Morgunblaðið - 16.10.2015, Síða 12

12 FRÉTTIRInnlent
MORGUNBLAÐIÐ FÖSTUDAGUR 16. OKTÓBER 2015
YOUR TIME IS NOW.
MAKE A STATEMENT WITH EVERY SECOND.
Pontos Day/Date
Sígild en engu að síður nútímaleg
hönnun sem sýnir það allra nauðsynlegasta.
Áreiðanlegt sjálfvindu úrverk sem sýnir
vikudaga og dagsetningu. Einfalt
og stílhreint úr sem sendir skýr skilaboð.
jonogoskar.is Sími 5524910 Laugavegi 6 1 Kringlan Smáralind
Pétur K. Maack, fyrr-
verandi flugmálastjóri
og framkvæmdastjóri
flugöryggissviðs Flug-
málastjórnar, lést 14.
október síðastliðinn, 69
ára að aldri.
Pétur fæddist í
Reykjavík 1. janúar
1946. Foreldrar hans
voru Karl Maack hús-
gagnasmíðameistari og
Þóra Maack húsmóðir.
Pétur ólst upp í
Reykjavík og gekk í
Menntaskólann í
Reykjavík. Hann lauk
fyrrihlutaprófi í verkfræði frá HÍ árið
1986 en gekk svo í Danmarks tekn-
iske Højskole í Danmörku og lauk
þaðan meistaraprófi í vélaverkfræði
og doktorsprófi í rekstrarverkfræði
árið 1975. Hann var dósent við Há-
skóla Íslands á árunum 1975-1986 og
sinnti prófessorsstöðu við sama skóla
til 1997.
Pétur tók í framhaldinu við starfi
framkvæmdastjóra flugöryggissviðs
hjá Flugmálastjórn Ís-
lands og starfaði þar í
um áratug eða til ársins
2007. Síðustu ár starfs-
ævi sinnar gegndi hann
embætti flugmálastjóra,
eða frá 1. janúar árið
2007 til 1. júlí árið 2014.
Pétur var sæmdur
heiðursmerki Verk-
fræðingafélags Íslands
árið 2000, sem m.a. er
veitt fyrir vel unnin
störf á sviði verkfræði
og vísinda. Þá var hann
einnig meðal fyrstu
heiðursfélaga í Gæða-
stjórnunarfélagi Íslands árið 1999.
Eftirlifandi eiginkona Péturs er
Sóley Ingólfsdóttir, leikskóla- og sér-
kennari. Þau eiga þrjú uppkomin
börn; Valgerði Maack, f. 1973, And-
reu Maack, f. 1977, og Heiðrúnu
Maack, f. 1982. Þá eiga þau sex
barnabörn.
Útför Péturs fer fram frá Nes-
kirkju fimmtudaginn 22. október kl.
13.
Andlát
Pétur K. Maack
BAKSVIÐ
Viðar Guðjónsson
vidar@mbl.is
Grétar Jónasson, framkvæmdastjóri
Félags fasteignasala, fagnar nýrri
löggjöf þar sem settar eru stífari
reglur um heimild til sölu fasteigna
og skipa. Framkvæmdastjórar
tveggja fasteignasala telja hana hins
vegar íþyngjandi og að hún tryggi
ekki betri þjónustu við fólk í fast-
eignaviðskiptum. Þá telja þeir að
þetta muni leiða til þess að þóknun
fyrir þjónustu muni hækka í verði.
Með lögunum er sú grundvallar-
breyting gerð að einungis löggiltir
fasteignasalar hafi heimild að sinna
öllum helstu störfum er varða milli-
göngu um fasteignaviðskipti. Áður
höfðu sölufullrúar nánast óheft frelsi
til að sinna starfinu.
Alvarlegur misbrestur
Grétar segir að sölumenn hafi í
mörgum tilfellum veitt ráðgjöf og séð
um skjalagerð sem leitt hafi til mis-
taka. „Hver og ein fasteignasala verð-
ur bara að aðlaga sig að þessum
reglum. Það hefur verið alvarlegur
misbrestur undanfarin ár. Sölumenn
hafa gengið allt of langt fram í sínum
störfum og fasteignasalar hafa fengið
áminningar vegna þess,“ segir Grét-
ar. Hann bendir á að fyrir liggi úr-
skurðir stjórnvalda og eftirlitsaðila
sem sýni að brögð hafi verið að því að
framkvæmd sölumanna í fasteigna-
viðskiptum hafi verið andstæð lögum.
Fram kom í máli þingmannanna
Össurar Skarphéðinssonar og Brynj-
ars Níelssonar á Alþingi í vikunni að
þeir teldu löggjafann hafa seilst held-
ur langt í málinu og sett stífari reglur
en nauðsyn krefði. Grétar er ósam-
mála því.
„Fólk er þarna með aleiguna undir,
og það þurfa að vera strangar reglur.
Núna steig löggjafinn það skref að
mæla með skýrum hætti fyrir um það
hvaða störfum neytendur eiga að
geta treyst fasteignasölum fyrir.
Löggjafinn byggði það á úrskurðum
og öðru sem fallið hefur undanfarin
ár. Því kemur þetta alls ekki eins og
þruma úr heiðskíru lofti,“ segir Grét-
ar.
Spurður um áhrif á fasteignasölur,
þá telur hann þetta hafa ýtt við mörg-
um að sækja nám til löggildingar.
Námið tekur tvö ár og kostar um 800
þúsund kr. Að sögn byrjuðu 100
manns í námi til löggildingar nú í
haust samanborið við 30-40 manns
síðustu ár. „Þetta er erfitt nám og
fólk getur eflaust ekki verið í fullri
vinnu með því,“ segir Grétar en bætir
því við að Félag fasteignasala telji
eðlilegt að reglugerðin myndi skapa
þeim sem eru í námi svigrúm til
starfa. Hann segir dæmi um að á fast-
eignasölum séu 1-2 löggiltir fast-
eignasalar og 20-30 sölumenn. Þetta
telur hann vera ótækt. „Á undanförn-
um árum hafa fasteignasölurnar ver-
ið með um 30% af löggiltum fast-
eignasölum og 70% af sölufulltrúm,“
segir Grétar.
Lykti af hagsmunagæslu
Víðir Arnar Kristjánsson, fram-
kvæmdastjóri fasteignasölunnar,
Domusnova, segir að hann beri þá
von í brjósti að reglur verði liðkaðar
með þeim hætti að þeir sem eru í
námi til löggildingar geti sinnt störf-
um samhliða því. ,,Þetta mun hafa
gríðarleg áhrif á starfsemina. Við er-
um með fólk hjá okkur sem unnið hef-
ur í þessu til fjölda ára og er gáttað á
því að hægt sé að svipta það starfinu í
einni andrá,“ segir Víðir.
Hann segir að hingað til hafi hann
litið á sölu og skjalagerð sem tvö ólík
verkefni. ,,Það er eitt að selja fasteign
og markaðssetja sig sem sölumann
og annað að sjá um skjalagerð. Það er
ekkert mál að hafa þetta í þeim horf-
um. Aukinheldur hefðum við viljað
sjá sérstakt nám fyrir sölumenn, þar
sem þeir geta sótt t.a.m. sex mánaða
námskeið,“ segir Víðir.
Hann segir að vissulega hafi sumir
fasteignasalar og sölumenn ekki gott
orðspor og hann efast ekki um að
gæði þjónustunnar muni aukast,
„Þetta mun eflaust auka kostnað fyr-
ir neytendur. Námið er dýrt og því
verður velt yfir á neytendur. Manni
þykir þetta lykta af hagsmunagæslu
sérstakra hagsmunaaðila,“ segir
Víðir.
Ástþór Reynir Guðmundsson,
framkvæmdastjóri hjá Remax, segir
að tveir séu hættir vegna laganna, en
sex hafi farið í löggildingarnám en á
Remax starfar á þriðja tug starfs-
manna skv. heimasíðu fyrirtækisins.
Hann telur einnig að þóknanir hækki
en efast einnig um að þjónustan
batni. „Mér finnst hugsunin á bakvið
lögin fín en það þarf aðlögunartíma
fyrir þá sem eru í námi,“ segir Ást-
þór.
Hann telur að lögin þyngi róður
fyrirtækja. „Það er ekkert sem segir
að löggiltir fasteignasalar séu betri
sölumenn en sölufulltrúar. Það hefur
sýnt sig í dómsmálum. Þar hafa
skaðabótamál yfirleitt snúið að fast-
eignasölum en ekki sölufulltrúum,“
segir Ástþór.
„Sölumenn hafa gengið allt of langt“
 Formaður Félags fasteignasala ósammála Össuri og Brynjari  Framkvæmdastjóri gáttaður á
að löggjafinn geti svipt menn starfi í einni andrá  Leiði til aukins kostnaðar fyrir viðskiptavini
Morgunblaðið/Ómar Óskarsson
Fasteignir Formaður félags fasteignasala telur ný lög um starfsemi fast-
eignasala skapa neytendum traustara umhverfi til fasteignaviðskipta.
Grétar
Jónasson
Víðir Arnar
Kristjánsson
Kærunefnd greiðsluaðlögunarmála
hafa borist alls 665 kærur frá því að
hún var sett á fót samkvæmt lögum
um greiðsluaðlögun sem tóku gildi í
ágúst árið 2010. Flestar kærur bár-
ust árið 2012, alls 245 talsins. Kær-
urnar voru 186 árið 2013, 121 í
fyrra, en aðeins 26 kærur hafa bor-
ist nefndinni á þessu ári, segir á
heimasíðu velferðarráðuneytis.
Auk þeirra 400 mála sem nefndin
hefur úrskurðað hefur 126 kærum
lokið með frávísun, framsendingu
erindis til annars stjórnvalds, aft-
urköllun, eða að kærendur hafa fall-
ið frá kæru. Af þeim 665 kærum sem
borist hafa nefndinni frá upphafi er
því búið að afgreiða 526 mál.
Til kærunefndar greiðsluaðlögun-
armála er unnt að kæra ákvarðanir
umboðsmanns skuldara og skipaðra
umsjónarmanna greiðsluaðlögunar-
umleitana sem teknar eru á grund-
velli laga um greiðsluaðlögun ein-
staklinga. Formaður kærunefndar-
innar er Sigríður Ingvarsdóttir,
fyrrverandi héraðsdómari.
Samkvæmt lögum um úrskurðar-
nefnd velferðarmála, verður kæru-
nefnd greiðsluaðlögunarmála sam-
einuð öðrum sjálfstæðum stjórn-
sýslunefndum á málefnasviði vel-
ferðarráðuneytisins í eina nefnd,
úrskurðarnefnd velferðarmála. Lög-
in taka gildi 1. janúar 2016 en kæru-
nefnd greiðsluaðlögunarmála mun
ljúka afgreiðslu erinda sem henni
bárust fyrir 1. janúar 2015.
665 kærur vegna greiðsluaðlögunar