmönnum.
Í UMSÓKN ÞARF AÐ KOMA FRAM:
• heiti verkefnis
• lýsing á verkefninu, markmið þess
og gildi
• lýsing á framkvæmd verkefnis
• upplýsingar um umsækjanda/endur,
s.s. menntun og starfsferill
• kostnaðaráætlun
Umsóknum skal skilað á þar til
gerðum eyðublöðum sem fást á
skrifstofu FL/KÍ og á heimasíðu
www.ki.is í síðasta lagi 15. september
2003.
Reykjavík 8. ágúst 2003,
stjórn Vísindasjóðs FL
28