Fréttablaðið - 25.11.2016, Síða 6

sjávarútvegur Tillaga Íslands um
að stöðva veiðar á úthafskarfa á
Reykjaneshrygg árin 2017 og 2018
var felld á ársfundi Norðaustur-
Atlantshafsfiskveiðiráðsins (NEAFC)
í síðustu viku.
Í tilkynningu frá atvinnu- og
nýsköpunarráðuneytinu segir að
þessi niðurstaða fundarins sé mikil
vonbrigði fyrir Ísland. Þess í stað var
samþykkt tillaga um 7.500 tonna
heildarveiði 2017. Kom einnig fram
á fundinum að Rússar munu setja
sér einhliða kvóta upp á 25 þúsund
tonn, þannig að heildarveiðin getur
orðið um 30 þúsund tonn. Ráðið fer
með stjórn fiskveiða utan lögsagna
einstakra ríkja á Norðaustur-Atlants-
hafi. Aðild að því eiga Danmörk (f.h.
Færeyja og Grænlands), Evrópusam-
bandið, Ísland, Noregur og Rússland.
„Um er að ræða tvo sérstaka
karfastofna, sem báðir hafa verið
ofveiddir um árabil og eru í útrým-
ingarhættu ef ekkert er að gert,“ segir
í tilkynningu ráðuneytisins.
Rússland viðurkennir ekki stofn-
mat ICES fyrir karfa við Reykjanes-
hrygg og setur sér einhliða kvóta sem
á þessu ári er því nær þrefalt meiri
en ráðlögð heildarveiði. Evrópu-
sambandið og Danmörk hafa síðan
talið óásættanlegt að Rússar sætu
einir að veiðunum og lagt fram til-
lögu um takmarkaðar veiðar. Ísland
hefur lagt til stöðvun veiðanna, eins
og áður sagði.
Alþjóðlegir rannsóknaleiðangrar
gefa til kynna að stofnstærð efri
stofns úthafskarfa hafi minnkað úr
2,2 milljónum tonna árið 1994 í um
91 þúsund tonn árið 2013. Ekki var
farinn leiðangur árið 2015 eins og
áætlanir gerðu ráð fyrir vegna þess
að Rússar drógu sig út mánuði áður
en hann hófst. Næsti leiðangur er
áætlaður í júní/júlí 2018. Mat neðri
stofns úthafskarfa í alþjóðlegum
karfaleiðangri árið 2015 er það
lægsta síðan mælingar hófust árið
1999. – shá
Tillaga Íslands um veiðibann á karfa felld á fundi fiskveiðiráðsins
Afli úthafskarfa er ekki svipur hjá sjón miðað sem var um árabil – ofveiði er stað-
reynd. FréttAblAðið/SteFán
„Þetta er bók um það hvernig þú bregst við lífinu …
Funheitur höfundur hún Álfrún. Það er nautn að lesa
þessa bók alveg út í gegn.“
EIRÍKUR GUÐMUNDSSON / KILJAN

„Rosalega þétt ... mjög lærður höfundur ... Sterkt verk.“
EGILL HELGASON / KILJAN

„Hér er ekki verið að teygja lopann, heldur kemur
höfundur sér beint að efninu og vandar afar vel til verka.“
VERA KNÚTSDÓTTIR / VÍÐSJÁ
www.forlagid.is | Bókabúð Forlagsins | Fiskislóð 39
sveitarfélög „Fjárhagsáætlun
Kópavogs fyrir árið 2017 er unnin
í samvinnu allra bæjarfulltrúa.
Þetta verklag endurspeglar þann
skilning á fjármálum bæjarins
að allir kjörnir fulltrúar beri þar
ábyrgð,“ segir í tilkynningu frá
Kópavogsbæ.
„Þrátt fyrir þessa niðurstöðu
hafa flokkarnir fimm ólíkar
áherslur og áætlunin breytir ekki
þeirri staðreynd. Hagsmunir
bæjarbúa eru að allir þeir full-
trúar sem þeir kusu komi að þess-
ari vinnu,“ segir áfram í tilkynn-
ingunni.
„Samkvæmt áætluninni mun
skuldahlutfall bæjarins lækka
umtalsvert og hraðar en aðlög-
unaráætlun gerði ráð fyrir. Það
verður komið niður í um 140 pró-
sent í árslok 2017 og því komið vel
undir hið lögboðna 150 prósent
hlutfall.“ – gar
Samstaða um
fjárhagsáætlun
sPáNN Yfirvöld í Barcelona krefjast
600 þúsunda evra, sem samsvarar
um 72 milljónum íslenskra króna,
af leigumiðlunarsíðunum Airbnb
og Homeaway fyrir að hafa miðlað
húsnæði án leyfis.
Samkvæmt lögum í Katalóníu frá
2012 verður að fá leyfi til að leigja
út íbúðir til ferðamanna og þær
þarf að skrá. Leigumiðlunarsíð-
urnar voru einnig sektaðar í fyrra
en upphæðin í ár er talsvert hærri,
að því er segir á vef sænska blaðsins
Dagens Nyheter. – ibs
Börsungar sekta
leigumiðlanir
ármann Kr. Ólafs-
son, bæjarstjóri
Kópavogs.
sakamál „Við gerðum ráð fyrir að
það yrði sakfellt í þessu máli,“ segir
Ólafur Þór Hauksson héraðssak-
sóknari en hann segir of snemmt að
segja til um hvort dóminum verði
áfrýjað til Hæstaréttar.
Héraðsdómur dæmdi í gær Lárus
Welding, fyrrverandi forstjóra
Glitnis, í eins árs fangelsi, og Magn-
ús Arnar Arngrímsson, fyrrverandi
framkvæmdastjóra fyrirtækjasviðs
Glitnis, í tveggja ára fangelsi, fyrir
aðkomu þeirra að Aurum-málinu.
Bjarni Jóhannesson, fyrrverandi
viðskiptastjóri bankans, og Jón
Ásgeir Jóhannesson, fyrrverandi
aðaleigandi Glitnis, voru sýknaðir
í málinu.
Lárus og Magnús voru ákærðir
fyrir umboðssvik en Jón Ásgeir og
Bjarni fyrir hlutdeild í umboðs-
svikunum. Málið snerist um sex
milljarða króna lánveitingu Glitnis
til félagsins FS38, sem var í eigu
Pálma Haraldssonar. Lánið var veitt
FS38 í júlí 2008 til þess að fjármagna
kaup á 25,7 prósenta hlut í Aurum
Holding Limited, af Fons hf. sem er
einnig í eigu Pálma.
Hluta lánsins, einum milljarði
króna, var ráðstafað inn á persónu-
legan bankareikning Jóns Ásgeirs.
Féð nýtti Jón Ásgeir meðal annars
til þess að greiða niður 705 millj-
óna króna yfirdráttarheimild sína
hjá Glitni. Héraðssaksóknari taldi
að þar með hefði Jón Ásgeir fengið
hlut í ávinningi af brotinu og notið
hagnaðarins.
Þetta er í annað sinn sem kveð-
inn er upp héraðsdómur í Aurum-
málinu. Í fyrri dóminum voru allir
sakborningar sýknaðir en hann var
ómerktur þegar í ljós kom að einn
meðdómari málsins hafði verið van-
hæfur til að fjalla um málið. Sverrir
Ólafsson var fundinn vanhæfur
þegar bent var á tengsl hans og
Ólafs Ólafssonar sem dæmdur var
í fjögurra og hálfs árs fangelsi fyrir
sinn þátt í Al-Thani-málinu. Sverrir
og Ólafur eru bræður.
„Ég er ánægður fyrir hönd Bjarna
og ég ætla að gera mér vonir um að nú
eftir átta ár séu þessu máli lokið hvað
hann varðar. Það hafa komið að þessu
máli sex dómarar og þeir hafa allir
sýknað hann,“ segir Helgi Sigurðsson,
verjandi Bjarna Jóhannessonar.
Gestur Jónsson, verjandi Jóns
Ásgeirs, segist vera ánægður með
sýknudóm Jóns Ásgeirs en hann er
undrandi á sakfellingu Lárusar og
Magnúsar.
„Það er löngu ljóst, að sá tími er
orðinn löngu óhóflegur sem Jón
Ásgeir hefur þurft að standa frammi
fyrir dómurum þessa lands,“ segir
Gestur. Hann segir jafnframt
að málsmeðferðin hafi ekki verið
lögum samkvæmt og að gögnum
hafi verið haldið frá í málinu. Hann
muni fara með það mál lengra.
Ólafur Þór héraðssaksóknari segir
að tekið hafi verið á öllum þessum
atriðum í málflutningi og þessum
ásökunum  hafi verið  mótmælt af
ákæruvaldinu.
Enginn sakborninganna var við-
staddur dómsuppkvaðninguna í
dag. Lárus afplánar fimm ára fang-
elsisvist vegna Stímsmálsins og
Magnús Arnar tveggja ára fangelsi
vegna BK-44 málsins, en þeir hlutu
þá dóma í desember í fyrra. Refs-
ingar þeirra vegna Aurum-málsins
koma sem hegningarauki við fyrr-
greinda dóma.
thorgeirh@frettabladid.is
Lárus og Magnús sakfelldir en
Jón Ásgeir og Bjarni sýknaðir
Aurum-málið var til lykta leitt í héraðsdómi í gær. Málið snerist um umboðssvik sem fólust í sex milljarða
lánveitingu. Lárus Welding hlaut eins árs fangelsisdóm en Magnús Arnar Arngrímsson tveggja ára dóm.
Fjórmenningarnir voru allir sýknaðir í fyrstu meðferð héraðsdóms en sá dómur var
ómerktur af Hæstarétti þegar í ljós kom að einn dómaranna var vanhæfur.
FréttAblAðið/GVA
Það er löngu ljóst,
að sá tími er orðinn
löngu óhóflegur sem Jón
Ásgeir hefur þurft að standa
frammi fyrir
dómurum
þessa lands.
Gestur Jónsson,
verjandi Jóns Ásgeirs
2 5 . N ó v e m b e r 2 0 1 6 f ö s t u D a g u r4 f r é t t i r ∙ f r é t t a b l a ð i ð
2
5
-1
1
-2
0
1
6

0
4
:2
5
F
B
1
0
4
s
_
P
0
9
9
K
.p
1
.p
d
f
F
B
1
0
4
s
_
P
0
9
4
K
.p
1
.p
d
f
F
B
1
0
4
s
_
P
0
0
6
K
.p
1
.p
d
f
F
B
1
0
4
s
_
P
0
1
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
B
6
C
-E
A
E
C
1
B
6
C
-E
9
B
0
1
B
6
C
-E
8
7
4
1
B
6
C
-E
7
3
8
2
7
5
X
4
0
0
.0
0
1
5
B

F
B
1
0
4
s
_
2
4
_
1
1
_
2
0
1
C
M
Y
K