Morgunblaðið - 08.02.2016, Blaðsíða 6

6 FRÉTTIRInnlent
MORGUNBLAÐIÐ MÁNUDAGUR 8. FEBRÚAR 2016
Sigurður Bogi Sævarsson
sbs@mbl.is
„Í þjóðfélaginu er mikil tor-
tryggni, þá ekki síst í garð
alþingismanna. Til siðs er að setja
út á útgerðarmenn og ef sami
maðurinn er í báðum þessum hlut-
verkum er ekki von á góðu,“ segir
Páll Jóhann Pálsson, alþingis-
maður Framsóknarflokksins.
Ýmsir þeir sem sitja á Alþingi eru
lítt áberandi í fjölmiðlum. Eigi að
síður koma þeir að afgreiðslu fjöl-
margra mála. Páll Jóhann er einn
þessara þingmanna. Hann er úr
Suðurkjördæmi, var kjörinn á Al-
þingi árið 2013 og situr í fjárlaga-
og atvinnuveganefndum þingsins.
Útvegur eigi málsvara
„Ég byrjaði minn stjórnmála-
feril í bæjarmálunum í Grindavík
fyrir sex árum. Lét svo tilleiðast í
landsmálin þegar ljóst var að eng-
inn úr sjávarútvegi væri á leiðinni
inn á þing,“ segir Páll Jóhann sem
með eiginkonu sinni hefur sl.
þrettán ár gert út eigin smábát.
Þá eiga þau hjón hlut í Vísi hf.,
sem er eitt af stærri sjávarútvegs-
fyrirtækjum landsins. „Tengsl
mín við greinina hafa aldrei verið
leyndarmál. Öllum var sömuleiðis
ljóst þegar ég var kosinn á þing
að ég ætlaði að miðla af reynslu
minni í sjávarútvegi.“
Þegar sjávarútvegs- og
byggðamál eru skoðuð í samhengi
segir Páll Jóhann að ljóst megi
vera að sjávarútvegurinn geti
ekki bæði haldið uppi byggð út
um land og einnig greitt há veiði-
og auðlindagjöld. Þá megi benda
á að í kvótakerfinu séu byggða-
pottar með um 5,3% af heildinni
sem nota megi til að styrkja
byggð í landinu í samræmi við
pólitísk markmið. „Gallinn við út-
reikning veiðigjalda í dag er sá að
hátækni í fiskvinnslunni sem hef-
ur skilað greininni hagræðingu
og hagnaði er ekki með í breyt-
unni. Því er hætta á að þeir sem
eingöngu eru í veiðum standi ekki
undir veiðigjöldunum, sem þau
fyrirtæki sem bæði eru í veiðum
og vinnslu þola,“ segir Páll Jó-
hann.
Ljósleiðari á alla bæi
Eitt þeirra verkefna sem Páll
Jóhann hefur með höndum er
þátttaka í starfshópi sem unnið
hefur tillögur til úrbóta í fjar-
skiptamálum. Undir eru um 3.500
sveitabæir um allt land. Mark-
miðið þar er að 99,9% þeirra verði
komin með ljósleiðaratengingu
árið 2020. Í ár eru verkefni þessu
eyrnamerktar 500 milljónir kr. og
væntanlega verður meira sett í
málið á næstu árum.
„Fólk í dreifbýlinu leggur
jafnvel meira upp úr ljósleið-
arasambandi heim á bæi en upp
úr vegum. Þetta er eitt mikilvæg-
asta hagsmunamálið úti á landi.
Ef fjarskipti eru í lagi getur þetta
líka rennt stoðum undir ýmsa
aðra starfsemi.“
Orkan nýtist innan
bæjarmarkanna
Grindavíkursvæðið hefur
verið í fréttum að undanförnu
vegna fyrirhugaðra leyfisveittra
borana HS-orku í Eldvörpum.
Þetta er þriggja kílómetra löng
gígaröð vestan Bláa lónsins.
„Samkvæmt auðlindastefnu
Grindavíkurbæjar er viðmiðið að
helmingur Svartsengisorku nýtist
innan bæjarmarkanna. Þarna er
mikið undir,“ segir Páll Jóhann.
Hann bendir á að bæjarstjórn
Grindavíkur hafi á sínum tíma
samþykkt boranir við Eldvörp
með ströngum skilyrðum eftir að
Alþingi raðaði þeim í nýtingar-
flokk. Á þeim grundvelli sé unnið
nú. „Ólíkir hagsmunir geta farið
saman. Bláa lónið nýtir affalls-
vatn í Svartsengi og er einn fjöl-
sóttasti ferðamannastaður lands-
ins. Ef ekki hefði verið virkað í
Svartsengi á sínum tími kæmi í
dag ekki ein milljón ferðamanna
til Grindavíkur á ári.“
Morgunblaðið/Sigurður Bogi
Grindavík Viðmiðið að helmingur Svartsengisorku nýtist innan bæjarmarkanna, segir Páll Jóhann Pálsson.
Tengsl mín við sjávarút-
veg eru ekki leyndarmál
 Páll Jóhann Pálsson fæddist
árið 1957. Hann er vélfræð-
ingur og skipstjórnarmaður að
mennt og hefur alla sína tíð
verið viðloðandi sjávarútveginn
í ýmsum störfum.
 Síðasta áratuginn hefur Páll
Jóhann verið með eigin útgerð.
Eiginkona hans er Guðmunda
Kristjánsdóttir og börnin eru
fimm.
Hver er hann?
Páll Jóhann Pálsson er þingmaður Framsóknarflokksins
Með því að velja hráefnið
af kostgæfni, nota engin aukaefni
og hafa verkhefðir fyrri tíma
í hávegum, framleiðum við
heilnæmar og bragðgóðar
sjávarafurðir.
Söluaðilar:
10-11, Hagkaup, Samkaup,
Iceland verslanir, Kostur,
Kvosin, Melabúðin, Nettó,
Pure Food Hall flugstöðinni
Keflavík, Sunnubúðin.
Laufey Rún Ketilsdóttir
laufey@mbl.is
„Staðan okkar hér í Holti er sérstök
því við erum með hátt hlutfall af börn-
um af erlendum uppruna,“ segir Hall-
dóra Björg Gunnlaugsdóttir, leik-
skólastjóri á leikskólanum Holti í
Breiðholti, en hlutfall barna sem eru
af erlendu bergi brotin er um 70%.
Lögð er áhersla á málörvun í öllu
starfi skólans en engin sérstök ís-
lenskukennsla fer þar fram, frekar en
í öðrum leikskólum borgarinnar.
„Hjá mörgum af okkar börnum er
þetta eina íslenska málumhverfið sem
þau eru í þar sem íslenska er ekki töl-
uð inni á heimilunum,“ segir Halldóra,
en geta barnanna í íslensku sé afar
misjöfn. Notast er við túlkaþjónustu í
boði Reykjavíkurborgar í ákveðnum
þáttum starfsins eins og þegar boða
þarf foreldra barna sem ekki hafa
vald á íslenskri tungu í viðtöl. „Skóla-
og frístundasvið úthlutar fjármagni í
þetta og það er ómetanlegt að hafa
það í þessum aðstæðum,“ segir Hall-
dóra.
Boðaður hefur verið niðurskurður á
skóla- og frístundasviði en talið er að
það bitni hvað mest á börnum með
sérþarfir. „Sérkennsla og fjölmenning
er tvennt ólíkt og því myndi íslensku-
kennsla til barna sem eru af erlendu
bergi brotin aldrei falla undir sér-
kennsluviðmið,“ segir Halldóra og því
sé óvíst hvort niðurskurðarkrafan hafi
bein áhrif á málörvun leikskólabarna.
Fjármagn vegna barna
af erlendum uppruna
„Við erum að gera okkar besta með
það sem við höfum en mig vantar
fyrst og fremst fleiri leikskólakenn-
ara,“ segir hún en þannig fáist betri
þjálfun fyrir börnin við að nota ís-
lenska tungu. „Leikskólar í Reykjavík
fá úthlutað fjármagni vegna barna af
erlendum uppruna en þegar hlutfallið
er orðið eins hátt og hjá okkur dugar
það ekki til að sinna þessum fjölda –
þá sérstaklega þegar við höfum ekki
leikskólakennara til að sinna því.“
Ekki sé hægt að ráða fleiri starfs-
menn af erlendu bergi brotna til vinnu
í leikskólanum þar sem leggja þurfi
meiri áherslu á íslenskuna. „Það
þrengir þó verulega valið þegar kem-
ur að starfsmönnum.“
Börnin á leikskólanum Holti ná vel
saman í leik og starfi þrátt fyrir að
tala mismunandi tungumál. „Þau bara
finna út úr því og ná að leika sér hvort
sem það er með látbragði, augn-
sambandi eða leikrænni tjáningu,“
segir Halldóra en leikskólinn gæti
einnig að því að hafa myndrænt
skipulag uppi á vegg fyrir börnin.
Um 70% barn-
anna á Holti af
erlendu bergi
 Lögð áhersla á málörvun í leikskól-
anum  Ekki sérstök íslenskukennsla
Stjórn þingflokks sjálfstæðismanna
hefur ákveðið nokkrar breytingar á
skipan fulltrúa flokksins í alþjóða-
nefndum Alþing-
is. Hanna Birna
Kristjánsdóttir
verður varafor-
maður Íslands-
deildar Evrópu-
ráðsþingsins.
Brynjar Níelsson
verður fulltrúi í
Norðurlandaráði í
stað Elínar Hirst.
Elín hefur lýst yf-
ir óánægju með að þurfa að víkja úr
sæti sínu.
Ragnheiður Ríkharðsdóttir, for-
maður þingflokksins, segir að kapall-
inn hefjist vegna þess að skipta þurfi
um fulltrúa í Íslandsdeild Evrópu-
ráðsþingsins. Unnur Brá Konráðs-
dóttir var kosin varaformaður á síð-
asta ári í stað Brynjars Níelssonar til
þess að fullnægja reglum ráðsins um
kynjakvóta. Íslendingar höfðu kosið
þrjá karlmenn í deildina.
Athugasemdir frá Evrópu
Unnur Brá er einnig formaður
Vestnorræna ráðsins og hefur átt erf-
itt með að sinna báðum störfunum.
Brynjar sem er varamaður hennar í
Evrópuráðsdeildinni hefur að mestu
sinnt skyldum hennar. Ragnheiður
segir að athugasemdir hafi borist
vegna þess frá Evrópuráðinu. Unnur
Brá hefur hins vegar ekki getað vikið
formlega sem varaformaður vegna
reglna ráðsins um kynjakvóta. Við
þetta bætist að Hanna Birna Krist-
jánsdóttir sem kosin var formaður
utanríkismálanefndar á síðasta ári er
ekki í neinni alþjóðanefnd á vegum
þingsins. Hefð er fyrir því að formað-
urinn hafi slík störf með höndum.
Ragnheiður segir að Hanna Birna
taki sæti Unnar sem verður vara-
maður. Jafnframt hefur verið ákveðið
að Brynjar taki sæti í Norðurlanda-
ráði þar sem Elín Hirst er fyrir en
hún verður varamaður.
Elín Hirst óánægð
Ragnheiður segir að hrókering-
arnar hafi átt sér nokkurn aðdrag-
anda. Stjórn þingflokksins hafi
ákveðið þær í samráði við formann.
Hún skipi þingmönnum í fasta-
nefndir og alþjóðanefndir, í samráði
við formann, og einnig þegar breyt-
ingar verði. Venjan er að tilkynna
breytingar í þingflokknum og segir
Ragnheiður að það verði gert þegar
þing komi saman í næstu viku. Henni
þykir miður að málið hafi farið í fjöl-
miðla um helgina.
Segir Ragnheiður að Elín Hirst
hafi lýst yfir óánægju með að þurfa
að víkja sem aðalmaður í Norður-
landaráði. Svo verði að vera. Hún
segir ekki hægt að verða við óskum
allra þingmanna. Þeir sem eru fram-
ar á lista gangi fyrir þegar verið sé að
tilnefna í embætti og nefndir.
helgi@mbl.is
Skipt um fulltrúa í alþjóðanefndum
 Hanna Birna verður varaformaður Íslandsdeildar Evrópuráðsins  Brynjar í Norðurlandaráð
Ragnheiður
Ríkharðsdóttir
Elín
Hirst
Brynjar
Níelsson
Unnur Brá
Konráðsdóttir
Hanna Birna
Kristjánsdóttir