Félagsbréf - 01.03.1963, Síða 90

Erlendar bœkur
I þessari skrá eru taldar nokkrar nýlegar
erlendar bækur, að þessu sinni einungis
brezkar og bandarískar. Bækurnar eru flestar
í brezkum útgáfum. Skráin er byggð á um-
sögnum blaða og tímarita, auglýsingum o.s.frv.
Vladimir Nabokov: Pale Fire (Weiden-
feld & Nicolson, 21 sh) Ný saga eftir
höfund Lolitu, ólík öllum skáldsögum öðr-
um. Pale Fire er kviða í fjórum þáttum,
henni fylgja formáli, ýtarlegar athugasemdir
eða „skýringar“ og nafnaskrá, — og þetta
er sagan. Nabokov er rússneskur -að þjóð-
erni, bandarískur borgari (bókmennta- og
fiðrildafræðingur) og þykir með stílsnjöll-
ustu höfundum á enska tungu. Gagnrýnend-
um ber ekki saman hvort bók hans sé heldur
svindl eða snilld.
William Faulkner: The Reivers (Shatto &
Windus, 18 sh) Síðasta saga Faulkners og
óvenju aðgengilegt verk frá hans hendi,
gott til fyrstu kynna af list hans. Gerist á
öndverðri bílaöld í sveit Faulkners, lýsir
ævintýraför ellefu ára piltungs og fullorð-
ins negra frá Jefferson til Memphis í hinu
nýja og heillandi farartæki sem hefur báða
á valdi sinu.
James Jones: The Thin Red Line (Coll-
ins, 25 sh) Jones varð á sínum tíma víð-
frægur fyrir Frorn Here to Eternily sem
sumum fannst einhver bezt skáldsaga úr
seinni heimsstyrjöldinni þótt þar sé reyndar
einungis sagt af upphafi stríðsins. Hér
skrifar hann stríðssögu enn, hún segir af
orrustunni um Guadalcanal 1943. Bandarísk-
ir gagnrýnendur hafa tekið bókinni með
kostum og kynjum, en brezkir eru töluvert
dræmari.
J. D. Salinger: Raise High the Rooj Beanis,
Carpenters (Little, Brown, $ 4) Salinger
hefur lengi unnið að sagnabálki um Glass-
fjölskylduna, og eru þær fyrstu í smásagna-
safni hans Nine Stories. I fyrra komu tvær
langar sögur í Franny and Zooey (Heinemann,
16 sh) og nú bætast tvær nýjar í flokkinn.
Síðan Salinger gaf út fyrstu (og einu) skáld-
sögu sína The Catcher in the Rye hefur
hann verið í hópi víðlesnustu bandarískra
höfunda af yngri kynslóð.
Malcolm Lowry: Under the Volcano
(Penguin, 5 sh) Lowry var brezk-amerískur
höfundur, látinn fyrir nokkrum árum og
naut ekki mikils gengis meðan hann lifði.
Under the Volcano er langhelzta verk hans,
byggt á ævi sjálfs hans og var mörg ár í
smíðum. Það kom fyrst út skömmu eftir
strið og hlaut þá skjóta en skammvinna
tízkufrægð. Á siðustu árum hefur bókin
unnið sér veg á nýjan leik og er hér komin
í hinum vinsæla og ódýra Penguin-flokki.
Klassískt verk, segja margir gagnrýnendur.
Iris Murdoch: An Unofficial Rose (Chatto,
18 sh) Murdoch kennir heimspeki i Oxford,
skáldsögur hennar hafa vakið mikla athygli
á síðustu árum, þ. á. m. A Severed Head,
54 FÉLAGSBRÉF