Morgunblaðið - 14.04.2016, Blaðsíða 52

52 UMRÆÐAN
MORGUNBLAÐIÐ FIMMTUDAGUR 14. APRÍL 2016
. . . 20 - 30 - 40 - 50 - 60 - 70 - 80 - 90 - 100 . . .
Átt þú stórafmæli á árinu 2016?
Hótel Rangá býður öllum sem eiga
stórafmæli á árinu einstakt afmælistilboð.
Gisting fyrir tvo á aðeins 2016 krónur
á sjálfan afmælisdaginn ef haldið er upp
á afmælið með kvöldverði á veitingastað
hótelsins.
Nánari upplýsingar á
www.hotelranga.is/storafmaeli
Áttu fullt af græjum sem liggja ótengdar?
Leyfðu okkur að aðstoða!
S: 444 9911 – hjalp@taeknisveitin.is – www.taeknisveitin.is
Tengjum heimabíóið
Setjum upp þráðlaust net
Standsetjum nýju tölvuna
Tengjum saman ólíkar græjur
Sjónvarpsmerki í öll sjónvörpin
Lagnavinna á heimilinu
...og margt, margt fleira!
Hvað gerum við?
TÆKNISVEITIN
til þjónustu reiðubúin!
Við komum til þín, veitum ráðgjöf, setjum tækin
upp, gerum við, leggjum lagnir, tengjum tækin
saman við önnur og fáum allt til að virka.
Svo færðu kennslu líka ef þörf er á því.
Stórfellt laxeldi í
Ísafjarðardjúpi mun
verða til þess að
villtum laxastofnum
hnignar og að lokum
deyja þeir út. Þetta
kemur fram í grein
Jóns Helga Björns-
sonar, formanns
Landssambands
veiðifélaga, og Vikt-
ors Guðmundssonar,
formanns Landssambands stanga-
veiðifélaga.
Í greininni sem birtist í Frétta-
blaðinu 31. mars sl. vitna þeir fé-
lagar og formenn í skýrslu Norsk
institutt for naturforskning (Nina)
um áhrif laxeldis á villta laxastofna
í Noregi. Í nýlegri skýrslu stofn-
unarinnar kemur fram að 125
stofnar villtra laxa voru rannsak-
aðir í norskum ám.
Fráleitt er tal um útrýmingu
Norski eldislaxinn er erfðafræði-
lega frábrugðinn íslenska laxa-
stofninum. Hann er hraðvaxta,
verður seint kynþroska, kynbættur
fyrir eldi og er í eldi og ræktun í
öllum helstu laxeldislöndum aust-
an- og vestanhafs. Afleiðing eld-
isins getur verið hnignun af erfða-
blöndun ef innblöndun eldislax í
laxár er viðvarandi til
margra ára og í margar
kynslóðir villtra laxa í
viðkomandi á. Fráleitt
er tal um útrýmingu
villtra stofna sem fyrir
eru. Það sýnir mynd
sem hér fylgir eftir 35
ára laxeldi í Noregi.
Byggist á 35 ára
reynslu
Um eldið í Djúpinu
segja þeir félagar:
„Þrjár ár renna í
Ísafjarðardjúp sem skila um 150-
500 laxa meðalveiði hver. Ætlunin
er að framleiða á svæðinu 6.800
tonn af laxi á hverju ári. Engar lík-
ur eru á því að þessar ár sem hafa
ekki stærri stofna en raun ber
vitni þoli nábýli við sjókvíaeldi sem
inniheldur 2,8 milljónir eldislaxa.
LV hefur bent atvinnuvega- og ný-
sköpunarráðuneytinu á nauðsyn
þess að friða Ísafjarðardjúp fyrir
eldi norskra laxa, en ráðuneytið
sýnir því miður ekki þá umhverfis-
ábyrgð að verða við beiðni sam-
bandsins um friðun.“
Fyrirtækin í laxeldi á Íslandi
nýta sér 35 ára reynslu Norð-
manna til að fyrirbyggja að lax
sleppi úr sjókvíum. Virkasta leiðin
til þess er reglugerðin um fiskeldi
sem innleiddi norskan staðal um
búnað (NS 9415) í sjókvíaeldi hér á
landi. Frá því að staðallinn var tek-
inn upp í Noregi fækkaði til-
kynntum slysasleppingum veru-
lega. Þeir félagar segja að einn lax
sleppi fyrir hvert framleitt tonn af
laxi og það sé reynsluheimur Norð-
manna. Rétt er að búnaður Norð-
manna í sjókvíaeldi var afar frum-
stæður til að byrja með en með
dýrkeyptri reynslu þróaðist staðall
um búnað fyrir eldi laxfiska í sjó
eins og fyrr er nefnt. Íslenskt sjó-
kvíaeldi byggst á dýrkeyptri
reynslu Norðmanna í þessum efn-
um.
Ekki marktækur
samanburður
Almennur samanburður á stroki
fiska í Noregi og Íslandi er því
ekki marktækur. Búnaðurinn hér á
landi er nýr og vottaður eftir þeim
staðli sem Norðmenn sömdu meðal
annars til að koma í veg fyrir að
fiskur sleppi úr sjókvíum. Sjókvía-
eldið á Íslandi nýtur því í dag 35
ára reynslu Norðmanna. Líkindi á
að fiskur sleppi hér eru því minni
en í Noregi. Inn í það kemur með-
al annars að útsett seiði á Íslandi
eru að meðaltali stærri en í Noregi
og minni hætta er á að smáseiði
sleppi með því að smjúga í gegn-
um möskva nótarinnar í sjókvínni.
Viljum verja náttúruna
Íslendingar vilja almennt verja
íslenska náttúru, þar með taldar
laxveiðiár og vötn, flóa og firði,
náttúruminjar og hálendið og
koma í veg fyrir að gæði þeirra
rýrni eða skaðist. Það er hagur
allra að fyrirhugað laxeldi í Djúp-
inu hafi ekki óæskileg áhrif á
hagsmuni veiðiréttarhafa. Fiskeld-
ismenn eru líka stangveiðimenn,
en mikilvægt er að stuðla að al-
vöru atvinnugrein með uppbygg-
ingu, fjölgun starfa og samhliða
því að gera þær nauðsynlegu ráð-
stafanir sem þarf til að verja villta
laxastofna.
Ýkjur og rangfærslur um laxeldi
hjá formönnum veiðifélaganna
Eftir Guðberg
Rúnarsson » Almennur saman-burður á stroki fiska
í Noregi og á Íslandi er
því ekki marktækur.
Íslendingar byggja
á 35 ára dýrkeyptri
reynslu Norðmanna.
Guðbergur Rúnarsson
Höfundur er framkvæmdastjóri
Landssamband fiskeldisstöðva.
Blöndun eldislaxa við 125
villta laxastofna í Noregi
Enginn munur - 44 stofnar
Vægur munur - 41 stofn
Miðlungs munur - 9 stofnar
Mikill munur - 31 stofn
Nina feb. 2016
35%
33%
25%
7%
Forsætisráðherra er fyrir alla þjóðina, ekki
bara Reykvíkinga. Það má ekkert koma fyrir í
landinu svo að Reykvíkingar hlaupi ekki
öskrandi út á götu og verði sér til skammar.
Þeir eru eflaust að ná svifryki úr talfærunum
með því, grýta lögregluna og svína allt út í
kringum sig. Mér finnst langt gengið að stytta
Jóns Sigurðssonar sé ekki undanskilin hjá þess-
um látum. Hvar eru þau nú, Steingrímur J. Sig-
fússon og Birgitta Jónsdóttir, gleymdu þau
gemsunum?
Svo er það RÚV. Allar neikvæðar fréttir eru
endurteknar á klukkutíma fresti allan daginn.
Það sem nú er til umræðu munu þeir vera með
endalaust í eyrunum á okkur. Svo er ekki vinnu-
friður á Alþingi fyrir konum, þær eru allt of
margar, þær misstu niður um sig buxurnar í síð-
ustu kosningum og halda stjórninni þannig að
ekki er vinnufriður. Frekar ættu þær að bæta
sig. Þó virði ég tvær konur á Alþingi, Ragnheiði
Ríkharðsdóttur og Vigdísi Hauksdóttur.
Guðlaug Vagnsdóttir.
Velvakandi Svarað í síma 569-1100 frá kl. 10-12 velvakandi@mbl.is
Óvirðing Ekki má henda
rusli í Jón.
Forsætisráðherra,
RÚV og Alþingi