Morgunblaðið - 08.02.2016, Blaðsíða 8

8 FRÉTTIRInnlent
MORGUNBLAÐIÐ MÁNUDAGUR 8. FEBRÚAR 2016
Ólína Þorvarðardóttir, þingmað-ur Samfylkingarinnar, kvaddi
sér hljóðs í óundirbúnum fyrir-
spurnartíma í liðinni viku, ræddi
vanda sjávarbyggða og vildi fá að
vita hvað sjávar-
útvegsráðherra
hygðist gera í þeim
efnum.
  
Ekki þurfti aðkoma á óvart
að Ólína hnýtti í
kvótakerfið og fann
því flest til foráttu, við því er að bú-
ast þegar þingmaður Samfylkingar-
innar er annars vegar.
  
En það er samt alltaf jafn sér-kennilegt að hlusta á þing-
menn Samfylkingarinnar og sam-
bærilegra flokka fjalla um vanda
byggðanna í kringum landið eins og
þeir hafi lagt eitthvað sérstakt af
mörkum til að tryggja stöðu þeirra.
  
Stefna Samfylkingarinnar í sjáv-arútvegsmálum er í megin-
atriðum sú að leggja ofurskatt á
sjávarútveginn sem er í raun ofur-
skattur á landsbyggðina.
  
Afleiðingin er að þrengja að sjáv-arbyggðunum, en þá er lausn
Ólínu og félaga sú að búa til flókið
kerfi til að reyna að bæta tjónið sem
stefna flokksins hefur valdið.
  
Sjávarútvegurinn og sjávar-byggðirnar þurfa ekki á
sýndarsamúð Samfylkingarinnar að
halda.
  
Stefna flokksins hefur valdið næg-um skaða.
  
Réttast væri að flokkurinn við-urkenndi mistök sín í sjávar-
útvegsmálum og hætti fjand-
skapnum í garð greinarinnar.
Ólína
Þorvarðardóttir
Hvað um að hætta
fjandskapnum?
STAKSTEINAR
Veður víða um heim 6.2., kl. 09.00
Reykjavík 1 skýjað
Bolungarvík 0 súld
Akureyri -2 alskýjað
Nuuk -7 alskýjað
Þórshöfn 3 skýjað
Ósló 0 alskýjað
Kaupmannahöfn 5 þoka
Stokkhólmur 1 alskýjað
Helsinki -7 skýjað
Lúxemborg 3 þoka
Brussel 8 skýjað
Dublin 5 skúrir
Glasgow 5 upplýsingar bárust ekki
London 10 léttskýjað
París 7 alskýjað
Amsterdam 8 skýjað
Hamborg 8 skýjað
Berlín 6 skýjað
Vín 0 léttskýjað
Moskva -1 snjóél
Algarve 15 léttskýjað
Madríd -1 léttskýjað
Barcelona 7 skýjað
Mallorca 7 léttskýjað
Róm 5 heiðskírt
Aþena 5 skýjað
Winnipeg -7 alskýjað
Montreal -5 léttskýjað
New York 0 heiðskírt
Chicago -2 skýjað
Orlando 10 heiðskírt
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
VEÐUR KL. 12 Í DAG
7. febrúar Sólarupprás Sólsetur
REYKJAVÍK 9:51 17:34
ÍSAFJÖRÐUR 10:10 17:25
SIGLUFJÖRÐUR 9:53 17:07
DJÚPIVOGUR 9:24 16:59
MÁ BJÓÐA ÞÉR
Í SJÓNMÆLINGU?
NÝ SENDING AF
UMGJÖRÐUM
Traust og góð þjónusta í 19 ár
Hamraborg 10, Kópavogi – Sími 554 3200
Opið virka daga 9.30-18, laugardaga 11–14
Sveinn Halldór Ragn-
arsson, fyrrverandi fé-
lagsmálastjóri í Reykja-
vík, lést síðastliðinn
föstudag, 5. febrúar
2016, 88 ára að aldri.
Sveinn var fæddur í
Reykjavík 25. júní 1927
og bjó í borginni alla tíð.
Sveinn lauk stúdents-
prófi frá MR árið 1946
og innritaðist svo í laga-
deild Háskóla Íslands og
auk þaðan prófi árið
1953. Það ár hóf hann
störf hjá Reykjavíkurborg hvar hann
starfaði allan sinn starfsferil. Var fyrst
fulltrúi á skrifstofu borgarstjóra, þá
húsnæðisfulltrúi og seinna skrifstofu-
stjóri félags- og framfærslumála.
Lengst var hann félagmálastjóri, það
er frá árinu 1963 og til starfsloka árið
1994. Á þeim tíma lagði hann með öðr-
um grunn að þeirri velferðarþjónustu í
borginni sem nú er.
Sveinn starfaði mikið
með Knattspyrnufélag-
inu Fram og innan
íþróttahreyfingarinnar.
Hann var heiðursfélagi
Fram og lék með hand-
knattleiksliði félagsins
sem tryggði félaginu
sinn fyrsta Íslands-
meistaratitil árið 1950.
Þá var hann lengi þjálf-
ari og liðsstjóri hjá
Fram auk þess sem
hann sat í stjórn félags-
ins og gegndi ýmsum
öðrum trúnaðarstörfum.
Einnig sinnti Sveinn ýmsum trún-
aðarstörfum vegna starfs síns. Má þar
nefna smíði laga um félagsþjónustu
fatlaðra, félagsþjónustu sveitarfélaga
og fleira.
Eiginkona Sveins var Halldóra Elí-
asdóttir sem lést árið 2005. Sonur
þeirra er Sveinn Andri, viðskiptafræð-
ingur í Garðabæ.
Andlát
Sveinn H. Ragnarsson
Háskólinn á Bifröst hefur nú
fengið gæði skólans staðfest af
hálfu gæðaráðs íslenskra háskóla.
Traust er borið til gæða prófgráða í
bráð og lengd og námsumhverfis
nemenda skólans, segir í frétt frá
skólanum.
Með þessari niðurstöðu lýkur út-
tekt gæðaráðs á Háskólanum á Bif-
röst sem hófst með skýrslu frá skól-
anum og heimsókn úttektarnefndar
gæðaráðs í mars á síðastliðnu ári. Í
úttektarnefndinni sátu fjórir er-
lendir sérfræðingar og einn nem-
endafulltrúi.
Í september síðastliðnum sendi
gæðaráðið frá sér skýrslu um gæði
Háskólans á Bifröst og lýsti þar
trausti á námsumhverfi nemenda og
á gæðum prófgráða til lengri tíma
litið. Bent var á fimm atriði sem
bæta þótti mega og lúta að stöðu
skólans til að tryggja gæði próf-
gráða í bráð. Háskólinn á Bifröst
hefur tekið á öllum þeim atriðum.
Söfnun tölulegra gagna og úr-
vinnsla þeirra til að nýta við stjórn-
un og stefnumótun hefur verið stór-
aukin, skýr stefna til næstu ára
hefur verið sett fram, úttekt á
stjórnskipulagi og hlutverkaskipt-
ingu í skólanum var hleypt af stokk-
unum, nýjar reglur hafa verið sett-
ar um fastráðningu akademískra
starfsmanna og fjárhagsleg staða
skólans verið bætt.
Gagnlegt og lærdómsríkt
Í fréttatilkynningu er haft eftir
Vilhjálmi Egilssyni, rektor Háskól-
ans á Bifröst, að úttektarferli gæða-
ráðs hafi reynst bæði gagnlegt og
lærdómsríkt fyrir Háskólann á Bif-
röst og styrkt stöðu hans. Allar þær
breytingar sem orðið hafi á starfs-
háttum skólans í ferlinu muni
styrkja hann enn frekar. Í gæðaráði
íslenskra háskóla sitja fimm erlend-
ir sérfræðingar skipaðir af mennta-
og menningarmálaráðherra.
Staðfesta gæði
Háskólans á Bifröst