Fréttablaðið - 25.11.2016, Qupperneq 44

2 5 . N Ó V E M B E R 2 0 1 6 F Ö S T U D A G U R42 S P O R T ∙ F R É T T A B L A Ð I Ð
HANDBOLTI Þjálfarinn farsæli Dagur
Sigurðsson skrifaði undir mjög sér-
stakan samning í gær. Þá samdi hann
við japanska handknattleikssam-
bandið fram yfir Ólympíuleikana
árið 2024. Það er samningur upp á
sjö og hálft ár.
Dagur mun yfirgefa þýska hand-
knattleikslandsliðið eftir HM í janúar
og hefur störf sem þjálfari japanska
landsliðsins í febrúar. Hann mun
þess utan sjá um alla uppbyggingu á
handboltanum í Japan.
Í sambandi við Japan í tíu ár
„Þetta er búið að eiga sér langan
aðdraganda. Það eru tíu ár síðan
ég fór vera í stöðugu sambandi við
japanska sambandið og hef verið að
aðstoða þá með þjálfara og leikmenn
hér í Þýskalandi. Hef tekið leikmann
hingað í eitt til tvö ár. Nú hef ég verið
með japanskan þjálfara í Berlín sem
hefur horft yfir öxlina á mér í tvö ár.
Ég hef flogið til Japans einu sinni á
ári og haldið fyrirlestur þar,“ segir
Dagur um tengsl sín við japanska
sambandið.
Viðræður á milli hans og japanska
sambandsins hófust síðan eftir
Ólympíuleikana í Ríó. Dagur var
með klásúlu í samningi sínum um
að hann mætti fara frá þýska sam-
bandinu fyrir smá skaðabætur á
þessum tímapunkti og þá klásúlu
nýtti hann sér.
„Þetta er svolítið annað en að taka
við þýska landsliðinu. Í Japan er ég
líka að sjá um ráðgjöf, vera með fyrir-
lestra og hjálpa liðunum í deildinni.
Ég mun koma með Sideline-leik-
greiningarforritið til þeirra þannig
að allir leikir verða greindir. Aðal-
atriðið er síðan að ég verð með liðið
fram yfir tvenna Ólympíuleika,“ segir
Dagur en Japan heldur Ólympíuleik-
ana árið 2020 og Dagur segir að það
taki lengri tíma að búa til gott lið.
„Þetta er langtímaverkefni. Ég geri
mér grein fyrir því að ég er ekki að
fara að búa til eitthvert ofurlið þarna
fyrir 2020. Það er of skammur tími.
Ég var til í að skoða þetta ef þeir vildu
horfa á að lyfta boltanum upp í heild
sinni í landinu. Ég mun nánast koma
að öllu þarna.“
Verður ótrúlega spennandi
Handboltinn er ekki hátt skrifaður
í Japan. Er enn jaðarsport þar en
japanska handknattleikssambandið
á sér framtíðarsýn og hefur skilning
á því að það muni taka tíma að gera
handboltann vinsælan, og öflugan,
í landinu.
„Það er verið að horfa á svo
margt. Meðal annars markaðs-
setninguna á boltanum. Ég
þekki vel til þannig að ég
veit að ég get hjálpað til
með marga hluti. Þetta
verður ótrúlega spenn-
andi. Þeir sáu að þeir
gátu fengið eftir-
sóttan þjálfara sem
hefur líka þekk-
ingu á japanska
boltanum. Það
eru verðmæti í því
fyrir þá að fá mig
því aðrir þjálfarar
væru kannski í eitt til
tvö ár að koma sér inn
í hlutina þarna.“
Skynsamleg og yfir-
veguð ákvörðun
Það vakti mikla athygli
um aldamótin er Dagur
tók upp á því, á hátindi
ferilsins, að fara til Wak-
unaga Hiroshima í Japan
og gerast spilandi þjálf-
ari þar. Því starfi sinnti
Dagur í þrjú ár en sú
ákvörðun er enn að
gefa af sér í dag.
Sumum finnst þetta eflaust
vera skrítin ákvörðun
Dagur Sigurðsson er á leið í annað Japansævintýri á nýju ári, þrettán árum eftir að hann yfirgaf landið á sín-
um tíma. Hann yfirgefur eitt besta landslið heims og afþakkaði tilboð frá ríkasta félagi heims til þess að stýra
uppbyggingu handboltans í Japan næstu árin. Samningur Dags nær fram yfir næstu tvenna Ólympíuleika.
Fagnaði oft með Þjóðverjum. Dagur fagnar hér í leik með þýska landsliðinu á ÓL í Ríó. Eftir leikana fór hann að ræða við japanska sambandið. FRÉTTABLAÐIÐ/GETTY
Engir peningar að flækjast fyrir ákvörðuninni
Árangur Dags með þýska landsliðið
hefur gert hann að einum eftirsótt-
asta þjálfara heims og var hermt í
erlendum fjölmiðlum að bæði PSG
og Veszprém vildu fá hann til sín.
Einnig var sagt að japanska sam-
bandið væri að bjóða Degi miklu
betri samning en hann er
með hjá Þjóðverjunum.
Þjálfarinn segir að þær
fréttir séu ekki alveg
réttar.
„Ég get alveg sagt
það með góðri sam-
visku að peningarnir voru nokkuð
jafnir hjá öllum sem voru að falast
eftir minni þjónustu. Það var því
auðvelt að taka ákvörðun því það
voru engir peningar að flækjast
fyrir. Þetta var allt mjög svipað hjá
öllum,“ segir Dagur en hann vill ekki
staðfesta hvaða félög hafi boðið
honum samning.
„Þetta voru ekki mörg félög en
ég ætla ekkert að tjá mig um nein
félög. Það eru þjálfarar hjá þeim
liðum og ekki skemmtilegt að vera
að trufla þeirra störf.“
„Það er alveg hægt að segja það.
Sumum finnst þetta eflaust vera
skrítin ákvörðun hjá mér en fyrir
mér er þetta mjög svo skynsamleg og
yfirveguð ákvörðun. Við stefnum á að
fjölskyldan flytji heim næsta sumar
og ég flýg svo á milli Íslands og Japans.
Ég veit ekki alveg hvað ég verð mikið í
Asíu en ætli ég eyði ekki helmingnum
af hverju ári í Japan,“ segir Dagur og
bætir við að þessi langtímasamn-
ingur sé stór ástæða fyrir því að hann
ákvað að stökkva á tilboðið.
Allir að hneigja sig og beygja
Er Dagur tók við þýska lands-
liðinu á sínum tíma var
stefnan sett á að toppa á ÓL í
Japan árið 2020. Nú verður
hann með annað landslið
á þeim leikum. Það gekk
mun hraðar hjá honum að
búa til alvöru lið hjá Þýska-
landi en búist var við og gerði Dagur
þýska liðið að Evrópumeisturum í
upphafi ársins. Þó svo það hafi gengið
vel með liðið reyndist Degi það ekki
erfitt að ganga frá borði.
„Ákvörðunin sem slík var ekki
erfið af því að ég er að fá starf í hend-
urnar sem ég get stillt upp eins og
ég vil hafa það. Það verður samt
erfitt að skilja við liðið. Það er annar
hlutur finnst mér. Það er svolítið erf-
itt að vera búinn að móta lið í þessu
stóra handboltalandi og allir farnir
að hneigja sig og beygja fyrir mér.
Það er hægt að byggja mikið ofan á
þetta lið og næstu árin hefðu getað
orðið skemmtileg. Væntanlega með
fleiri titlum og stuði,“ segir Dagur
sem getur þó svo sannarlega gengið
stoltur frá borði.
„Áður en ég kom til þýska sam-
bandsins var búið að gefa það út að
stefna á sigur á Ólympíuleikunum
árið 2020. Ég var sammála þeirri
stefnu að byggja til langs tíma. Svo
gekk þetta hraðar en það breytti því
ekki að þessi klásúla var í mínum
samningi. Öryggisventill fyrir báða
aðila.“
Gummi tróð ullarsokk í Dani
Dagur sagði frá því í viðtali við
íþróttadeild á dögunum að það hefði
ekki bara verið dans á rósum að þjálfa
þýska landsliðið. Það væru á stundum
átök í bakherbergjum. Var umhverfið
ein ástæða þess að hann ákveður að
stökkva annað?
„Nei, það spilaði nú ekki inn í. Það
mátti reikna með slíku er ég kem inn
í svona stórt batterí. Við sjáum nú
hvernig hlutirnir voru hjá Gumma.
Það eru alltaf átök en minna þegar vel
gengur. Það var búið að ganga betur
okkar megin framan af ári en svo náði
Gummi að setja ullarsokkinn upp í þá
sem var auðvitað stórkostlegt. Svona
átök fylgja svona starfi og ef maður
vill breyta einhverju hjá stóru og
þungu sambandi.“
Langar að búa heima
Sá kostur að geta flutt fjölskylduna
heim til Íslands var ein af ástæðunum
fyrir því að Dagur tók tilboði Japana.
Hefði hann verið áfram í Þýskalandi
þá hefði fjölskyldan líka verið áfram
þar í landi.
„Við erum búin að búa úti í 20 ár og
okkur langar að búa heima á Íslandi.
Núna næ ég að stilla hlutunum upp
eins og ég vil hafa þá. Það er mjög
stórt að geta komið heim með fjöl-
skylduna og svo er samningslengdin
líka ákveðinn öryggisventill fyrir
okkur. Svo erum við hrifin af Japan
og við hlökkum til að geta hoppað á
milli Reykjavíkur og Tókýó.“
Dagur Sigurðsson
Fæddur: 3. apríl 1973
Leikmannsferill:
Uppeldisfélag: Valur
1996-2000: Wuppertal
2000-2003: Wakunaga Hiroshima
2003-2007: Bregenz
Þjálfaraferill:
2000-2003: Wakunaga (spilandi
þjálfari)
2003-2007: Bregenz (spilandi þjálfari)
2008-2010: Austurríska landsliðið
2009-2015: Füchse Berlin
2014-2017: Þýska landsliðið
Það er svolítið erfitt
að vera búinn að
móta lið í þessu stóra hand-
boltalandi og allir farnir að
hneigja sig og beygja fyrir
mér. Næstu árin hefðu getað
orðið skemmtileg. Væntan-
lega með fleiri titlum og
stuði.
Dagur Sigurðsson
SPORT
Henry Birgir
Gunnarsson
henry@frettabladid.is
2
5
-1
1
-2
0
1
6

0
4
:2
5
F
B
1
0
4
s
_
P
0
6
1
K
.p
1
.p
d
f
F
B
1
0
4
s
_
P
0
4
4
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
B
6
D
-1
C
4
C
1
B
6
D
-1
B
1
0
1
B
6
D
-1
9
D
4
1
B
6
D
-1
8
9
8
2
7
5
X
4
0
0
.0
0
1
2
B

F
B
1
0
4
s
_
2
4
_
1
1
_
2
0
1
C
M
Y
K