Víkurfréttir - 07.02.1985, Blaðsíða 1
Sjóefnavinnslan hf.:
Dauðadómur fallinn
Botnlausar skuldir, segir iðnaðarráðherra, - en hvað með
eignir og aðra þá möguleika sem lágu fyrir?
Segja má að dauðadóm-
ur sé fallinn yfir framtið Sjó-
efnavinnslunnar hf. á
Reykjanesi, en sl. laugar-
dag ákvað Sverrir Her-
mannsson að iðnaðarráðu-
neytið hættl aliri frekari
þátttöku i tilraunavinnslu á
salti i Sjóefnavinnslunnl.
Hefur þegar verið varið fast
að 400 milljónum króna á
núverandi verðlagi til upp-
byggingar verksmiðjunnar,
aðallega með erlendum lán-
um. Skuldir verksmiðjunnar
hjá ríkisábyrgðarsjóði
námu 270 milljónum króna
nú um áramótin.
Eins og kunnugt er af
fréttum hér í blaðinu á Sjó-
efnavinnslan yfir að ráða
einni af kraftmestu bor-
holum landsins og hefur
ráðherra látið hafa eftir sér
að hann vildi gefa fiskrækt-
armönnum kost á að nýta
holuna gegn vægu verði.
Talið er að nú þurfi 40
milljónir króna til að klára
framkvæmdir þær við verk-
smiðjuna sem eftir eru, til
að hún geti framleitt 8 þús.
tonn á ári af salti. Er taliðað
tap af þessari framleiðslu
yrði um 2-3 milljónir króna
á ári miðað við 8 þús. tonna
framleiðslu, og því talið ó-
hugsandi að fjármagns-
kostnaður vegna þeirra 40
milljóna sem leggja þarf í
verksmiðjuna til viðbótar til
að Ijúka henni upp í þessa
stærð, gæti nokkurn tíma
skilað sér til baka, að áliti
ráðherra.
í dag framleiðir verk-
smiðjan um 2000 tonn á ári,
eöa 6-7 tonn á dag, og er
tap á henni miðað við þenn-
an takmarkaða rekstur um
10 milljónir króna áári. Hef-
ur stjórn verksmiðjunnar
unnið að því að undanförnu
að yfirfara margumrædda
skýrslu Iðntæknistofnunar
frá því i haust. Hafa stjórn-
armenn verið sammála
starfsmönnum IT(, að ekki
komi til greina að stækka
verksmiðjuna upp í fulla
stærð, eða 40 þús. tonn,
eins og upphaflegar hug-
myndir voru um.
Þessi ákvörðun ráðherra
veldur hins vegar ýmsum
spurningum hjá þeim mikla
fjölda Suðurnesjamanna,
sem lögðu hlutafé í verk-
smiðjuna í upphafi. Sumum
þeirra spurninga verður
aldrei svarað, um aðrar
verður eflaust fjailað nánar
hér í blaðinu.
Hitt má ráðherra líka vita,
að þó hann hafi valdið varð-
andi framtið verksmiðjunn-
ar, þá hefur hann engan
yfirráðarétt yfir borholunni,
orkunýtingu né ferskvatns-
forða þarna á Reykjanesi,
og hætt er viö að sveitarfé-
lögin hugsi ekki vel til hans
eftir aðgerðirnar gagnvart
Sjóefnavinnslunni, því að í
upptalningunni um slæman
hag gleymir hann verðmæti
þeirra eigna sem byggðar
hafa verið á svæðinu svo og
þeim möguleikum sem lágu
fyrir um nýtingu þeirra. Og
hvað með þann árangur
sem fengist hefur út úr síld-
arsöltun og fleiri tilfellum,
þar sem Reykjanessalt var
notað? Eru það ekki líka
verðmæti sem taka mátti í
reikninginn?
Virðist þvi koma í Ijós
betur og betur, eftir því sem
meira er kafað ofan í mál-
efni Sjóefnavinnslunnar, að
þarna hafi ráðherra veriðað
sýna einhvern embættis-
hroka fremur en að hann
væri að taka skynsama
ákvörðun. En meira um það
siðar. - epj.
Heiði i Höfnum stór-
skemmdist í eldi
Kl. rúmlega 14 sl. sunnu-
dag var slökkvilið Bruna-
varna Suðurnesja kvatt út
að Bílapartasölunni Heiði
við Hafnaveg. Er liðið kom á
vettvang var aðalbyggingin
á staðnum alelda, en hús
þetta var lagerhús og af-
greiðsla bílapartasölunnar.
Lauk slökkvistarfi á
fimmta tímanum, en þrátt
fyrir að húsið standi enn
uppi er Ijóst að tjón varð
varð mikiö á húsi og því sem
var innanstokks. Hafði
slökkviliðið vakt við húsið
fram eftir degi.
Okunnugt er um elds-
upptök, en enginn hafði
verið í húsinu frá þvi kvöld-
ið áður. Ekkert rafmagn var
á staðnum, en húsið var
kynt upp með steinolíuofn-
um og var logandi í einum
ofni er húsið var yfirgefið
kvöldið áður. - epj.
Mikill eldur var i húsinu þegar hjálpiri barst.
Baðhúsið í
biðstöðu
Að sögn Ingólfs Aðal-
steinssonar hjá Hitaveitu
Suðurnesja, eru málefni
væntanlegs baðhúss við
Bláa lónið í biðstöðu. Er
verið að rey na að finna sam-
starfsaðila að bygginga-
framkvæmdunum. Hafa
margir sýnt áhuga þó engar
niðurstöður hafi enn feng-
ist. - epj.
Innbrotstilraun
í Ölduna
Aðfaranótt laugardags
var brotin rúða i versluninni
öldunni í Sandgerði. Ekki
var að merkja að farið hefði
verið inn í verslunina, því
fyrir innan var allt óhreyft.
Töluvert var um ölvun í
síðustu viku. Voru 6 öku-
menn teknir grunaðir um
ölvun við akstur, af lögregl-
unni í Keflavík. - pket.