Morgunblaðið - 14.04.2016, Page 1

F I M M T U D A G U R 1 4. A P R Í L 2 0 1 6
Stofnað 1913  86. tölublað  104. árgangur 
MOSSACK FON-
SECA NÝTTIST
VIÐ BANKAKAUP HVÍLUBRÖGÐ BOÐA HEPPNI
FÓLK SEM HEFUR
LÍTIÐ TIL SKIPT-
ANNA GEFUR MEST
KEPPT Í ÞORSKVEIÐUM 36 HEIMSÓTTI FLÓTTAMANNASVÆÐI 28VIÐSKIPTAMOGGINN
Veðrið hefur leikið við landsmenn undanfarna daga og himn-
arnir hafa tekið þátt í gleðinni og sýnt magnaða liti. Sterk
norðurljós, tær blár himinn og sólsetur sem fær jafnvel snjall-
símanotendur til að leggja niður símann.
Í Borgarnesi á dögunum mátti sjá fegurðina við Snæfells-
jökul þegar sólin gekk til viðar. Skýin hjúfruðu sig að jökl-
inum, skærrauð af síðustu geislum sólar þann daginn. Í ör-
skotsstund var eins og skýjahnoðrarnir breiddu sæng sína
yfir hann og reyndu að koma yl í ískaldan jökulinn.
Í dag er gert ráð fyrir norðlægri átt. Víða um land verður
lítilsháttar rigning eða smásúld og verður hiti 3 til 10 stig en
vægt næturfrost NA-lands. Fer kólnandi, einkum NA-lands.
Skærrautt sólsetur við Snæfellsjökul
Morgunblaðið/Theodór Kr. Þórðarson
Stefán E. Stefánsson
ses@mbl.is
Forstjóri Ístaks lýsir þungum
áhyggjum af meintri notkun verk-
takafyrirtækja á vinnuafli sem sótt er
í gegnum útlendar starfsmannaleig-
ur. Segir hann að brögð séu að því að
vinnuafl sem komi til landsins í gegn-
um erlendar starfsmannaleigur sé
munstrað upp sem undirverktakar
við stórverkefni. Þannig geti verktak-
ar undirboðið aðra á markaði og náð
stórum verkefnum til sín.
Í gögnum sem Morgunblaðið hefur
undir höndum kemur fram að eitt og
sama verktakafyrirtækið, LNS Saga,
sem er í eigu norska verktakafyrir-
tækisins Leonhard Nilsen & Sønner
AS, hefur hreppt nokkur af allra
stærstu verkefnunum sem boðin hafa
verið út í landinu á undanförnum
misserum. Það á meðal annars við um
stórframkvæmdir á vegum Lands-
virkjunar við Þeistareyki og bygg-
ingu Nýja Landspítalans á nýju
sjúkrahóteli við spítalann.
Morgunblaðið bar gögnin undir
Karl Andreassen, forstjóra Ístaks,
sem bauð í byggingu sjúkrahótelsins
og spurði hann út í hvað orsakaði hið
lága verð sem LNS Saga hefur boðið.
„Það er erfitt að segja en í verk-
efnum sem við höfum boðið í og ekki
fengið hafa tilboð þessa fyrirtækis
sem þú nefnir komið okkur verulega á
óvart. Í einu tilviki, sem í grunninn er
einfalt verkefni, getum við með engu
móti skilið hvernig hægt er að bjóða
þetta verð. Þar getur aðeins einn
þáttur haft veruleg áhrif og það er
launaþátturinn.“
Karl segir að hann og fleiri aðilar á
markaðnum hafi áhyggjur af stöðu
mála og að þeir óttist að verið sé að
nýta erlendar starfsmannaleigur í
skjóli undirverktaka.
„Flestir verktakar nýta sér starfs-
mannaleigur núna þar sem það er
þröngt um vinnuafl, en þær þurfa að
vera skráðar á Íslandi, fara eftir ís-
lenskum kjarasamningum og vinnu-
löggjöf. Þeir sem hins vegar skáka í
skjóli erlendra fyrirtækja sem taka að
sér undirverktöku geta lækkað
tryggingagjald af launum úr 7,35%,
sem við greiðum af launum okkar
starfsfólks, í 0,425%. Þá er gjarnan
spilað samkvæmt þeirri reglu að
starfsmenn séu ekki lengur en 184
daga í landinu á hverju almanaksári
og þá eru allir skattar greiddir til
heimaríkisins en ekki hingað,“ segir
Karl.
Karl segir að lítið sem ekkert eft-
irlit sé með þessum málum hér á landi
og að hætt sé við að fyrirtæki sem
standi í harðri samkeppni færi sig í
ríkara mæli út á gráa svæðið í þeirri
von að hreppa verkefni sem þau bjóði
í en það sé afar óheppileg þróun.
Verktakar æ oftar
á gráa svæðinu
 Sagðir nýta erlendar starfsmannaleigur sem undirverktaka
Morgunblaðið/Helgi Bjarnason
Útboð Umsvif hafa aukist í bygg-
ingaiðnaði og skortur á vinnuafli.
MViðskiptaMogginn
 „Við höfum
hvergi sparað
þegar kemur að
lúxus og þæg-
indum,“ segir
Steinþór Jónsson,
hótelstjóri og eig-
andi Diamond
Suites, fyrsta
fimm stjörnu hót-
els landsins, sem
verður opnað formlega í Keflavík
17. maí næstkomandi.
Öll húsgögn, efniviður og tæki
hafa verið sérinnflutt hingað til
lands og valin samkvæmt hæstu
stöðlum. Er m.a. í einni svítu hótels-
ins að finna rúm úr hvítu leðri
skreytt Swarovski-kristölum. »24
Keflavík með fyrsta
5 stjörnu hótelið
Steinþór Jónsson
 Þykkt lag af sandi og leir situr eft-
ir á umfangsmiklum flóðasvæðum
Skaftár eftir hamfarahlaupið í byrj-
un október. Mun það leiða til sand-
foks og svifryksmengunar umfram
heilsuverndarmörk í Skaftárhreppi í
sumar, að mati Sveins Runólfssonar
landgræðslustjóra, og hugsanlega
valda vandræðum hjá ökumönnum.
Landgræðslan telur mikilvægt að
bregðast sem fyrst við með því að sá
melgresi í verstu sandfokssvæðin
næst byggð. Það þurfi að gera innan
skamms og hefur Landgræðslan sótt
um 96 milljóna króna aukafjárveit-
ingu til uppgræðslu »32-34
Sandfok mun valda
vandræðum í sumar
Karlmaður á sjötugsaldri skaut
konu sína til bana í íbúð í fjölbýlis-
húsi á Akranesi í fyrrinótt og svipti
sig síðan lífi. Samkvæmt heimildum
Morgunblaðsins skaut maðurinn
konuna í svefni og fannst hún látin í
rúmi sínu. Konan var á sextugsaldri,
starfsmaður Grundaskóla, og voru
samstarfsmönnum hennar tilkynnt
tíðindin í gær. Var þeim boðin áfalla-
hjálp í kjölfarið og nemendur sendir
heim.
Engin tilkynning barst um skot-
hvelli eða hávaða frá íbúðinni um
nóttina. Þegar konan mætti ekki til
vinnu í gærmorgun reyndi vinnu-
veitandi hennar að hafa samband við
hana. Eftir árangurslausar tilraunir
var haft samband við lögreglu, sem
naut aðstoðar sérsveitar ríkis-
lögreglustjóra og braut sér leið inn í
búðina þar sem lík fólksins fundust.
Var það gert vegna þess að skotvopn
var skráð á heimilinu.
Málið er til rannsóknar hjá lög-
reglunni á Vesturlandi.
benedikt@mbl.is
Harmleikur
á Akranesi
Morgunblaðið/Sigurður Bogi
Akranes Starfsfólki Grundaskóla
bauðst áfallahjálp eftir voðaverkið.