Morgunblaðið - 28.11.2015, Qupperneq 16

16 FRÉTTIRInnlent
MORGUNBLAÐIÐ LAUGARDAGUR 28. NÓVEMBER 2015
Agnes Bragadóttir
agnes@mbl.is
Garðar Eiríksson, talsmaður Landeigendafélags Geysis,
kveðst ánægður með að ríkið vilji ræða við landeigendur
um möguleg kaup þess á eignarhluta landeigenda að
Geysis-svæðinu.
„Við gerðum ríkinu tillboð fyrir góðum mánuði, eins og
fram hefur komið. Við höfum alltaf viljað setjast niður með
þessum sameiganda okkar, ríkinu, sem er, eins og kunn-
ugt er, minnihlutaeigandi að þessu svæði. Við viljum finna
einhverja lausn til frambúðar, vegna þess að það gengur
einfaldlega ekki að hafa fyrirkomulagið á Geysis-svæðinu
með þeim hætti sem er þar nú. Við höfum rekist í þessu í
mörg ár, en alltaf mætt bæði seinlæti og tómlæti af hálfu
ríkisins,“ sagði Garðar í samtali við Morgunblaðið í gær.
Hann var spurður hvort ekki væri ástæða til bjartsýni,
fyrst ríkið hefði fallist á samningaviðræður: „Guð láti gott
á vita,“ sagði Garðar og sagði að landeigendur hefðu alltaf
verið tilbúnir til viðræðna.
Aðspurður hvaða verðhugmyndir landeigendur væru
með, sagði Garðar að þeir teldu það ekki vera í sína þágu
að gera þær hugmyndir opinberar. „Ég held að það væri
óábyrgt að vera að ræða slíkt, á þessu stigi málsins,“ sagði
Garðar.
Garðar segir að af heildarfjölda ferðamanna sem koma
til landsins, séu það á bilinu 70% til 72% ferðamanna sem
heimsækja Geysis-svæðis. Sá fjöldi haldist í hendur við
þann fjölda sem heimsækir Þingvelli. Áætla megi að gestir
svæðisins á þessu ári nálgist eina milljón.
Höfum mætt tómlæti frá ríkinu
Morgunblaðið/Eggert
Fjöldi Áætlað er að í ár heimsæki um það bil ein milljón
erlendra ferðamanna Geysis-svæðið, en þangað koma
70% til 72% allra erlendra ferðamanna.
 Um ein milljón skoðar
Geysi á þessu ári
Björn Jóhann Björnsson
bjb@mbl.is
„Ég tel engan vafa leika á því að
æskilegast væri að minnka umferð-
arhraðann á Hringbraut, Miklu-
braut og Sæbraut að hluta,“ segir
Hjálmar Sveinsson, formaður um-
hverfis- og skipu-
lagsráðs Reykja-
víkur, en ráðið
fjallaði í vikunni
um tillögu að
lækkun hámarks-
hraða á Miklu-
braut um Hlíðar,
úr 60 í 50 km/
klst. Eins og
fram kom í
blaðinu í gær var
tillögunni vísað
til starfshóps um umferðarhraða
vestan Kringlumýrarbrautar.
Að sögn Hjálmars á eftir að skipa
í starfshópinn og stendur til að gera
það á næsta fundi ráðsins. Í blaðinu
í gær gagnrýndi Ólafur Kr. Guð-
mundsson, varaformaður FÍB og
tæknistjóri EuroRAP á Íslandi,
þessa tillögu harðlega. Taldi hann
tillöguna enga lausn á umferðar-
þunganum um Miklubraut, mengun
myndi aukast en ekki minnka eins
og fram kæmi í tillögunni, en Ólafur
er jafnframt varamaður í umhverf-
is- og skipulagsráði fyrir Sjálfstæð-
isflokkinn. Ranghermt var í tilvís-
unarfrétt á forsíðu að búið væri að
samþykkja þessa tilllögu í ráðinu.
Hjálmar segir það útúrsnúning af
hálfu Ólafs að halda því fram að til-
lagan sé einhver allsherjarlausn.
Hún sé bara eitt lítið skref. Hann
segir starfshópinn m.a. koma til
með að skoða hvort ástæða sé til að
minnka umferðarhraðann, með
þeim rökum að vestur fyrir
Kringlumýrarbraut sé komið inn
inn á miðborgarsvæði.
„Slíkt hefur verið gert víða, eins í
Helsinki og Malmö og ýmsum borg-
um. Þar hefur hámarksumferðar-
hraði verið lækkaður niður í allt að
40 km/klst. á stórum miðborgar-
svæðum,“ segir Hjálmar og bendir
jafnframt á að íbúar í Hlíðunum hafi
gert kröfu um úrbætur í umferð-
armálum.
„Þeir hafa vakið athygli á óbæri-
legu ástandi í húsunum næst Miklu-
braut, út af mikilli og hraðri um-
ferð. Út frá því sjónarmiði er að
mínu mati full ástæða til að skoða
það alvarlega að minnka hraðann
þarna. Lengi vel var haft uppi slag-
orðið „hraðinn drepur“. Það hefur
komið í ljós að ef bíll á 50 kílómetra
hraða keyrir á gangandi vegfaranda
þá eru 80% líkur á að viðkomandi
látist. Ef bíllinn er á 30 kílómetra
hraða þá eru 80% líkur á að vegfar-
andinn lifi það af. Aukinn hraði
veldur aukinni svifryksmengun og
hann veldur auknum hávaða. Mikill
umferðarhraði gerir borgina óvist-
væna og ekki örugga fyrir gangandi
vegfarendur og börn,“ segir Hjálm-
ar og rifjar upp að nýlega hafi orðið
alvarlegt umferðarslys á Hring-
braut þegar ungur drengur fót-
brotnaði.
Íbúar við Hringbraut hafi einnig
vakið athygli á miklum hraða vestan
Melatorgs og hið sama megi segja
um íbúa við fleiri götur í borginni.
Samráð við Vegagerðina
Fram kom í blaðinu í gær að
Miklabrautin um Hlíðar er þjóðveg-
ur í þéttbýli og á umráðasvæði
Vegagerðarinnar. Ekki hefur verið
haft samráð við hana um að minnka
umferðarhraðann.
Hjálmar segir starfshópinn koma
til með að hafa samráð, en fulltrúi
frá Vegagerðinni hafi ásamt lög-
reglunni setið fund nýlega með um-
hverfis- og skipulagsráði til að ræða
þessi mál. Þar hafi meirihluti ráðs-
ins komið því skýrt á framfæri að
hann teldi umferðarhraðann í borg-
inni of mikinn.
Hraðaminnkun
bara lítið skref
 Formaður umhverfis- og skipulagsnefndar telur æskilegast
að lækka hámarkshraða á Miklubraut, Hringbraut og Sæbraut
Morgunblaðið/Ómar
Umferð Miklabraut er með umferðarþyngstu götum borgarinnar, einkum að morgni og síðdegis.
Hjálmar
Sveinsson
FRÉTTASKÝRING
Ómar Friðriksson
omfr@mbl.is
Viðræður samtaka á vinnumarkaði
um útfærslu Salek-ramma-
samkomulagsins hafa gengið ágæt-
lega að undanförnu en skv. heim-
ildum Morgunblaðsins er nú komið
babb í bátinn og vaxandi áhyggjur af
því að ríkisstjórnin hefur enn engar
tillögur kynnt til að uppfylla hlut
stjórnvalda í samkomulaginu.
Í viðræðum ASÍ og SA er unnið að
gerð kjarasamnings um breytingar
á gildandi samningum og aðlögun
forsenduákvæða að Salek-
samkomulaginu en endurskoðun
samninga þarf að vera lokið fyrir 1.
febrúar. Þó tillögur ríkisstjórn-
arinnar séu sagðar vera tilbúnar fyr-
ir nokkru síðan um breytingar á
fjárlagafrumvarpinu fyrir aðra um-
ræðu á Alþingi, hefur það valdið
miklum óróa meðal forsvarsmanna á
vinnumarkaði að þar virðist ekki
vera gert ráð fyrir aðgerðum til að
greiða fyrir Salek-viðræðunum.
Þetta er sagt geta sett alvarlegt
strik í reikninginn
Þorsteinn Víglundsson, fram-
kvæmdastjóri SA, segir í leiðara
fréttabréfsins Af vettvangi í gær að
lækki tryggingagjaldið ekki á næsta
ári séu kjarasamningar fyrir tíma-
bilið 2016-2018 í uppnámi. ,,Samn-
ingarnir voru gerðir í kjölfar hörð-
ustu átaka á vinnumarkaði í áratugi
og yfirvofandi hættu á allsherj-
arverkfalli sem hefði lamað atvinnu-
lífið og einangrað landið á tímum
mikillar uppsveiflu í ferðaþjónustu.
Samningarnir eru atvinnulífinu dýr-
ir en var ætlað að skapa frið á vinnu-
markaði til ársloka 2018,“ skrifar
Þorsteinn
Skora SA á Alþingi að lækka
tryggingagjaldið og hjálpa atvinnu-
lífinu við að viðhalda friði á vinnu-
markaði og hleypa á sama tíma lífi í
ný fyrirtæki frumkvöðla sem eru nú
að feta sín fyrstu skref í atvinnulíf-
inu.
Tryggingagjald lækki
Bæði SA og ASÍ höfðu gert ráð
fyrir að skilað yrði til baka þeirri
hækkun sem hefur orðið á trygg-
ingagjaldinu á seinustu árum í ljósi
þess að atvinnuleysi hefur minnkað
mikið. Við blasi að stokka þurfi upp
á milli Atvinnuleysistryggingasjóðs
og Fæðingarorlofssjóðs og halda
launþegasamtökin því fram að nú sé
orðið tímabært að auka réttindin í
fæðingarorlofinu og að samstaða
ætti að vera um að það verði gert.
Almenna tryggingagjaldið er í
dag 2½% hærra en það var fyrir
kreppuna 2008. Gert hefur verið ráð
fyrir því í viðræðunum skv. heim-
ildum Morgunblaðsins að hálft pró-
sent af þessari hækkun trygginga-
gjaldsins verði látið renna til
Fæðingarorlofssjóðs til þess að auka
réttindin í fæðingarorlofi. Bæði SA
og sveitarfélögin höfðu svo vonast til
að 2% lækkun tryggingagjaldsins
myndi vega upp á móti auknum
kostnaði þeirra vegna kjarasamn-
inganna.
Skv. heimildum blaðsins lá það
fyrir þegar gengið var frá ramma-
samkomulagi Salek-hópsins að at-
vinnulífið treysti sér ekki til uppfylla
það og fylgja launastefnu ríkisins
eins og hún birtist í gerðardómi í
ágúst sl., nema stjórnvöld kæmu
með mótvægisaðgerðir, aðallega
með lækkun tryggingagjaldsins.
Skv. starfsáætlun Alþingis átti 2.
umræða um fjárlögin að hefjast sl.
fimmtudag.
Ekkert bólar á
tillögum ríkisins
vegna Salek
 Viðræður á vinnumarkaði gætu far-
ið út um þúfur setji ríkisstjórnin ekki
fram tillögur fyrir 2. umræðu fjárlaga
Morgunblaðið/Styrmir Kári
Undirskrift Skrifað var undir Sa-
lek-samkomulagið í október.
Sterkir í stálinu
Skipastál • Lunningajárn • Bakjárn
Kælirör • Fíber- og galvanhúðaðar ristar
Svört- og ryðfrí rör og fittings
Ál • Ryðfrítt stál • PVC plötur
POM öxlar • PE plötur
Lokar af ýmsum gerðum
Opið virka daga kl. 8-17
Skútuvogi 4, Rvk
Rauðhellu 2, Hafnarfirði
Sími 568 6844 | ga@ga.is | ga.is