Víkurfréttir - 14.09.1989, Blaðsíða 6

6
Viðtalið
Logi Þormóðsson, stjórnarformaður
Fiskmarkaðs Suðurnesja:
HVAD
GERIST
UIVI
ÁRAMÓT?
í dag, finuntudag, er þess
minnst að tvö ár eru liðin frá því
að fiskupphoð hófust hjá Fisk-
markaði Suðurnesja. Þó þetta
sé ekki langur tími, er nú haldið
upp á þessi tímamót, þar sem
mikil óvissa er um það hvort
fvrirtækið nái þriggja ára aldri.
Astæðan er sú að um næstu ára-
mót renna út lögin um fisk-
markaðina.
Fyrir þann tíma þarf Alþingi
að hafa fjallað um það hvernig
til hefur tekist og hvort markað-
irnir fái starfsleyfi áfram. Þetta
álit liggur hins vegar ekki fyrir
og því vita forráðamenn fisk-
markaðanna ekki hvað tekur
við um áramót og þ.a.l. geta
þeir ekki gert neinar starfsáætl-
anir.
En hvernig er staða Fisk-
markaðar Suðurnesja í dag og
hvernig hefur gengið á þessum
tveimur árum? Til þess að fá
svör við því tókum við stjórnar-
formann markaðarins, Loga
Þormóðsson, tali.
Ekki ofíjárfestingar
„Fiskmarkaði Suðurnesja
hefur gengið mjög vel. Það var
þó tap fyrsta starfsárið, sem
stafaði m.a. af því að þá fórum
við út í fjárfestingar í upphafi
s.s. hönnun á tölvuútbúnaði,
án þess að vitað væri í raun
hvað ætlast væri til af fy rirtæk-
inu varðandi fjarskiptasölu
eða blönduðum fjarskipta- og
gólfmarkaði.
Varð fyrsta starfsárið því
erfitt vegna þess aðfjárfesting-
arnar urðu meiri en menn áttu
von á. Þó ekki offjárfestingar
heldur var þörf á sterkari og
meiri búnaði. T.d. töldum við
að tölvubúnaðurinn myndi
kosta á aðra milljón, en hann
fór í um sex milljónir."
Sumir höfðu efasemdir
„Yfirstandandi ár hefur tek-
ist vel þrátt fyrir minni sölu.
En með aðhaldi hefur tekist að
reka markaðinn mjög vel og
stendur hann því vel í dag.“
-Hvernig fmnst þér móttök-
urnar hafa verið gagnvart ftsk-
markaðinum?
,,Þær voru æði misjafnar.
Sumir höfðu efasemdir um að
fiskmarkaðir ættu tilverurétt á
íslandi og því hlaut hann
blendnar móttökur. í dag
finnst manni að menn séu al-
mennt á því að fiskmarkaðir
séu komnir til þess að vera.
Það er hins vegar mergur
málsins að taka þarf afstöðu til
þess hvort hér á að gilda lands-
sambandsverð eða markaðs-
verð.“
HARSNYRTING
fyrir dömur og herra
Hárgreióslustofan
£Loúcn&
Vatnsnestorgi
■ Tímapantanir í síma 14-848
Markaðskerfið okkur
til bjargar
-Nú hafa triliukarlarnir ekki
verið mjög ánœgðir með mark-
aðina.
„í sumar hefur meira verið
gert til að safna saman afla
þeirra og selja hann inni á gólfi
í stað þess að vera að láta menn
sækja smáslatta á misjöfnum
tíma. Er það lausnin á vanda-
máli þeirra.
Það sem er svarið við þess-
um gífurlega báta- og kvóta-
flótta af Suðurnesjum, og ef
menn eiga einhverja mögu-
leika á að viðhalda vinnu fyrir
fiskvinnslufólkið, er að koma
upp aðstöðu i höfnunum. I
fljótu bragði sýnist mér að
markaðskerfi geti bjargað
okkur og þá getum við, með
því að bjóða fram aðstöðu fyrir
bátana hér í höfnunum, land-
að hér á Suðurnesjum. Þannig
að það verði ódýrt að koma
hérna og landa, fíjót og örugg
þjónusta.
Þannig myndi þjónusta
markaðanna færast meira út í
hafnirnar og jafnframt væri
boðið þar upp á fiskgeymslur.
Með því gætu hafnirnar laðað
til sín skip annars staðar frá,
sem hér gætu landað og fengið
góða þjónustu. Fyrir utan fisk-
geymslur og markað er stutt í
flugið og því er hægt að bjóða
hærra verð en annars staðar.
Það með yrðu Suðurnesin betri
valkostur fyrir skip utan af
landi sem annars sigldu með
aflann."
Gott í Grindavík
-Nú hafið þið reynt útstöðvar
í Grindavík og Þorlákshöfn.
Hver er útkoman úr því dœmi?
„Þetta gekk mjög vel meðan
Þorlákshöfn hafði eitthvað til
að selja, en það var áður en
brúin yfir Ósana kom. En ein-
hverra hluta vegna hafa fisk-
eigendur ekki sýnt áhuga fyrir
því að selja fiskinn, einungis
haft áhuga fyrir að kaupa fisk.
Því urðum við að loka stöðinni
í Þorlákshöfn þar sem hún bar
sig ekki af þessum ástæðum.
Grindavík hefur komið
mjög sterkt út og á tímabili var
mest selt þaðan. Við viljum
endilega koma upp aðstöðu í
Sandgerði til aðgeyma þarfisk
og bjóða þjónustu. En fjár-
magn hefur skort til þess. Við
höfum valið þá leið að vaxa
með getunni en ekki umfram
hana.
Við erum kannski líka að
vonast til þess að eigendur
hafnanna sjái sér hag í því að
setja upp þessa aðstöðu. Við
myndum þá selja fiskinn en
þeir aðstöðuna. En kannski er
tómt mál að tala um það fyrr
Umhverfismál
Vallargata 18 í Sandgerði, sem nú er verið að rífa samkvæmt
fyrirskipun heilbrigðisyfirvalda. Ljósm.: epj.
Vikurfréttir
14. sept. 1989
en fiskmarkaðirnir eru orðnir
eins sjálfsagðir og verðlags-
ráð.“
Fiskverðið hækkaði
-Nú hefur því verið haldið
fram að fiskmarkaðirnir
sprengi upp ftskverðið?
„Landssambandsverð, sem
ákveðið er af einhverjum
mönnum inní Reykjavík,
breytist ekki nema tvisvar,
þrisvar á ári. En á fiskmörkuð-
um sem selja fisk á hverjum
degi hlýtur verðið að breytast.
Við fiskmarkaðsmenn full-
yrðum það að fiskverð hækk-
aði strax eftir að markaðirnir
byrjuðu. Þá hafði Landssam-
bandsverð ekki verið í gildi um
nokkurn tíma og mikið verið
um yfirborganir í ein tvö ár.
Allir vissu um þetta háa verð
þó það fengist hvergi staðfest.
Það kom hins vegar vel í ljós
þegar fiskmarkaðirnir byrjuðu
að þá hækkaði fiskverð tölu-
vert hér á landi.
Eftir það hefur meðalverð á
mörkuðum hér verið mikið
undir meðaltalshækkunum á
öðrum vöruflokkum. Því er
ekki hægt að ásaka fiskmark-
aðina um of hátt fiskverð.
Annað er það sem fiskmarkað-
irnir gera, það er að oft er góð
sala þegar stór fiskur kemur
fram. Fiskur sem gengur vel í
vélarnar eða gengur vel upp í
pantanir aðila. Þetta eru menn
því tilbúnir til að greiða meira
fyrir, enda ekki ástæða til ann-
ars.“
Til mikilla hagsbóta
-En hvað með framtíðina?
„Eg vona að ráðamenn,
sveitarstjórnamenn og þing-
menn þessa svæðis, sjái að þeir
hafa ástæðu til þess að leggja
fiskmarkaðinum lið með því
að tryggja það að fiskmarkað-
irnir haldi áfram. Einnig að
þeir hafi þá framtíðarsýn sem
er ódýrasta baráttan til að
auka fisk hér í umferð á þessu
svæði og berjast þannig við
fiskiskipin um fiskinn í sjón-
um. Það skiptir kannski ekki
svo miklu máli hvaða skrá-
setningarstafir eru á bátunum,
heldur er aðal málið að þeir
vilji landa hérna, þá eigum við
ágætis von.“
-Þú ert þá þeirrar skoðunar
að fiskmarkaðir séu lausnin?
„Já. Á þeim tæpu þrem ár-
um sem ég er búinn að vinna
að og þróa þessi mál, er ég ekki
í vafa um að ef allur fiskur væri
seldur á fiskmörkuðum yrði
það til mikilla hagsbóta, bæði
fyrir útgerð og vinnslu.“
HÚSID
RIFID
Byrjað er að rífa hið um-
deilda hús að Vallargötu 18 í
Sandgerði. Var hafist handa
við verkið fyrir helgi sam-
kvæmt fyrirskipun frá Heil-
brigðiseftirliti Suðurnesja og
ætti þessi títtnefnda slysa-
gildra því nú að vera horfin
af sjónarsviðinu.