Félagsbréf - 01.03.1963, Side 72

mönnum og brjóta löndin undir veldi
Breta. Og þar lýkur sögunni árið 1900:
Níl er þá í fyrsta sinni opin leið og
kunnug frá upptökum til ósa, og allt
þetta mikla fljót og nærliggjandi lönd
lýtur heimsveldi Viktoríu Bretadrottn-
ingar, ef ekki í orði þá á borði.
Heimsveldi Breta er senn liðið undir
lok; Afríkulönd hafa flest heimt sjálf-
stæði sitt. En um tilkomu þessa heims-
veldis og mennina sem sköpuðu það
er mikinn fróðleik að finna í hók
Mooreheads, hún er frásögn um afrek
og hetjuskap fárra manna sem fót-
gangandi og berhentir að kalla sigrast
á ótrúlegustu harðræðum. Það var
þeirra verk að kynna Evrópumönnum
þennan hluta Afríku, sem svo lengi
hafði verið óþekktur heimur, leggja
undirstöðu að veldi Evrópumanna þar
og koma á tengslum Afríku og uin-
heimsins. Þeim sem fylgjast með dag-
legum fréttum frá hinum ungu ríkjum
á þessum slóðum, er þessi bók forvitni-
legur lestur og svo öllum þeim, sem
ánægju hafa af skemmtilegum og fróð-
legum mannraunasögum og afreka.
Ó. J.
36 FÉLAGSBRÉF